Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 6:1-33

6  Kutani vana+ va vaprofeta va sungula ku byela Elixa, va ku: “Waswivo! Ndhawu+ leyi hi tshamaka eka yona emahlweni ka wena i yitsongo+ ngopfu eka hina.  Hi kombela u hi tshika hi ya eYordani, un’wana ni un’wana wa hina a teka mhandzi, hi tiendlela+ kona ndhawu yo tshama eka yona.” Hiloko a ku: “Fambani.”  Un’wana a ku: “Hi kombela u famba ni malandza ya wena.” Kutani a ku: “Mina ndzi ta famba na n’wina.”  Hikwalaho a famba na vona, va hetelela va fika eYordani kutani va sungula ku tsema mirhi.+  Un’wana a a tsema mhandzi yakwe, ivi nsuka wa xihloka+ wu wela ematini. Kutani a sungula ku huwelela, a ku: “Oho n’wini wanga,+ a xi lo lombiwa!”+  Hiloko munhu wa Xikwembu xa ntiyiso a ku: “Xana xi wele kwihi?” Kutani a n’wi komba ndhawu ya kona. Hi ku hatlisa a tsema mhandzi a yi lahlela kwalaho, a papamisa nsuka wa xihloka.+  Hiloko a ku: “Wena hi wexe titlakusele xona.” Kutani a tshambuluta voko a xi teka.  Loko ku ri hosi ya Siriya+ yi lwe na Israyele. Kutani yi boha makungu ni malandza ya yona,+ yi ku: “Mi ta dzima mixaxa na mina endhawini yo karhi.”+  Hiloko munhu wa Xikwembu+ xa ntiyiso a rhumela rito eka hosi ya Israyele, a ku: “Tivonele, u nga hundzi endhawini leyi,+ hikuva Vasiriya va rhelela va ya kona.”+ 10  Kutani hosi ya Israyele yi rhumela rito endhawini leyi munhu wa Xikwembu xa ntiyiso a yi byeleke ha yona.+ Yi n’wi lemukisa,+ yena a nga tshineli eka yona, ku nga ri kan’we kumbe kambirhi. 11  Hiloko mbilu ya hosi ya Siriya yi kariha hikwalaho ka mhaka+ leyi lerova yi vitana malandza ya yona yi ku eka wona: “Xana a mi nge ndzi byeli leswaku i mani eka lava va nga va hina loyi a nga wa hosi ya Israyele?”+ 12  Un’wana wa malandza ya yona a ku: “A nga kona hosi yanga leyi nga mufumi, kambe i Elixa+ lowa muprofeta la nga eIsrayele, hi yena loyi a byelaka+ hosi ya Israyele swilo leswi u swi vulavulaka ekamareni ra wena ro etlela ra le ndzeni.”+ 13  Kutani yi ku: “N’wina, fambani mi ya vona laha a nga kona, leswaku ndzi ta rhumela rito leswaku a ya tekiwa.”+ Endzhaku u vikeriwile, va ku: “U le Dotani.”+ 14  Hi ku hatlisa a rhumela tihanci ni makalichi ya nyimpi ni mavandla lamakulu ya nyimpi+ kwalaho; va fika nivusiku va rhendzela muti. 15  Loko mutirheli+ wa munhu wa Xikwembu xa ntiyiso a pfuka nimpundzu swinene leswaku a suka a humela ehandle, waswivo, a ku ri ni vandla ra nyimpi ri rhendzele muti hi tihanci ni makalichi ya nyimpi. Xikan’we-kan’we mutirhi wakwe a ku eka yena: “Oho n’wini wanga!+ Hi ta endla yini?” 16  Kambe a ku: “U nga chavi,+ hikuva va tele lava va nga na hina ku tlula lava va nga na vona.”+ 17  Elixa a sungula ku khongela,+ a ku: “Oho Yehovha, ndzi kombela u pfula mahlo+ yakwe leswaku a vona.” Hi ku hatlisa Yehovha a pfula mahlo ya mutirhi loyi, a vona; kutani waswivo, ndhawu leyi ya tintshava a yi tele hi tihanci ni makalichi ya nyimpi+ ya ndzilo matlhelo hinkwawo ya Elixa.+ 18  Loko va sungula ku rhelela va ta eka yena, Elixa a ya emahlweni a khongela Yehovha, a ku: “Ndzi kombela u ri pfala mahlo tiko leri.”+ Hiloko a va pfala mahlo hi ku landza rito ra Elixa. 