Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 5:1-27

5  Un’wana la vuriwaka Namani,+ ndhuna ya vuthu ya hosi ya Siriya, u ve munhu lonkulu emahlweni ka hosi yakwe naswona a a xiximiwa, hikuva Yehovha a a ponise Siriya ha yena;+ munhu loyi a a ri wanuna wa vurhena, wa matimba, hambileswi a a ri ni nhlokonho.  Loko ku ri Vasiriya, a va hume va ri mavuthu ya vaphangi,+ kutani va teka nhwanyana lontsongo wa tiko ra Israyele,+ va n’wi endla khumbi, yena a va emahlweni ka nsati wa Namani.  Hi ku famba ka nkarhi a byela+ n’wini wakwe wa xisati, a ku: “Loko hosi yanga a yi ri emahlweni ka muprofeta+ loyi a nga eSamariya! Hi ndlela yoleyo a a ta n’wi hanyisa eka nhlokonho yakwe.”+  Endzhaku ka sweswo un’wana a fika a vikela hosi yakwe, a ku: “Nhwanyana la humaka etikweni ra Israyele u vulavule+ leswi ni leswiya.”  Kutani hosi ya Siriya yi ku: “Famba! Tana, inge ndzi rhumela papila eka hosi ya Israyele.” Hiloko a famba a ya teka hi voko+ rakwe titalenta ta silivhere ta khume ni swiphemu swa 6 000 swa nsuku+ ni tinguvu ta khume ta ku cinca ha tona.+  Kutani a fika a tisa papila+ eka hosi ya Israyele, a ku: “Hi nkarhi wolowo papila leri ri fikaka eka wena ha wona, waswivo, ndzi rhumela Namani nandza wa mina eka wena, leswaku u n’wi hanyisa eka nhlokonho yakwe.”  Hi ku hatlisa loko hosi ya Israyele yi hlaye papila leri, xikan’we-kan’we yi handzula+ tinguvu ta yona hi le xikarhi, yi ku: “Xana ndzi Xikwembu+ leswaku ndzi dlaya ni ku londzovota vutomi?+ Hikuva munhu loyi u rhumela rito leswaku ndzi hanyisa munhu la nga ni nhlokonho; ndzi kombela mi lemuka, mi vona ndlela leyi ha yona a lavaka ku holovisana na mina.”+  Hi ku hatlisa loko Elixa munhu wa Xikwembu xa ntiyiso a twa leswaku hosi ya Israyele yi handzule tinguvu ta yona hi le xikarhi,+ xikan’we-kan’we a rhumela rito eka hosi, a ku: “Ha yini u handzule tinguvu ta wena hi le xikarhi? Ndzi kombela a ta eka mina leswaku a ta swi tiva leswaku ku ni muprofeta eIsrayele.”+  Hiloko Namani a fika ni tihanci takwe ni makalichi yakwe ya nyimpi, a yima enyangweni ya yindlu ya Elixa. 10  Kambe Elixa a rhuma murhumiwa eka yena, a ku: “Famba, u fanele u hlamba+ ka nkombo+ eYordani leswaku nyama ya wena yi tlhelela eka wena;+ kutani u tenga.” 11  Hiloko Namani a hlundzuka+ kutani a famba, a ku: “Waswivo, ndzi tibyele ndzi ku,+ ‘U ta huma a ta eka mina, kunene u ta yima a vitana vito ra Yehovha Xikwembu xakwe, a yisa voko rakwe emahlweni ni le ndzhaku ehenhla ka ndhawu leyi, kunene a hanyisa munhu la nga ni nhlokonho.’ 12  Xana Abana na Faripara, milambu ya Damaska,+ a yi antswi ku tlula mati+ hinkwawo ya Israyele? Xana a ndzi nge hlambi ha wona, kunene ndzi tenga?”+ Hiloko a hundzuluka a famba a karihile.+ 13  Kutani malandza yakwe ma n’wi tshinelela ma vulavula na yena, ma ku: “Tatana,+ loko muprofeta a a ku byele nchumu lowukulu, xana a wu nga ta wu endla? Kutani, ku karhata yini, leswi a ku byeleke a ku, ‘Hlamba kutani u tenga’?” 14  Hiloko a rhelela a sungula ku nghena eYordani ka nkombo hi ku landza rito ra munhu wa Xikwembu xa ntiyiso;+ endzhaku ka sweswo nyama yakwe yi tlhela yi hanya ku fana ni nyama ya mufana lontsongo,+ a tenga.