Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 1:1-17

1  Kutani Solomoni n’wana wa Davhida a ya emahlweni a kuma ntamu evuhosini byakwe,+ Yehovha Xikwembu xakwe a a ri na yena,+ a hambeta a n’wi endla lonkulu ngopfu.+  Solomoni a vula rito eka tiko hinkwaro ra Israyele, eka tindhuna ta magidi+ ni ta madzana+ ni le ka vaavanyisi+ ni le ka tindhuna ta tiko hinkwaro ra Israyele,+ varhangeri va tindlu ta vatatana.+  Hiloko Solomoni ni nhlengeletano hinkwayo leyi a yi ri na yena va ya endhawini leyi tlakukeke leyi a yi ri eGibiyoni;+ hikuva ntsonga wa nhlangano wa+ Xikwembu xa ntiyiso a wu ri kwalaho, lowu Muxe nandza+ wa Yehovha a wu endleke emananga.  Hambiswiritano, Davhida u teke areka+ ya Xikwembu xa ntiyiso eKiriyati-yeyarimi+ a yi yisa endhawini leyi Davhida a yi lunghiseleleke yona,+ hikuva a a yi dzimele ntsonga eYerusalema.+  Kutani alitari ya koporo+ leyi Bezalele+ n’wana wa Uri, n’wana wa Huru+ a yi endleke a yi vekiwe emahlweni ka tabernakela ya Yehovha; Solomoni ni nhlengeletano va kombela eka yona hi ku ya hi ntolovelo.  Hiloko Solomoni a endla magandzelo kwalaho emahlweni ka Yehovha ehenhla ka alitari ya koporo leyi a yi ri ya ntsonga wa nhlangano, kutani a humesa magandzelo yo hisiwa ya gidi ehenhla ka yona.+  Evusikwini byebyo Xikwembu xi humelela eka Solomoni xi ku eka yena: “Kombela! Xana ndzi ku nyika yini?”+  Hiloko Solomoni a ku eka Xikwembu: “Hi wena Loyi a kombeke Davhida tata+ wa mina musa lowukulu wa rirhandzu ni la ndzi endleke hosi ematshan’weni yakwe.+  Sweswi, Wena Yehovha Xikwembu, xitshembiso xa wena eka Davhida tata wa mina a xi tshembeke,+ hikuva wena u ndzi endle hosi+ ya vanhu lava va teleke ku fana ni ntshuri wa misava.+ 10  Sweswi ndzi nyike vutlhari ni vutivi+ leswaku ndzi huma ni ku nghena emahlweni ka vanhu lava,+ hikuva i mani la nga avanyisaka vanhu lava va wena vo tala?”+ 11  Kutani Xikwembu xi byela Solomoni xi ku: “Hikwalaho ka leswi swi nga embilwini ya wena swilo leswi,+ naswona u nga kombelangiki rifuwo, xuma ni ku xiximiwa kumbe moya-xiviri wa lava va ku vengaka, naswona u nga kombelangiki masiku yo tala,+ kambe u kombeleke vutlhari ni vutivi leswaku u avanyisa vanhu va mina lava ndzi ku endleke hosi ya vona,+ 12  u nyikiwa vutlhari ni vutivi;+ ni rifuwo ni xuma ni ku xiximiwa, ndzi ta ku nyika swona leswi ku nga riki na hosi emahlweni ka wena leyi tshameke yi va na swona,+ naswona a yi kona hosi leyi nga ta va na swona endzhaku ka wena.”+ 13  Kutani Solomoni a suka endhawini leyi tlakukeke leyi a yi ri eGibiyoni,+ emahlweni ka ntsonga wa nhlangano,+ a ta eYerusalema, a ya emahlweni a fuma Israyele.+ 14  Solomoni a hambeta a hlengeleta makalichi ni tihanci lerova a va ni makalichi ya 1 400 ni tihanci ta 12 000,+ a swi yimisa emitini ya makalichi+ ni le kusuhi ni hosi eYerusalema. 15  Hiloko hosi yi endla silivhere ni nsuku eYerusalema yi fana ni maribye;+ timhandzi ta mukedari+ yi ti endla ti fana ni swinkuwana leswi nga eXefela+ hi vunyingi. 16  A ku ri ni tihanci leti Solomoni a a ri na tona ti huma aEgipta,+ ti xavisiwa ematikweni mambe, naswona ntlawa wa vabindzuri va hosi a wu teka ntlhambi wa tihanci hi nxavo.+ 17  Hi ntolovelo a va tisa kalichi leyi xaviweke aEgipta hi swiphemu swa silivhere swa 600 ni hanci a yi xavisiwa hi swiphemu swa 150; hi yona ndlela leyi a swi ri ha yona eka tihosi hinkwato ta Vaheti ni tihosi ta Siriya.+ A va xavisa ha tona ematikweni mambe.

Tinhlamuselo ta le hansi