Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 3:1-27

3  Loko ku ri Yehorama+ n’wana wa Akabu, u ve hosi ya Israyele eSamariya elembeni ra vu-18 ra Yehoxafati hosi ya Yuda, a ya emahlweni a fuma malembe ya 12.  U hambete a endla swo biha ematihlweni+ ya Yehovha, ntsena a nga endlanga ku fana ni tata+ wakwe kumbe mana wakwe, kambe u suse nsika yo kwetsima+ ya Bali leyi tata wakwe a a yi endlile.+  Ntsena u namarhele swidyoho swa Yerobuwamu+ n’wana wa Nebati, leswi a dyohiseke+ Israyele ha swona. A nga sukanga eka swona.  Loko ku ri Mexa+ hosi ya Mowabu, u ve murisi wa tinyimpfu, u hakele hosi ya Israyele hi swinyimpfana swa 100 000 ni tinyimpfu ta 100 000 ta xinuna leti nga tsemetiwangiki.  Hi ku hatlisa loko Akabu a fa,+ hosi ya Mowabu yi sungula ku pfukela+ hosi ya Israyele.  Kutani Hosi Yehorama a huma esikwini rero a suka eSamariya a hlengeleta+ tiko hinkwaro ra Israyele.  A ya emahlweni a rhumela rito eka Yehoxafati hosi ya Yuda, a ku: “Hosi ya Mowabu yi ndzi pfukerile. Xana u ta famba na mina ku ya lwa na Mowabu?” Hiloko a ku: “Ndzi ta famba.+ Ndzi fana na wena; vanhu va mina va fana ni vanhu va wena;+ tihanci ta mina ti fana ni tihanci ta wena.”  A ya emahlweni a ku: “Hi yihi ndlela leyi hi nga ta tlhandluka ha yona?” Hiloko a ku: “Hi ndlela ya mananga ya Edomu.”+  Kutani hosi ya Israyele ni hosi ya Yuda ni hosi ya Edomu+ ti famba, ti hambeta ti famba, ti rhendzeleka masiku ya nkombo, a ku nga ri na mati ya lava va nga enxaxeni ni ya swifuwo leswi a swi landzela emitileni ya tona. 10  Hi ku famba ka nkarhi, hosi ya Israyele yi ku: “I khombo leswi Yehovha a vitaneke tihosi leti tinharhu leswaku a ta tinyikela evokweni ra hosi ya Mowabu!”+ 11  Hiloko Yehoxafati a ku:+ “Xana a nga kona muprofeta wa Yehovha laha?+ Kutani a hi vutiseni Yehovha ha yena.”+ Hikwalaho un’wana wa malandza ya hosi ya Israyele a hlamula a ku: “Ku na Elixa+ n’wana wa Xafati laha, loyi a nga chela mati emavokweni ya Eliya.”+ 12  Kutani Yehoxafati a ku: “Rito ra Yehovha ri kona eka yena.” Hiloko hosi ya Israyele na Yehoxafati ni hosi ya Edomu va rhelela va ya eka yena. 13  Elixa a byela hosi ya Israyele, a ku: “Ndzi na yini na wena?+ Yana eka vaprofeta+ va tata wa wena ni le ka vaprofeta va mana wa wena.” Kambe hosi ya Israyele yi ku eka yena: “E-e, hikuva Yehovha u vitane tihosi leti tinharhu leswaku a ta tinyiketa evokweni ra Mowabu.”+ 14  Hiloko Elixa a ku: “Leswi Yehovha wa mavuthu loyi ndzi yimeke emahlweni ka yena a hanyaka,+ loko a ku nga ri xikandza xa Yehoxafati hosi ya Yuda lexi ndzi xi ehleketelaka,+ a ndzi nga ta ku languta kumbe ndzi ku vona.+ 15  Ndzi kumeleni loyi a baka xitende.”+ Hi ku hatlisa loko loyi a baka xitende a xi ba, voko+ ra Yehovha ri va ehenhla ka yena. 16  A ya emahlweni a ku: “Yehovha u te, ‘A ku ceriwe makhele yo tala enkoveni lowu;+ 17  hikuva Yehovha u te: “N’wina a mi nge yi voni mheho, a mi nge ma voni maboboma ya mpfula; kambe nkova wolowo wu ta tala mati,+ kunene n’wina mi ta nwa eka wona,+ n’wina ni mintlhambi ya n’wina ni swifuwo swa n’wina.”’ 18  Hakunene lowu wu ta va nchumu lowutsongo ematihlweni ya Yehovha,+ kunene u ta nyiketa Mowabu evokweni ra n’wina.+ 19  Mi fanele mi hlasela muti+ wun’wana ni wun’wana lowu tiyisiweke ni muti wun’wana ni wun’wana wo hlawuleka, ni murhi wun’wana ni wun’wana lowunene+ mi fanele mi wu wisa,+ ni swihlovo hinkwaswo swa mati mi fanele mi swi siva, ni nsimu yin’wana ni yin’wana leyinene mi fanele mi yi onhetela hi maribye.” 20  Nimixo,+ loko ku nyikeriwa gandzelo ra mavele,+ waswivo, mati a ma huma etlhelo ra Edomu, kutani tiko ri tala mati. 21  Loko ku ri Vamowabu hinkwavo, va swi twile leswaku tihosi leti a ti tile ku ta lwa na vona. Hiloko va hlengeleta vavanuna ku sukela eka lava a va khama+ vamba ku ya ehenhla, va sungula ku yima endzilakaneni. 22  Loko va pfuka nimpundzu swinene, dyambu ri voninga ehenhla ka mati lerova Vamowabu lava a va ri etlhelo lerin’wana va vone mati ma tshwuke ku fana ni ngati. 23  Va sungula ku vula va ku: “Leyi i ngati! Hakunene tihosi ti teke banga kutani ti dlayana. Hikwalaho sweswi Wena Mowabu, famba u ya phanga!”+ 24  Loko va fika enxaxeni wa Israyele, hi ku hatlisa Vaisrayele+ va suka va yima va sungula ku dlaya Vamowabu kutani va baleka emahlweni ka vona.+ Hikwalaho va fika eMowabu, loko va fika, va dlaya Vamowabu. 25  Kutani va wisa miti,+ loko ku ri nsimu yin’wana ni yin’wana leyinene, un’wana ni un’wana a hoxa ribye rakwe, kunene va yi tata; a va seletela+ xihlovo xin’wana ni xin’wana, va wisa murhi wun’wana ni wun’wana lowunene,+ kukondza va siya maribye ya Kiri-hareseti+ eka wona; lava va hoxaka maribye hi xipelupelu va sungula ku wu rhendzela, va wu herisa. 26  Loko hosi ya Mowabu yi vone leswaku nyimpi a yi ri yikulu eka yona, xikan’we-kan’we yi teka vavanuna va 700 lava khomaka banga, leswaku yi hlasela hosi ya Edomu;+ kambe a va swi kotanga ku endla tano. 27  Eku heteleleni yi teka n’wana wa yona wa mativula loyi a a ta fuma ematshan’weni ya yona, yi n’wi nyikela+ ehenhla ka rirhangu a va xitlhavelo xo hisiwa. Kutani tiko ra Israyele ri hlundzukeriwa ngopfu lerova va tshika ku lwa na rona, va tlhelela etikweni ra vona.

Tinhlamuselo ta le hansi