Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 25:1-30

25  Hi lembe ra vukaye+ a ri hosi, hi n’hweti ya vukhume, hi siku ra vukhume,+ Nebukadnetsara+ hosi ya Babilona a fika,+ ina, yena ni vandla rakwe hinkwaro ra nyimpi ku ta lwa na Yerusalema, kutani a dzima mixaxa a wu rhendzela naswona a aka rirhangu a wu sivelela matlhelo hinkwawo.+  Kutani muti wu rhendzeriwa ku fikela elembeni ra vu-11 ra Hosi Sedekiyasi.  Hi siku ra vukaye+ ra n’hweti ya vumune, ndlala+ yi va yikulu emutini naswona vanhu va tiko a va nga ri na xinkwa.+  Kutani muti wu boxiwa,+ kutani vavanuna hinkwavo va nyimpi va baleka nivusiku hi ndlela ya nyangwa leyi nga exikarhi ka marhangu mambirhi ekusuhi ni ntanga wa hosi,+ Vakalidiya+ va rhendzele muti; hiloko hosi yi ya+ tlhelo ra le Arabha.+  Kutani vandla ra nyimpi ra Vakalidiya+ ri hlongorisa hosi, kutani ri yi kuma+ etimbaleni ta le kwandzasini ra Yeriko;+ vandla ra yona hinkwaro ra nyimpi ri hangalasiwa.  Hiloko va khoma hosi+ va yi tisa eka hosi ya Babilona eRibla,+ leswaku va yi gweva.  Kutani va dlaya vana va Sedekiyasi emahlweni ka mahlo yakwe,+ yona yi pfala mahlo ya Sedekiyasi,+ endzhaku ka sweswo yi n’wi boha hi tinketana ta koporo,+ yi n’wi tisa eBabilona.+  Hi n’hweti ya vuntlhanu, esikwini ra vunkombo ra n’hweti, ku nga lembe ra vu-19+ ra Hosi Nebukadnetsara hosi ya Babilona, Nebuzaradani+ ndhuna ya varindzi, nandza wa hosi ya Babilona, a fika eYerusalema.+  Kutani a hisa yindlu ya Yehovha+ ni yindlu+ ya hosi ni tindlu hinkwato ta Yerusalema;+ ni yindlu ya wanuna un’wana ni un’wana lonkulu a yi hisa hi ndzilo.+ 10  Mavandla hinkwawo ya nyimpi ya Vakalidiya lawa a ma ri ni murhangeri wa varindzi, ma hirimuxa+ marhangu ya Yerusalema, matlhelo hinkwawo. 11  Kutani vanhu+ lavan’wana lava a va sele emutini ni lava va tinyiketeke, lava va nga ya eka hosi ya Babilona ni ntshungu lowun’wana hinkwawo, Nebuzaradani murhangeri wa varindzi a va yisa evukhumbini.+ 12  Swisiwana+ swin’wana swa tiko swa ndhuna ya varindzi a swi tshika swi va varimi va masimu ya vhinya ni ku va vatirhi lava sindzisiwaka.+ 13  Tiphuphu+ ta koporo leti a ti ri endlwini ya Yehovha ni makalichi+ ni lwandle ra koporo,+ leswi a swi ri endlwini ya Yehovha, Vakalidiya va swi tshovelerile kutani va rhwala koporo ya swona yi ya eBabilona.+ 14  Va teka swiolelo ni mafoxolo ni swo tima timboni ni swinwelo swin’we ni swingolongondzwana+ hinkwaswo swa koporo leswi a va hamba va tirhela ha swona. 15  Murhangeri wa varindzi a teka swo tamela ndzilo ni minkambana ni swiolelo ni swo tlhoma timboni ni swinwelo ni minkambana, leswi a swi ri swa nsuku ya xiviri,+ ni leswi a swi ri swa silivhere ya xiviri.+ 16  Loko ku ri tiphuphu timbirhi, lwandle rin’we ni makalichi leswi Solomoni a a swi endlele yindlu ya Yehovha, a ku ri hava ndlela yo vula ntiko wa koporo ya swingolongondzwana leswi hinkwaswo.