+ 15  Kutani a tlhelela eka munhu wa Xikwembu xa ntiyiso,+ yena ni nxaxa wakwe hinkwawo, a fika a yima emahlweni ka yena, a ku: “Waswivo, kunene sweswi ndza swi tiva leswaku a ku na Xikwembu xin’wana hambi ku ri kwihi emisaveni, kambe xi le Israyele.+ Ndzi kombela u amukela nyiko+ yo katekisa leyi humaka eka nandza wa wena.” 16  Kambe yena a ku: “Leswi Yehovha loyi ndzi yimeke emahlweni ka yena a hanyaka,+ a ndzi nge yi amukeli.”+ A sungula ku n’wi kombela leswaku a yi amukela, kambe a hambeta a ala. 17  Eku heteleleni Namani a ku: “Loko swi nga ri tano, ndzi kombela leswaku nandza wa wena a nyikiwa misava,+ ndzhwalo wa timeyila timbirhi; hikuva nandza wa wena a nge he tlheli a endla gandzelo ro hisiwa kumbe xitlhavelo eka swikwembu swin’wana, kambe u ta swi endlela Yehovha.+ 18  Emhakeni leyi, onge Yehovha a nga rivalela nandza wa wena: Loko hosi yanga yi fika endlwini ya Rimoni+ leswaku yi ta nkhinsama eka yona, kutani yi tiseketela+ hi voko ra mina, mina ndzi nkhinsama+ endlwini ya Rimoni, loko ndzi nkhinsama endlwini ya Rimoni, ndzi kombela leswaku Yehovha a rivalela nandza wa wena emhakeni leyi.”+ 19  Hiloko a ku eka yena: “Famba hi ku rhula.”+ Hikwalaho a famba a suka eka yena mpfhuka wo leha wa tiko. 20  Kutani Gehazi+ mutirhi wa Elixa munhu wa Xikwembu+ xa ntiyiso a ku: “Waswivo, n’wini wanga u tsetselele Namani+ lowa Musiriya loyi hi ku ka a nga swi amukeli evokweni rakwe leswi a swi tiseke. Leswi Yehovha a hanyaka,+ ndzi ta tsutsuma ndzi n’wi sala endzhaku, ndzi teka swo karhi eka yena.”+ 21  Hiloko Gehazi a tsutsuma a landza Namani hi le ndzhaku. Loko Namani a vona munhu a tsutsuma a n’wi sale hi le ndzhaku, xikan’we-kan’we a xika ekalichini rakwe leswaku a n’wi hlanganisa kutani a ku: “Xana hinkwaswo swi famba kahle?”+ 22  Hiloko yena a ku: “Hinkwaswo swi famba kahle. Ndzi rhumiwe+ hi n’wini wanga,+ a ku, ‘Waswivo! Sweswi ka ha ku fika majaha mambirhi eka mina ma huma endhawini ya tintshava ya Efrayimi, eka vana va vaprofeta.+ Ndzi kombela u ma nyika talenta ya silivhere ni tinguvu timbirhi ta ku cinca ha tona.’”+ 23  Hiloko Namani a ku: “Famba u ya teka titalenta timbirhi.” A hambeta a n’wi kombela,+ emakumu a boha titalenta timbirhi ta silivhere eminkwameni yimbirhi ti ri ni tinguvu timbirhi ta ku cinca ha tona, a ti nyika vatirhi vakwe vambirhi leswaku va swi rhwala emahlweni ka yena. 24  Loko a fika eOfeli, hi ku hatlisa a swi teka evokweni ra vona a swi veka endlwini,+ a tshika vavanuna va famba. Hiloko va famba. 25  Yena a nghena a yima etlhelo ka n’wini wakwe.+ Kutani Elixa a ku eka yena: “Xana u huma kwihi Gehazi?” Kambe yena a ku: “Nandza wa wena a a nga yanga helo.”+ 26  Hiloko a ku eka yena: “Xana mbilu ya mina a yi fambanga swin’we na wena loko munhu luya a hundzuluka leswaku a xika ekalichini yakwe a ku hlanganisa? Xana lowu i nkarhi wa ku amukela silivhere kumbe wa ku amukela tinguvu kumbe mitlhwari kumbe masimu ya vhinya kumbe tinyimpfu kumbe tihomu kumbe malandza ya xinuna kumbe malandza ya xisati?+ 27  Hikwalaho nhlokonho+ ya Namani yi ta ku namarhela, wena ni vana va wena hilaha ku nga riki na makumu.”+ Hi ku hatlisa a huma emahlweni ka yena a ri munhu la nga ni nhlokonho wo basa ku fana ni gamboko.+

Tinhlamuselo ta le hansi