Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 14:1-15

14  Eku heteleleni Abiya a etlela ni vatata wakwe,+ va n’wi lahla eMutini wa Davhida;+ Asa+ n’wana wakwe a sungula ku fuma ematshan’weni ya yena. Emasikwini yakwe tiko a ri kavanyetiwanga+ ku ringana malembe ya khume.  Asa a endla leswinene ni leswi swi lulameke ematihlweni ya Yehovha Xikwembu xakwe.  Hiloko a susa tialitari+ timbe ni tindhawu leti tlakukeke,+ a hahlula tinsika to kwetsima+ ni ku tsema timhandzi to kwetsima.+  Ku tlula kwalaho, a byela Yuda leswaku a lavisisa+ Yehovha Xikwembu xa vatata wa vona ni ku endla nawu+ ni xileriso.+  Hiloko a susa tindhawu leti tlakukeke ni swo tlhandleka murhi wa risuna+ emitini hinkwayo ya Yuda; mfumo wu ye emahlweni wu nga kavanyetiwi+ emahlweni ka yena.  A ya emahlweni a aka miti yo tiya eYuda,+ hikuva tiko a ri nga kavanyetiwi; naswona a ku nga ri na nyimpi leyi langutaneke na yena emalembeni lawa, hikuva Yehovha a a n’wi wisisile.+  Hiloko a byela Yuda a ku: “A hi akeni miti leyi, hi endla marhangu+ ni swihondzo ematlhelo hinkwawo,+ tinyangwa leti phindhiweke kambirhi ni swigogo.+ Ha ha ri ni ndhawu, hikuva hi lavisise Yehovha Xikwembu xa hina.+ Hi lavisisile, naswona u hi wisisile ematlhelo hinkwawo.”+ Hiloko va aka, kutani va humelela.+  Asa a va ni vandla ra nyimpi ra vanhu va 300 000 va Yuda,+ leri khomaka xitlhangu+ lexikulu ni tlhari.+ Eka Benjamini lava va khomaka xitlhangu lexitsongo ni ku kunga vurha+ a va ri 280 000.+ Lava hinkwavo a ku ri vavanuna va vurhena, va matimba.  Endzhaku Zara lowa Muetiyopiya+ a huma ku ya lwa na vona a ri ni vandla ra nyimpi ra vavanuna va miliyoni+ ni makalichi ya 300, a famba ku ya fika eMarixa.+ 10  Kutani Asa a huma ku ya lwa na yena, va lungheka exivandleni xa nyimpi enkoveni wa Zefata eMarixa. 11  Asa a sungula ku vitana Yehovha Xikwembu xakwe,+ a ku: “Oho Yehovha, loko u pfuna, a swi vuli nchumu leswaku va tele kumbe i vanhu lava nga riki na matimba.+ Hi pfune, Wena Yehovha Xikwembu xa hina, hikuva hi titshege hi wena,+ naswona hi te hi vito+ ra wena ku lwa ni ntshungu lowu. Oho Yehovha, u Xikwembu xa hina.+ U nga tshuki u pfumelela munhu wa nyama a va ni matimba ku lwa na wena.”+ 12  Hiloko Yehovha a hlula+ Vaetiyopiya emahlweni ka Asa ni le mahlweni ka Yuda, Vaetiyopiya va baleka. 13  Asa ni vanhu lava a a ri na vona va hambeta va va hlongorisa ku ya fika eGerara,+ vanhu va Vaetiyopiya va hambeta va wa kukondza ku nga ha sali munhu la hanyaka eka vona; hikuva a va tshovelelekile emahlweni ka Yehovha+ ni le mahlweni ka nxaxa wakwe.+ Endzhaku ka sweswo va teka swilo swo tala ngopfu leswi phangiweke.+ 14  Ku tlula kwalaho, va hlasela miti hinkwayo leyi rhendzeleke Gerara, hikuva ku chava+ Yehovha a ku yi wele henhla; kutani va phanga miti hinkwayo, hikuva a ku ri ni swo tala swo swi phanga eka yona.+ 15  Va hlasele ni mintsonga+ leyi nga ni swifuwo lerova va teka mintlhambi yo tala ngopfu ni tikamela+ va swi yisa evukhumbini,+ endzhaku ka sweswo va vuyela eYerusalema.

Tinhlamuselo ta le hansi