19  Kutani Elixa a ku eka vona: “Leyi a hi yona ndlela naswona lowu a hi wona muti. Ndzi landzeleni, ndzi mi yisa eka munhu loyi mi n’wi lavaka.” Kambe a va yisa eSamariya.+ 20  Hi ku hatlisa loko va fika eSamariya, Elixa a ku: “Oho Yehovha, pfula mahlo ya vanhu lava leswaku va vona.”+ Xikan’we-kan’we Yehovha a pfula mahlo ya vona kutani va vona; waswivo, a va ri exikarhi ka Samariya. 21  Hi ku hatlisa loko hosi ya Israyele yi va vona, yi ku eka Elixa: “Xana ndzi fanele ndzi va dlaya,+ xana ndzi fanele ndzi va dlaya tatana?”+ 22  Kambe yena a ku: “U nga va dlayi. Xana u nga dlaya lava u va tekeke hi banga ra wena ni hi vurha bya wena u va endla makhumbi?+ Veka xinkwa ni mati emahlweni ka vona leswaku va dya, va nwa+ kutani va ya eka n’wini wa vona.” 23  Hiloko a va endlela nkhuvo lowukulu; va sungula ku dya ni ku nwa, endzhaku ka sweswo a va tshika va famba va ya eka n’wini wa vona. Mavuthu ya vaphangi+ ya Vasiriya a ma ha tlhelanga ma ta etikweni ra Israyele nikan’we. 24  Endzhaku ka sweswo Beni-hadadi hosi ya Siriya a hlengeleta hinkwavo lava a va ri enxaxeni leswaku va tlhandluka va ya rhendzela+ Samariya. 25  Hi ku famba ka nkarhi ku va ni ndlala leyikulu eSamariya,+ kutani waswivo, va wu rhendzele ku fikela laha nhloko+ ya mbhongolo yi vitanaka swiphemu swa silivhere swa 80, ni xiphemu xa vumune xa mpimo wa khaba wa vulongo+ bya tuva a xi vitana swiphemu swa silivhere swa ntlhanu. 26  Kuteloko hosi ya Israyele yi hundza erirhangwini, wansati un’wana a yi huwelela, a ku: “Ndzi ponise, Wena hosi yanga leyi nga mufumi!”+ 27  Hiloko yi ku: “Loko Yehovha a nga ku ponisi, xana mina ndzi ta ku ponisa ha yini?+ xana ku nga ha va hi xivuya kumbe hi xikamelo xa vhinyo kumbe xa mafurha?” 28  Hosi yi ya emahlweni yi ku: “Swo yini hi wena?” Kutani yena a ku: “Wansati loyi u te eka mina, ‘Tisa n’wana wa wena leswaku hi n’wi dya namuntlha, mundzuku hi ta dya n’wananga.’+ 29  Hikwalaho hi sweke+ n’wananga hi n’wi dya.+ Kutani hi siku leri tlhandlamaka ndzi n’wi byele ndzi ku, ‘Tisa n’wana wa wena leswaku hi n’wi dya.’ Kambe a fihla n’wana wakwe.” 30  Hi ku hatlisa loko hosi yi twa marito ya wansati loyi, xikan’we-kan’we yi handzula+ tinguvu ta yona hi le xikarhi; loko yi ri karhi yi hundza erirhangwini, vanhu va swi vona, kutani waswivo, a yi rhangise nguvu yo khwaxa enyameni ya yona. 31  Yi ya emahlweni yi ku: “Onge Xikwembu xi nga endla tano eka mina, onge xi nga engetela eka swona, loko nhloko ya Elixa n’wana wa Xafati yi hambeta yi ri eka yena namuntlha!”+ 32  Elixa a a tshame endlwini yakwe, naswona vakulukumba a va tshame na yena+ loko a rhuma munhu a suka emahlweni ka yena. Loko murhumiwa a nga si nghena eka yena, u byele vakulukumba a ku: “Xana mi yi vonile ndlela leyi ha yona n’wana loyi wa munhu la dlayaka+ hi vomu a rhumeleke munhu leswaku a ta susa nhloko ya mina? Mi fanele mi endla leswi: hi ku hatlisa loko murhumiwa a fika, pfalani nyangwa, naswona mi fanele mi n’wi susumetela endzhaku hi nyangwa. Xana swigingi+ swa milenge ya hosi yakwe a swi le ndzhaku ka yena?” 33  Loko a ha vulavula na vona, waswivo, murhumiwa a rhelela a ta eka yena, hosi yi ku: “Hi leri khombo leri humaka eka Yehovha.+ Ha yini ndza ha fanele ndzi rindza Yehovha?”+

Tinhlamuselo ta le hansi