Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 17:1-19

17  Kutani Yehoxafati+ n’wana wakwe a sungula ku fuma ematshan’weni ya yena ni ku tiyisa xikhundlha xakwe ehenhla ka Israyele.  A veka mavandla ya nyimpi emitini hinkwayo leyi tiyisiweke ya Yuda ni ku veka masocha etikweni ra Yuda ni le mitini ya Efrayimi leyi Asa tata wakwe a yi tekeke.+  Yehovha a va na Yehoxafati,+ hikuva a a famba etindleleni to sungula ta Davhida kokwa wakwe,+ a nga va lavisisanga Vabali.+  U lavisise+ Xikwembu xa tata wakwe naswona u fambe exilerisweni xa xona, a nga fambanga+ hi ku landza swiendlo swa Israyele.+  Yehovha a simeka mfumo wu tiya evokweni rakwe;+ tiko ra Yuda hinkwaro ri nyika Yehoxafati tinyiko,+ a va ni rifuwo ni ku vangama hi vutalo.+  Mbilu yakwe yi va ni vurhena etindleleni+ ta Yehovha, a susa tindhawu leti tlakukeke+ ni timhandzi to kwetsima+ eYuda.  Hi lembe ra vunharhu ra ku fuma kakwe a humesa rito leswaku ku vitaniwa tihosana takwe, ku nga Beni-hayili, Obadiya, Zakariya, Nethanele na Mikaya, leswaku va ta dyondzisa emitini ya Yuda,  ti ri ni Valevhi, Xemaya na Nethaniya na Zebadiya na Asahele na Xemiramoto na Yonatani na Adoniya na Thobiya na Tobi-adoniya lava va Valevhi, va ri na Elixama na Yehorama lava va vaprista.+  Va sungula ku dyondzisa+ eYuda, a va ri ni buku ya nawu wa Yehovha;+ va rhendzeleka emitini hinkwayo ya Yuda, va dyondzisa exikarhi ka vanhu. 10  Ku chaviseka+ ka Yehovha ku va ehenhla ka mimfumo hinkwayo ya matiko lawa a ma rhendzele Yuda, naswona a ma lwanga na Yehoxafati.+ 11  A va tisa tinyiko+ ni mali swi ri ndzuvo+ eka Yehoxafati swi huma eka Vafilisita. Vaarabiya+ na vona a va tisa mintlhambi eka yena, makhuna ya 7 700 ni swiphongo swa 7 700.+ 12  Yehoxafati a ya emahlweni ni ku kula swinene+ a va wa xiyimo xa le henhla ngopfu; a aka tindhawu leti tiyeke+ ni miti+ ya vuhlayiselo eYuda. 13  A a ri ni mintirho yo tala emitini ya Yuda; valwi va nyimpi,+ vavanuna va vurhena, va matimba,+ a va ri eYerusalema. 14  Leswi a ku ri swikhundlha swa vona hi yindlu ya vatata wa vona: Eka Yuda tindhuna ta magidi, Adhina lowa ndhuna, a ri ni vavanuna va vurhena, va matimba va 300 000.+ 15  A a lawula Yehohanani lowa ndhuna, a a ri ni vavanuna va 280 000. 16  A a lawula Amasiya n’wana wa Zikiri, mutirhi wa ku tirhandzela+ wa Yehovha, a ri ni vavanuna va vurhena, va matimba va 200 000. 17  Eka Benjamini+ a ku ri ni wanuna wa vurhena, wa matimba, la vuriwaka Eliyadha, a ri ni vavanuna lava va hlomeke hi vurha ni xitlhangu+ va 200 000. 18  A a lawula Yohozabadi, a ri ni vavanuna lava haveleke swa nyimpi va 180 000. 19  Lava hi vona lava a va tirhela hosi ku nga hlayiwi lava hosi yi va vekeke emitini+ leyi tiyisiweke etikweni ra Yuda hinkwaro.

Tinhlamuselo ta le hansi