Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 15:1-19

15  Moya+ wa Xikwembu wu va ehenhla ka Azariya n’wana wa Odedi.+  Hiloko a huma a ya emahlweni ka Asa, a ku eka yena: “Ndzi yingise, Wena Asa ni tiko ra Yuda hinkwaro na Benjamini! Yehovha u na n’wina ntsena loko n’wina mi ri na yena;+ naswona loko mi n’wi lavisisa,+ u ta endla leswaku n’wina mi n’wi kuma, kambe loko mi n’wi tshika, na yena u ta mi tshika.+  Ma tele masiku lawa ha wona Israyele+ a ri nga ri na Xikwembu xa ntiyiso, a ri nga ri na muprista la dyondzisaka,+ a ri nga ri na Nawu.  Kambe loko emaxangwini+ ya vona va tlhelele eka Yehovha Xikwembu xa Israyele,+ va n’wi lava, u endle leswaku va n’wi kuma.+  Eminkarhini yoleyo a ku nga ri na ku rhula eka loyi a humaka ni loyi a nghenaka,+ hikuva a ku ri ni mpfilumpfilu wo tala exikarhi ka vaaki hinkwavo va matiko.+  A va pfotloseriwile, tiko ri pfotlosele tiko+ ni muti wu pfotlosele muti, hikuva Xikwembu xi va tshike va ri ni mpfilumpfilu hi maxangu ya mixaka hinkwayo.+  N’wina, vanani ni xivindzi+ naswona mi nga tshiki mavoko ya n’wina ma lelemela,+ hikuva ku ni hakelo ya xiendlo xa n’wina.”+  Hi ku hatlisa loko Asa a twa marito lawa ni vuprofeta bya Odedi+ lowa muprofeta, a va ni xivindzi, a endla leswaku swilo leswi nyenyetsaka+ swi nyamalala etikweni ra Yuda hinkwaro na Benjamini ni le mitini leyi a yi tekeke endhawini ya tintshava ya Efrayimi,+ ni ku pfuxa alitari ya Yehovha leyi a yi ri emahlweni ka rikupakupa ra Yehovha.+  Hiloko a sungula ku hlengeleta tiko ra Yuda hinkwaro na Benjamini+ ni valuveri+ lava a va ri na vona ku suka aEfrayimi na Manase na Simiyoni, hikuva a va te eka yena va huma eIsrayele va tele ngopfu, loko va vona leswaku Yehovha Xikwembu xakwe u na yena.+ 10  Va hlengeletane eYerusalema hi n’hweti ya vunharhu ya lembe ra vu-15 ra ku fuma ka Asa. 11  Hiloko esikwini rero va nyikela xitlhavelo eka Yehovha hi swilo leswi va swi phangeke leswi va teke na swona, tihomu ta 700 ni tinyimpfu ta 7 000. 12  Ku tlula kwalaho, va nghenela ntwanano+ wa ku lavisisa Yehovha Xikwembu xa vatata wa vona hi timbilu ta vona hinkwato ni hi moya-xiviri wa vona hinkwawo;+ 13  leswaku mani na mani loyi a nga ta ka a nga n’wi lavisisi Yehovha Xikwembu xa Israyele, a dlayiwa,+ ku nga khathariseki leswaku hi lontsongo kumbe hi lonkulu,+ i wanuna kumbe i wansati.+ 14  Kutani va hlambanyela+ Yehovha hi rito lerikulu ni hi ku huwelela ka ku tsaka ni hi timhalamhala ni tinanga. 15  Hiloko tiko ra Yuda hinkwaro ri tsaka+ hikwalaho ka nchumu lowu hlambanyiweke; hikuva a va hlambanye hi mbilu ya vona hinkwayo ni ku n’wi lava hi ku tsaka loku heleleke, lerova a endla leswaku va n’wi kuma;+ Yehovha a ya emahlweni a va nyika ku rhula ematlhelo hinkwawo.+ 16  Hambi ku ri Maka+ kokwa wakwe wa xisati, Asa lowa hosi+ u n’wi susile leswaku a nga ha vi wansati la xiximiwaka,+ hikuva mhandzi yo kwetsima+ a a yi endlele xifaniso xa hava lexi nyenyetsaka; kutani Asa a tsema xifaniso xakwe xa hava lexi nyenyetsaka, a xi hlanhla,+ a xi hisa+ enkoveni wa Kedroni.+ 17  Tindhawu leti tlakukeke+ a ti nyamalalanga eIsrayele.+ I mbilu ya Asa ntsena leyi a yi hetisekile emasikwini yakwe hinkwawo.+ 18  Kutani a tisa swilo leswi endliweke swi va swo kwetsima hi tata wakwe ni swilo+ leswi endliweke swi va swo kwetsima hi yena n’wini, a swi nghenisa endlwini ya Xikwembu xa ntiyiso, silivhere, nsuku ni swingolongondzwana.+ 19  Loko ku ri nyimpi, a yi vanga kona ku ya fika elembeni ra vu-35 ra ku fuma ka Asa.+

Tinhlamuselo ta le hansi