Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 10:1-19

10  Kutani Rehobuwama+ a ya eXikeme,+ hikuva tiko hinkwaro ra Israyele ri te eXikeme leswaku ri ta n’wi endla hosi kona.  Kuteloko Yerobuwamu+ n’wana wa Nebati a swi twa loko a ha ri aEgipta+ (hikuva a a balekile hikwalaho ka Solomoni lowa hosi,) xikan’we-kan’we Yerobuwamu a vuya ku suka aEgipta.+  Hiloko va rhumela rito leswaku a vitaniwa, kutani Yerobuwamu ni nhlengeletano hinkwayo ya Israyele va fika va vulavula na Rehobuwama, va ku:+  “Loko ku ri tata wa wena u nonon’hwise joko ra hina;+ wena vevukisa ntirho wo nonon’hwa wa tata wa wena ni joko+ rakwe ro tika leri a ri vekeke ehenhla ka hina, kutani hi ta ku tirhela.”+  Hiloko a ku eka vona: “Ndzi nyikeni masiku manharhu. Kutani mi vuya eka mina.” Kutani vanhu va famba.  Hosi Rehobuwama a boha makungu+ ni vakulukumba lava a va hamba va tirhela Solomoni tata wakwe loko a ha hanya, a ku: “Xana mi ri ndzi va angula njhani vanhu lava?”+  Hikwalaho va vulavula na yena, va ku: “Loko wo tikombisa u ri lonene eka vanhu lava, kunene u va tsakela, kunene u va byela marito lamanene,+ handle ko kanakana va ta tshama va ri malandza ya wena.”+  Kambe a tshika xitsundzuxo+ xa vakulukumba lexi va n’wi nyikeke xona, a sungula ku boha makungu ni majaha lawa ma kuleke na yena,+ lawa a ma n’wi tirhela.+  A ya emahlweni a ku eka wona: “Xana hi xihi xitsundzuxo+ lexi mi ndzi nyikaka xona leswaku hi angula vanhu lava va vulavuleke na mina, va ku, ‘Vevukisa joko ra tata wa wena leri a hi tlhandlekeke rona’?”+ 10  Hiloko majaha lawa ma kuleke na yena ma n’wi byela, ma ku: “U ta byela vanhu lava va vulavuleke na wena, va ku, ‘Loko ku ri tata wa wena, u tikise joko ra hina, kambe loko ku ri wena, ri vevukise ehenhla ka hina’; u ta ku eka vona,+ ‘Kunene xintihwana xa mina xi ta bumbula ku tlula masenge ya tatana.+ 11  Loko ku ri tatana, u mi rhwexe joko ro tika, kambe loko ku ri mina, ndzi ta engetela ejokweni ra n’wina.+ Loko ku ri tatana, u mi be hi minkharisa, kambe loko ku ri mina, ndzi ta mi ba hi swipamu.’”+ 12  Hiloko Yerobuwamu ni vanhu hinkwavo va fika eka Rehobuwama hi siku ra vunharhu, hilaha hosi yi vuleke hakona, yi ku: “Vuyani eka mina hi siku ra vunharhu.”+ 13  Kutani hosi yi va hlamula hi ku va khahla.+ Hi ndlela yoleyo Hosi Rehobuwama a tshika xitsundzuxo+ xa vakulukumba,+ 14  a ya emahlweni a vulavula na vona hi ku landza xitsundzuxo xa majaha,+ a ku: “Ndzi ta tikisa joko ra n’wina, loko ku ri mina, ndzi ta engetela eka rona. Loko ku ri tatana, u mi be hi minkharisa, kambe loko ku ri mina, ndzi ta mi ba hi swipamu.”+ 15  Hosi a yi va yingisanga vanhu; hikuva swi vonake ku ri ku hundzuka ka timhaka loku ku humaka eka Xikwembu+ xa ntiyiso leswaku Yehovha a hetisisa rito+ rakwe leri a ri vuleke hi Ahiya+ lowa le Xilo+ eka Yerobuwamu n’wana wa Nebati.+ 16  Loko ku ri tiko hinkwaro ra Israyele, hikwalaho ka leswi hosi yi nga ri yingisangiki, vanhu va angula hosi, va ku: “Xana hi ni xiavelo xihi eka Davhida?+ A ku na ndzhaka eka n’wana wa Yese.+ Un’wana ni un’wana eka swikwembu swakwe,+ Wena Israyele! Sweswi tivonele yindlu ya wena, Wena Davhida.”+ Hiloko tiko hinkwaro ra Israyele ri sungula ku ya emintsongeni ya vona. 17  Loko ku ri vana va Israyele lava a va tshama emitini ya Yuda, Rehobuwama u ye emahlweni a va fuma.+ 18  Kutani Hosi Rehobuwama a rhuma Hadorama,+ loyi a a lawula lava va endlaka ntirho wo sindzisiwa, kambe vana va Israyele va n’wi khandla hi maribye,+ kukondza a fa. Hosi Rehobuwama a swi kota ku nghena ekalichini yakwe, leswaku a balekela eYerusalema.+ 19  Vaisrayele va ya emahlweni va pfukela+ yindlu ya Davhida ku fikela esikwini leri.

Tinhlamuselo ta le hansi