Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 2:1-18

2  Solomoni a humesa rito leswaku ku akiwa yindlu+ ya vito ra Yehovha+ ni yindlu ya vuhosi byakwe.+  Hiloko Solomoni a hlaya vavanuna va 70-000 lava va rhwalaka ndzhwalo ni vavanuna va 80 000 lava va vatlaka maribye entshaveni+ ni vavanuna va 3 600 va ri valanguteri va vona.+  Ku tlula kwalaho, Solomoni a rhumela rito eka Hiramu+ hosi ya Tiri, a ku: “Hilaha u tirhisaneke hakona na Davhida+ tatana, naswona u n’wi rhumeleke timhandzi ta mukedari leswaku a tiakela yindlu yo tshama eka yona,—  waswivo, ndzi ri akela+ yindlu vito+ ra Yehovha Xikwembu xanga leswaku ndzi ri hlawulekisa+ eka yena, leswaku ndzi hisa xinun’hweriso xa murhi wa risuna+ emahlweni ka yena, hi swinkwa+ swo tlhandlekelana nkarhi hinkwawo ni magandzelo yo hisiwa nimixo ni nimadyambu,+ hi tisavata+ ni hi ku thwasa ka n’weti+ ni hi minkhuvo+ ya Yehovha Xikwembu xa hina. Leswi swi ta va ehenhla ka Israyele hilaha ku nga riki na makumu.+  Yindlu leyi ndzi yi akaka yi ta va yikulu,+ hikuva Xikwembu xa hina i xikulu eka swikwembu leswin’wana hinkwaswo.+  I mani la nga vaka ni matimba ya ku xi akela yindlu?+ Hikuva matilo ni tilo ra matilo a ma nge xi tameli,+ xana mina ndzi mani+ lerova ndzi nga xi akela yindlu loko ku nga ri ku mbulukisa xitlhavelo emahlweni ka xona?+  Sweswi ndzi rhumelele munhu la nga ni vuswikoti byo tirha hi nsuku, silivhere, koporo,+ nsimbi, voya lebyi pendiweke byi va bya xivunguvungu, krimsoni ni harani ya wasi, la tivaka ku kovotla swin’we ni lava va nga ni vuswikoti lava va nga na mina eYuda ni le Yerusalema, lava Davhida tatana a va lunghiseleleke.+  Ndzi rhumele timhandzi ta mukedari,+ yunipa+ ni algama+ swa le Lebanoni,+ hikuva mina ndzi swi tiva kahle leswaku malandza ya wena ma ni ntokoto wa ku tsema mirhi ya Lebanoni,+ (waswivo, malandza ya mina ma ni malandza ya wena,)  hambi ku ri ku ndzi lunghiselela timhandzi to tala, hikuva yindlu leyi ndzi yi akaka yi ta va yikulu, ina, hi ndlela leyi hlamarisaka. 10  Kutani waswivo, varhoteri va tihunyi, vatsemi va mirhi, ndzi va nyika koroni yi va swakudya swa malandza ya wena, mpimo wa tikoro ta 20 000,+ ni maxalana, mpimo wa tikoro ta 20 000, ni vhinyo,+ tibati ta 20 000, ni mafurha, tibati ta 20 000.” 11  Hiloko Hiramu hosi ya Tiri+ a vula rito hi ku ri tsala, a ri rhumela eka Solomoni: “Hikwalaho ka leswi Yehovha a rhandzaka+ vanhu vakwe, u ku veke u va hosi ya vona.”+ 12  Hiramu a ya emahlweni a ku: “A a dzunisiwe Yehovha Xikwembu xa Israyele,+ loyi a endleke matilo ni misava,+ hikuva u nyike Davhida lowa hosi n’wana wo tlhariha, la nga ni ntokoto evutlharini ni le ku twisiseni,+ la nga ta akela Yehovha yindlu ni yindlu ya vuhosi byakwe.+ 13  Sweswi ndzi rhumela munhu la nga ni vuswikoti, la nga ni ntokoto eku twisiseni, la nga wa Hiramu-abi,+ 14  n’wana wa wansati wa vana va Dani kambe tata wakwe i munhu wa le Tiri, la nga ni ntokoto, leswaku a tirha hi nsuku ni silivhere, hi koporo,+ hi nsimbi, hi maribye+ ni timhandzi, hi voya lebyi pendiweke byi va bya xivunguvungu,+ hi harani ya wasi,+ hi lapi ro vevuka+ ni krimsoni,+ ni ku kovotla+ hi xitirho xin’wana ni xin’wana+ lexi a nga nyikiwaka xona swin’we ni vavanuna va wena lava nga ni vuswikoti ni vavanuna lava nga ni vutshila va hosi yanga Davhida tata wa wena. 15  Sweswi koroni ni maxalana, mafurha ni vhinyo leswi hosi yanga yi swi tshembiseke, a yi swi rhumele eka malandza ya yona.+ 16  Loko ku ri hina, hi ta tsema mirhi+ eLebanoni hi ku ya hi xilaveko xa wena hinkwaxo,+ hi ta ku tisela yona eYopa+ yi famba hi lwandle,+ loko ku ri wena, u ta yi tlhandlukisela eYerusalema.” 17  Kutani Solomoni a hlaya vavanuna hinkwavo lava a va ri valuveri, lava a va ri etikweni ra Israyele,+ endzhaku ka loko Davhida a va hlayile;+ va kumeke va ri 153 600. 18  Hiloko a endla va 70 000 va va varhwali va ndzhwalo+ na 80 000 va va vavatli+ va maribye entshaveni, na 3 600 va ri valanguteri lava va langutelaka vanhu leswaku va tirha.+

Tinhlamuselo ta le hansi