Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 11:1-23

11  Loko Rehobuwama a fika eYerusalema,+ xikan’we-kan’we a hlengeleta yindlu ya Yuda ni ya Benjamini,+ vavanuna lava hlawuriweke ni vavanuna lava va tiyeke emirini va nyimpi va 180 000,+ leswaku va lwa na Israyele, va ta tlherisela mfumo eka Rehobuwama.  Kutani rito ra Yehovha ri fika eka Xemaya,+ munhu wa Xikwembu xa ntiyiso, ri ku:  “Byela Rehobuwama n’wana wa Solomoni, hosi ya Yuda,+ ni tiko hinkwaro ra Israyele eYuda na Benjamini, u ku,  ‘Yehovha u te: “U nga tshuki u tlhandluka u ya lwa ni vamakwenu.+ Un’wana ni un’wana a a vuyele endlwini yakwe, hikuva leswi swi endleke hi ku rhandza ka mina.”’”+ Hiloko va yingisa rito ra Yehovha kutani va tlhela, va nga ha yi eku lweni na Yerobuwamu.+  Rehobuwama a ya emahlweni a tshama eYerusalema, a aka miti yo tiya eYuda.  Kutani a pfuxa Betlehema,+ Etamu,+ Tekowa,+  Beta-suru,+ Soko,+ Adulamu,+  Gati,+ Marixa,+ Sifi,+  Adorayimi, Lakixi,+ Azeka,+ 10  Sora,+ Ayaloni+ na Hebroni,+ miti yo tiya leyi a yi ri eYuda ni le tikweni ra Benjamini. 11  Ku tlula kwalaho, a tiyisa tindhawu to tiya,+ a veka varhangeri+ eka tona ni mphakelo wa swakudya, mafurha ni vhinyo, 12  emitini hinkwayo yo hambana-hambana a veka switlhangu+ leswikulu ni matlhari;+ a yi tiyisa ngopfu swinene. Muti wa Yuda ni wa Benjamini yi tshama yi ri yakwe. 13  Vaprista ni Valevhi lava a va ri etikweni hinkwaro ra Israyele va yima na yena etindhawini hinkwato ta vona. 14  Valevhi va siye madyelo+ ya vona ni ndzhaka+ ya vona va ta eYuda ni le Yerusalema,+ hikuva Yerobuwamu+ ni vana vakwe va va tshikise+ ku va vaprista va Yehovha. 15  Hiloko a tivekela valawuri va va vaprista va tindhawu leti tlakukeke+ ni madimona lama nga ni xivumbeko xa mbuti+ ni marhole lawa a ma endleke.+ 16  Va landzeriwa hi vanhu lava a va huma etinyimbeni ta Israyele lava a va nyiketa mbilu ya vona leswaku va lava Yehovha Xikwembu xa Israyele eYerusalema+ ku ta endla xitlhavelo+ eka Yehovha Xikwembu xa vatata wa vona. 17  Va hambeta va tiyisa vuhosi bya Yuda+ ni ku tiyisa Rehobuwama n’wana wa Solomoni malembe manharhu, hikuva va fambe endleleni ya Davhida na Solomoni malembe manharhu.+ 18  Kutani Rehobuwama a teka Mahalata n’wana wa Yerimoto, n’wana wa Davhida a va nsati wakwe, na Abihayili n’wana wa Eliyabu,+ n’wana wa Yese. 19  Hi ku famba ka nkarhi a n’wi tswalela vana va majaha, Yewuxi, Xemariya na Zahama. 20  Endzhaku ka yena a teka Maka+ ntukulu wa Absalomu.+ Hi ku famba ka nkarhi a n’wi tswalela Abiya,+ Atayi, Ziza na Xelomiti. 21  Rehobuwama a a rhandza Maka ntukulu wa Absalomu ku tlula vasati+ vakwe lavan’wana hinkwavo, ni vasati vakwe lavatsongo; hikuva a a teke vasati va 18, ni vasati lavatsongo va 60, lerova a va tata wa vana va majaha va 28 ni va vanhwanyana va 60. 22  Kutani Rehobuwama a veka Abiya n’wana wa Maka a va murhangeri, murhangeri exikarhi ka vamakwavo, hikuva a a ehleketa ku n’wi endla hosi. 23  Hambiswiritano, a endla hi vutlhari+ kutani a ava vana vakwe van’wana hinkwavo ematikweni hinkwawo ya Yuda na Benjamini,+ emitini hinkwayo leyi tiyisiweke,+ a va nyika swakudya swo tala+ ni ku va kumela vasati vo tala.+

Tinhlamuselo ta le hansi