Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 7:1-20

7  Kutani Elixa a ku: “Yingisani rito ra Yehovha.+ Yehovha u te, ‘Mundzuku kwalomu ka nkarhi lowu, mpimo wa seya wa mapa lama silekeke kahle wu ta vitana xikele yin’we, ni mpimo wa tiseya timbirhi ta maxalana wu ta vitana xikele yin’we enyangweni ya Samariya.’”+  Hiloko munhu loyi a nga xandla xa mufambisi wa nyimpi loyi hosi a yi tiseketele+ hi voko ra yena, a ku eka munhu wa Xikwembu xa ntiyiso: “Loko Yehovha a a endla tinyangwa ta ndhambi ematilweni,+ xana swilo leswi a swi ta endleka?”+ Hiloko yena a ku: “Sweswi, wa swi vona hi mahlo ya wena,+ kambe a wu nge swi dyi.”+  Kutani a ku ri ni vavanuna va mune, lava nga ni nhlokonho, lava a va ri evunghenweni bya nyangwa;+ va sungula ku byelana va ku: “Ha yini hi tshama laha kukondza hi fa?  Loko a hi te, ‘A hi ngheneni emutini,’ loko ndlala yi ri emutini, a hi ta fela kona.+ Kasi loko hi tshama laha, hi ta fa. Hikwalaho tanani, a hi hlaseleni nxaxa wa Vasiriya. Loko vo hi londzovota hi hanya, hi ta hanya; kambe loko vo hi dlaya, hi ta fa.”+  Kutani va suka va yima emunyameni wa nimadyambu leswaku va nghena enxaxeni wa Vasiriya; va kala va ya fika emakumu ka nxaxa wa Vasiriya, kutani waswivo, a ku nga ri na munhu kwalaho.  Yehovha u endle leswaku nxaxa wa Vasiriya wu twa+ mpfumawulo wa makalichi ya nyimpi,+ mpfumawulo wa tihanci ni mpfumawulo wa vandla lerikulu ra nyimpi lerova va byelana va ku: “Maswivo! Hosi ya Israyele yi hi tholele tihosi ta Vaheti+ ni tihosi ta Egipta+ leswaku ti ta lwa na hina!”  Hi ku hatlisa va suka va baleka emunyameni wa nimadyambu,+ va siya mintsonga ya vona ni tihanci+ ta vona ni timbhongolo ta vona—nxaxa wu tshamisa leswi a wu ri xiswona—va baleka leswaku va ponisa moya-xiviri wa vona.+  Loko vanhu lava va nga ni nhlokonho va fika emakumu ka nxaxa lowu, va nghena entsongeni wun’wana va sungula ku dya ni ku nwa, va teka silivhere ni nsuku ni tinguvu, va famba va ya swi tumbeta. Endzhaku ka sweswo va tlhela va ya nghena entsongeni wun’wana, va teka swilo va famba va ya swi tumbeta.+  Eku heteleleni va byelana va ku: “Leswi hi swi endlaka a hi swinene. Siku leri i siku ra mahungu lamanene!+ Loko hi hlwela kunene hi rindza ku fikela ku va ku vonakala ka nimixo, hi ta va ni nandzu.+ Tanani sweswi, a hi ngheneni hi vika endlwini ya hosi.” 10  Hiloko va fika va vitana varindzi va nyangwa+ ya muti, va va vikela, va ku: “Hi fike enxaxeni wa Vasiriya, kutani waswivo, a ku nga ri na munhu kwalaho ni mpfumawulo wa munhu a wu nga ri kona, kambe a ku ri ni tihanci leti tsimbiweke ni timbhongolo leti tsimbiweke ni mintsonga yi tshamise leswi a yi ri xiswona.”+ 11  Xikan’we-kan’we varindzi va nyangwa va huwelela va vikela yindlu ya hosi endzeni. 12  Hi ku hatlisa hosi yi pfuka nivusiku, yi ku eka malandza ya yona:+ “Ndzi kombela ku mi byela leswi Vasiriya va swi endleke eka hina.+ Va swi tiva kahle leswaku hi khomiwe hi ndlala;+ kutani va humile leswaku va ya tumbela enhoveni,+ va ku, ‘Va ta huma emutini, hi ta va khoma va ha hanya kutani hi nghena emutini.’” 13  Hiloko un’wana wa malandza yakwe a hlamula, a ku: “Ndzi kombela va teka tihanci ta ntlhanu leti nga sala emutini.+ Waswivo! Ta fana ni ntshungu hinkwawo wa Israyele lowu nga sala eka rona. Waswivo! Ta fana ni ntshungu hinkwawo wa Israyele lowu loveke.+ A hi rhumeleni rito hi vona.” 14  Kutani va teka makalichi mambirhi ni tihanci, hosi yi swi rhumela swi ya enxaxeni wa Vasiriya, yi ku: “Fambani mi ya vona.” 15  Hiloko va swi landzela ku ya fika eYordani; kutani waswivo, ndlela yoleyo hinkwayo a yi tele hi tinguvu ni swingolongondzwana+ leswi Vasiriya va swi cukumeteke loko va ri karhi va tsutsuma.+ Kutani varhumiwa va tlhela va ya vikela hosi. 16  Kutani vanhu va huma va ya phanga+ nxaxa wa Vasiriya; hiloko mpimo wa seya wa mapa lama silekeke kahle wu vitana xikele yin’we, ni mpimo wa tiseya timbirhi ta maxalana wu vitana xikele yin’we, hi ku landza rito+ ra Yehovha. 17  Hosi yi veka munhu loyi a nga xandla xa mufambisi wa nyimpi loyi a yi tiseketele+ hi voko ra yena, leswaku a langutela nyangwa; vanhu va hambeta va n’wi kandziyela+ enyangweni kutani a fa, hilaha munhu wa Xikwembu xa ntiyiso a vuleke hakona,+ loko a vulavula enkarhini lowu hosi a yi rhelele yi ta eka yena. 18  Hikwalaho swi endleka hilaha munhu wa Xikwembu xa ntiyiso a byeleke hosi hakona, a ku: “Mpimo wa tiseya timbirhi ta maxalana wu ta vitana xikele yin’we, ni mpimo wa seya wa mapa lama silekeke kahle wu ta vitana xikele yin’we, swi ta va tano mundzuku hi nkarhi lowu enyangweni ya Samariya.”+ 19  Kambe munhu loyi a nga xandla xa mufambisi wa nyimpi a hlamula munhu wa Xikwembu xa ntiyiso, a ku: “Hambiloko Yehovha a a endla tinyangwa ta ndhambi ematilweni, xana a swi ta endleka hi ku landza rito leri?”+ Hiloko yena a ku: “Sweswi, wa swi vona hi mahlo ya wena, kambe a wu nge swi dyi.”+ 20  Hikwalaho swi n’wi endlekele hi ndlela yoleyo,+ loko vanhu va hambeta va n’wi kandziyela+ enyangweni lerova a fa.

Tinhlamuselo ta le hansi