Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 21:1-20

21  Eku heteleleni Yehoxafati a etlela ni vatata wakwe+ kutani a lahliwa ni vatata wakwe+ eMutini wa Davhida; Yehorama+ n’wana wakwe a sungula ku fuma ematshan’weni ya yena.  A a ri ni vamakwavo, vana va Yehoxafati, ku nga Azariya, Yehiyele, Zakariya, Azariya, Mikayele na Xefatiya, hinkwavo lava a ku ri vana va Yehoxafati lowa hosi ya Israyele.  Kutani tata wa vona a va nyika tinyiko+ to tala ta silivhere, nsuku ni swilo swo hlawuleka swin’we ni miti leyi tiyisiweke ya Yuda;+ kambe mfumo a wu nyika Yehorama,+ hikuva a a ri mativula.+  Loko Yehorama a pfukela mfumo wa tata wakwe, u tiyise xikhundlha xakwe, kutani a dlaya vamakwavo+ hinkwavo hi banga ni tihosana tin’wana ta Israyele.  Yehorama a a ri ni malembe ya 32 hi vukhale loko a sungula ku fuma, u fume+ eYerusalema ku ringana malembe ya nhungu.  A hambeta a famba endleleni ya tihosi ta Israyele,+ hilaha va yindlu ya Akabu va endleke hakona; hikuva n’wana wa Akabu u ve nsati wakwe,+ u hambete a endla swo biha ematihlweni ya Yehovha.+  Yehovha a a nga swi lavi ku lovisa yindlu ya Davhida,+ hikwalaho ka ntwanano+ lowu a wu endleke na Davhida, ni hilaha a vuleke hakona leswaku u ta n’wi nyika rivoni,+ yena ni vana vakwe nkarhi hinkwawo.+  Emasikwini yakwe Edomu+ a pfukela Yuda+ kutani a veka hosi leyi nga ta va fuma.+  Kutani Yehorama ni tindhuna takwe va hundza ni makalichi hinkwawo lawa a a ri na wona. A pfuka nivusiku a ya dlaya Vaedomu lava a va n’wi rhendzerile swin’we ni tindhuna ta makalichi. 10  Kambe Edomu a ya emahlweni ni swiendlo swakwe swa ku pfukela ehansi ka voko ra Yuda ku fikela esikwini leri. Hi wona nkarhi lowu Libna+ a sunguleke ha wona ku n’wi pfukela, hikuva u siye Yehovha Xikwembu xa vatata wakwe.+ 11  Na yena u tlhele a endla tindhawu leti tlakukeke+ etintshaveni ta Yuda, leswaku a endla vaaki va Yerusalema va va ni vuxaka bya rimbewu lebyi nga amukelekiki,+ ni leswaku a hlongola Yuda.+ 12  Eku heteleleni ku fika leswi tsariweke+ hi Eliya+ lowa muprofeta eka yena, a ku: “Yehovha Xikwembu xa Davhida kokwa wa wena u te, ‘Hikwalaho ka leswi u nga fambangiki etindleleni ta Yehoxafati+ tata wa wena kumbe etindleleni ta Asa+ lowa hosi ya Yuda, 13  kambe u fambeke endleleni ya tihosi ta Israyele+ naswona u endleke leswaku Yuda ni vaaki va Yerusalema va va ni vuxaka bya rimbewu lebyi nga amukelekiki+ hilaha vandyangu wa Akabu va endleke leswaku ku va ni vuxaka bya rimbewu lebyi nga amukelekiki hakona,+ u dlaye+ hambi ku ri vamakwenu, vandyangu wa tata wa wena lava a va antswa ku ku tlula; 14  waswivo, Yehovha u va twisa ku vava+ lokukulu vanhu+ va wena ni vana+ va wena ni vasati va wena ni nhundzu ya wena hinkwayo. 15  U ta va ni mavabyi yo tala,+ u ta va ni vuvabyi bya marhumbu, kukondza marhumbu ya wena ma huma hikwalaho ka vuvabyi siku ni siku.’”+ 16  Hiloko Yehovha a pfuxa moya+ wa Vafilisita+ ni Vaarabiya+ lava a va ri etlhelo ka Vaetiyopiya+ ku lwa na Yehorama. 17  Kutani va fika eYuda va ri nghenela, va teka nhundzu ya vona hinkwayo leyi a yi kumeka endlwini+ ya hosi ni vana va yona ni vasati va yona,+ a yi siyeriwanga n’wana loko ku nga ri Yowohazi,+ n’wana wa yona lontsongo eka hinkwavo. 18  Endzhaku ka leswi hinkwaswo, Yehovha a n’wi ba hi khombo ra vuvabyi emarhumbyini yakwe, vuvabyi lebyi a byi nga tshunguleki.+ 19  Kutani emasikwini lama landzeleke, endzhaku ka malembe mambirhi, marhumbu+ yakwe ma huma loko a ri karhi a vabya, hakatsongo-tsongo a fa hikwalaho ka mavabyi yakwe yo biha; naswona vanhu vakwe a va n’wi hiselanga+ mirhi ya risuna hi laha va hiseleke vatata wakwe hakona. 20  A a ri ni malembe ya 32 hi vukhale loko a sungula ku fuma, u fume eYerusalema malembe ya nhungu. Eku heteleleni a famba a nga tsakeriwi hi munhu.+ Kutani va n’wi lahla eMutini wa Davhida,+ kambe ku nga ri eswilahlweni swa tihosi.+

Tinhlamuselo ta le hansi