+ 17  Phuphu ha yin’we a yi tlakuke swisungunu swa 18,+ xidlodlo xa phuphu+ ehenhla ka yona a xi ri xa koporo; xidlodlo xin’we xa phuphu a xi tlakuke swisungunu swinharhu; loko ku ri rikoka ni magrenada+ matlhelo hinkwawo ehenhla ka xidlodlo xa phuphu, hinkwaxo ka xona a xi ri koporo; kasi phuphu ya vumbirhi a yi ri ni leswi fanaka ni leswi ehenhla ka rikoka. 18  Ku tlula kwalaho, murhangeri wa varindzi a teka Seraya+ muprista lonkulu na Sofaniya+ muprista wa vumbirhi ni valanguteri va nyangwa vanharhu;+ 19  emutini u teke mutirhi un’we wa le hubyeni loyi a a lawula vavanuna va nyimpi, ni vavanuna va ntlhanu eka lava a va kota ku nghena laha hosi yi nga kona, lava a va kumeka emutini; ni matsalana wa murhangeri wa vuthu, loyi a hlengeletaka vanhu va tiko, ni vavanuna va 60 exikarhi ka vanhu va tiko, lava a va ri emutini;+ 20  hiloko Nebuzaradani+ murhangeri wa varindzi a va teka,+ a va yisa eka hosi ya Babilona eRibla.+ 21  Kutani hosi ya Babilona yi va tlhava,+ yi va dlaya eRibla etikweni ra Hamati.+ Xisweswo Yuda a ya evukhumbini a suka endhawini ya yena.+ 22  Loko ku ri vanhu+ lava siyiweke etikweni ra Yuda, lava Nebukadnetsara hosi ya Babilona a va siyeke, u veke Gedaliya+ n’wana wa Ahikama,+ n’wana wa Xafani+ a va mulawuri wa vona. 23  Loko varhangeri hinkwavo va vandla ra nyimpi,+ vona ni vavanuna va vona va twa leswaku hosi ya Babilona yi veke Gedaliya, hi ku hatlisa va ta eka Gedaliya eMizpa,+ ku nga Iximayele n’wana wa Nethaniya na Yohanani n’wana wa Kariya na Seraya n’wana wa Tanahumeti lowa Munetofa na Yazaniya n’wana wa Mukati, vona ni vavanuna va vona. 24  Kutani Gedaliya a hlambanya+ eka vona ni le ka vavanuna va vona, a ku eka vona: “Mi nga chavi ku va malandza ya Vakalidiya. Tshamani etikweni, mi tirhela hosi ya Babilona, kutani swi ta mi fambela kahle.”+ 25  Kutani hi n’hweti ya vunkombo,+ Iximayele+ n’wana wa Nethaniya n’wana wa Elixama wa vana va le vuhosini, a fika a ri ni vavanuna va khume, va tlhava Gedaliya+ a fa, swin’we ni Vayuda ni Vakalidiya lava a va ri na yena eMizpa.+ 26  Endzhaku ka sweswo vanhu hinkwavo, ku sukela eka lontsongo ku ya eka lonkulu, ni tindhuna ta mavandla ya nyimpi va suka va yima va ta aEgipta;+ hikuva a va chava Vakalidiya.+ 27  Hi lembe ra vu-37 ra vukhumbi bya Yoyakini+ hosi ya Yuda, hi n’hweti ya vu-12, esikwini ra vu-27 ra n’hweti elembeni leri a veke hosi ha rona, Evhili-merodaka+ hosi ya Babilona, a yimisa nhloko+ ya Yoyakini hosi ya Yuda a n’wi humesa endlwini leyi nga khotso; 28  a sungula ku n’wi byela swilo leswinene, a veka xiluvelo xa yena xi tlakuka ku tlula swiluvelo swa tihosi leti a ti ri na yena eBabilona.+ 29  Kutani a hluvula tinguvu takwe ta le khotsweni;+ a dya xinkwa+ emahlweni ka yena nkarhi hinkwawo, emasikwini hinkwawo ya vutomi byakwe. 30  Loko ku ri swakudya swa yena,+ nkarhi hinkwawo a a nyikiwa swakudya swi huma eka hosi ya Babilona, a ku ri mfanelo ya siku ni siku, emasikwini hinkwawo ya vutomi bya yena.

Tinhlamuselo ta le hansi