Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 12:1-16

12  Hi ku hatlisa loko vuhosi bya Rehobuwama byi simekiwe byi tiya,+ ni hi ku hatlisa loko a va ni matimba, a tshika nawu wa Yehovha,+ swin’we ni tiko hinkwaro ra Israyele.+  Kutani hi lembe ra vuntlhanu ra Hosi Rehobuwama,+ Xixaka+ lowa hosi ya Egipta a tlhandluka ku ta hlasela Yerusalema, (hikuva a va nga tshembekanga eka Yehovha,)+  a ri ni makalichi ya nyimpi ya 1 200+ ni vagadi va tihanci va 60 000; a va nga hlayeki+ vanhu lava a humeke na vona aEgipta—Valibiya,+ Vasukimi ni Vaetiyopiya.+  Kutani a teka miti leyi tiyisiweke leyi a yi ri ya Yuda,+ eku heteleleni a fika eYerusalema.+  Loko ku ri Xemaya+ lowa muprofeta, u fike eka Rehobuwama ni tihosana ta Yuda leti a ti hlengeletane eYerusalema hikwalaho ka Xixaka, a ku eka vona: “Yehovha u te, ‘Loko ku ri n’wina, mi ndzi tshikile,+ na mina, ndzi mi tshikele+ evokweni ra Xixaka.’”  Hiloko tihosana ta Israyele ni hosi ya kona ti titsongahata,+ ti ku: “Yehovha u lulamile.”+  Loko Yehovha a vona+ leswaku ti titsongahatile, rito ra Yehovha ri ta eka Xemaya,+ ri ku: “Ti titsongahatile.+ A ndzi nge ti lovisi, ku nga ri khale ndzi ta ti ponisa, naswona vukarhi bya mina a byi nge chuluriwi ehenhla ka Yerusalema hi voko ra Xixaka.+  Kambe ti ta va malandza yakwe,+ leswaku ti tiva ku hambana exikarhi ka ntirho wa mina+ ni ntirho wa mimfumo ya matiko.”+  Hiloko Xixaka+ lowa hosi ya Egipta a fika a ta hlasela Yerusalema, a teka xuma xa yindlu ya Yehovha+ ni xuma xa yindlu ya hosi.+ A teka hinkwaswo; kutani a teka switlhangu swa nsuku leswi Solomoni a swi endleke.+ 10  Kutani Hosi Rehobuwama a endla switlhangu swa koporo endhawini ya swona, a swi nyiketa leswaku swi languteriwa hi tindhuna ta lava va tsutsumaka,+ varindzi va nyangwa+ ya yindlu ya hosi.+ 11  Hakanyingi loko hosi yi nghena endlwini ya Yehovha, lava va tsutsumaka a va nghena va swi rhwala va swi tlherisela endlwini yo rindzela eka yona ya lava va tsutsumaka.+ 12  Hikwalaho ka leswi a titsongahateke, ku hlundzuka ka Yehovha ku tlhela eka yena,+ a nga ha ehleketanga ku va lovisa hi ku helela.+ Phela, a ku ri ni swilo leswinene eYuda.+ 13  Hosi Rehobuwama a ya emahlweni a tiyisa xikhundla xakwe eYerusalema, a hambeta a fuma; Rehobuwama+ a a ri ni malembe ya 41 hi vukhale loko a sungula ku fuma, naswona u fume malembe ya 17 eYerusalema, muti+ lowu Yehovha a wu hlawuleke eka tinyimba hinkwato ta Israyele leswaku a veka vito rakwe eka wona.+ Vito ra mana wakwe a ku ri Nayama+ lowa Muamone.+ 14  Kambe u endle swo biha,+ hikuva a nga yi simekanga mbilu yakwe yi tiya leswaku a lava Yehovha.+ 15  Loko ku ri timhaka ta Rehobuwama, to sungula ni to hetelela,+ xana a ti tsariwanga exikarhi ka marito ya Xemaya+ lowa muprofeta na Ido+ la vonaka swivono hi ku ya hi ku tsarisiwa ka swivongo? Rehobuwama+ na Yerobuwamu+ a va lwa minkarhi hinkwayo. 16  Eku heteleleni Rehobuwama a etlela ni vatata wakwe,+ a lahliwa eMutini wa Davhida;+ kutani Abiya+ n’wana wakwe a sungula ku fuma ematshan’weni yakwe.

Tinhlamuselo ta le hansi