Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 16:1-14

16  Elembeni ra vu-36 ra ku fuma ka Asa, Baxa+ hosi ya Israyele a fika ku ta lwa na Yuda kutani a sungula ku aka Rhama,+ leswaku a nga pfumeleli munhu ku huma kumbe ku nghena eka Asa lowa hosi ya Yuda.+  Hiloko Asa a humesa silivhere ni nsuku eka xuma xa yindlu+ ya Yehovha ni le ndlwini ya hosi,+ a rhumela rito eka Beni-hadadi+ lowa hosi ya Siriya,+ loyi a a tshama eDamaska,+ a ku:  “Ku ni ntwanano exikarhi ka mina na wena ni le xikarhi ka tata wa mina ni tata wa wena. Ndzi ku rhumela silivhere ni nsuku. Famba u ya herisa ntwanano wa wena na Baxa+ hosi ya Israyele, leswaku a ta suka eka mina.”+  Hiloko Beni-hadadi a yingisa Hosi Asa, a rhuma tindhuna ta mavandla ya nyimpi leti a ti lwa ni miti ya Israyele, lerova va hlasela Iyona,+ Dani,+ Avele-mayimi+ ni vuhlayiselo+ hinkwabyo bya miti ya Neftali.+  Hi ku hatlisa loko Baxa a twa sweswo, xikan’we-kan’we a tshika ku aka Rhama, a yimisa ntirho wakwe.+  Loko ku ri Asa lowa hosi, a teka tiko ra Yuda hinkwaro,+ kutani va rhwala maribye ya Rhama+ ni timhandzi ta wona leti Baxa a a ake ha tona,+ va sungula ku aka Geba+ na Mizpa+ ha tona.  Hi nkarhi wolowo Hanane+ la vonaka ka ha ri emahlweni a ta eka Asa lowa hosi ya Yuda, a ku eka yena: “Hikwalaho ka leswi u titshegeke hi hosi ya Siriya+ naswona u nga titshegangiki hi Yehovha Xikwembu xa wena,+ hikwalaho ka sweswo vandla ra nyimpi ra hosi ya Siriya ri balekile evokweni ra wena.  Xana Vaetiyopiya+ ni Valibiya+ a va vanga vandla ra nyimpi lerikulu ngopfu hi vunyingi, hi makalichi ni vagadi va tihanci;+ xana a nga va nyiketanga evokweni ra wena hikwalaho ka leswi u titshegaka hi Yehovha?+  Hikuva loko ku ri Yehovha, mahlo+ yakwe ma famba-famba emisaveni+ hinkwayo leswaku a kombisa ntamu wakwe eka lava mbilu+ ya vona yi hetisekeke eka yena. U endle hi vuphukuphuku+ eka leswi, hikuva ku sukela sweswi u ta hlaseriwa hi tinyimpi.”+ 10  Kambe, Asa a hlundzukisiwa hi la vonaka ka ha ri emahlweni, kutani a n’wi nghenisa endlwini ya tingole,+ hikuva a a n’wi kariherile hikwalaho ka leswi.+ Hiloko Asa a sungula ku tshikilela+ vanhu van’wana hi nkarhi wolowo. 11  Kutani waswivo, timhaka ta Asa, to sungula ni to hetelela, ti tsariwile eBukwini+ ya Tihosi ta Yuda ni ta Israyele. 12  Asa a khomiwa hi xifo emilengeni hi lembe ra vu-39 ra ku fuma kakwe kukondza a vabya ngopfu;+ hambiloko a vabya, a nga n’wi lavisisanga Yehovha+ kambe u lave vatshunguri.+ 13  Eku heteleleni Asa a etlela ni vatata wakwe,+ a fa hi lembe ra vu-41 ra ku fuma kakwe. 14  Kutani va n’wi lahla esirheni+ rakwe lerikulu leri a ticeleleke rona eMutini wa Davhida;+ va n’wi lata esangwini leri nga ni mafurha yo tala ya balsama+ ni mafurha+ ya mixaka-xaka lama pfanganisiweke ni mafurha yo hlawuleka.+ Ku tlula kwalaho, va n’wi hisela+ mirhi ya risuna yo tala eku lahliweni ka yena.

Tinhlamuselo ta le hansi