Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 19:1-11

19  Kutani Yehoxafati hosi ya Yuda a tlhelela hi ku rhula+ endlwini yakwe eYerusalema.  Yehu+ n’wana wa Hanane+ la vonaka swivono+ a ya emahlweni a ku eka Hosi Yehoxafati: “Xana ku fanele ku pfuniwa vo homboloka,+ xana u fanele u rhandza+ lava va vengaka+ Yehovha? Hikwalaho ka leswi Yehovha u ku hlundzukerile.+  Nilokoswiritano, ku ni swilo leswinene+ leswi kumiweke eka wena, hikuva u suse timhandzi to kwetsima hinkwato etikweni,+ naswona u lunghiselele mbilu ya wena leswaku yi lavisisa Xikwembu xa ntiyiso.”+  Yehoxafati a hambeta a tshama eYerusalema; a sungula ku huma nakambe exikarhi ka vanhu eBera-xeba+ ku ya endhawini ya tintshava ya Efrayimi,+ leswaku a va vuyisela eka Yehovha Xikwembu xa vatata wa vona.+  A veka vaavanyisi etikweni hinkwaro, emitini hinkwayo leyi tiyisiweke ya Yuda, muti ni muti.+  A byela vaavanyisi a ku: “Vonani leswi mi nga ta swi endla,+ hikuva a mi avanyiseli munhu, kambe mi avanyisela Yehovha;+ naswona yena u na n’wina emhakeni ya vuavanyisi.+  Ku chava+ Yehovha a ku ve ehenhla ka n’wina sweswi.+ Xiyani mi teka goza,+ hikuva eka Yehovha Xikwembu xa hina a xi kona lexi nga lulamangiki+ kumbe rihlawulo+ kumbe ku amukela xifumbarheriso.”+  Yehoxafati u veke Valevhi+ ni vaprista+ van’wana eYerusalema ni varhangeri van’wana va tindlu ta vatatana+ va Israyele leswaku va avanyisela+ Yehovha, va avanyisa ni milandzu+ ya vaaki va Yerusalema.  Ku tlula kwalaho, a va lerisa, a ku: “Leswi hi swona leswi mi faneleke mi swi endla ku kombisa ku chava+ Yehovha hi ku tshembeka ni hi mbilu leyi hetisekeke. 10  Loko ku ri nandzu wun’wana ni wun’wana lowu nga ta ta eka n’wina wa vamakwenu lava va tshamaka emitini ya vona, lowu wu khumbaka ku halatiwa ka ngati,+ lowu wu khumbaka nawu+ ni xileriso+ ni swikongomiso+ ni swiboho swa vuavanyisi,+ mi fanele mi va lemukisa leswaku va nga n’wi endleli xihoxo Yehovha, leswaku ku hlundzuka+ ku nga tshuki ku va kona ehenhla ka n’wina ni le henhla ka vamakwenu. Leyi hi yona ndlela leyi mi faneleke mi endla ha yona leswaku mi nga tivangeli nandzu. 11  Maswivo, hi loyi Amariya muprista lonkulu loyi a nga ehenhla ka n’wina eka mhaka yin’wana ni yin’wana ya Yehovha;+ na Zebadiya n’wana wa Iximayele murhangeri wa yindlu ya Yuda malunghana ni mhaka yin’wana ni yin’wana ya hosi; Valevhi i tindhuna, va kona eka n’wina. Vanani ni matimba+ mi teka goza, Yehovha+ a a ve ni leswi swi nga swinene.”+

Tinhlamuselo ta le hansi