Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 23:1-37

23  Hiloko hosi yi rhumela rito kutani va hlengeleta vakulukumba hinkwavo va Yuda ni va Yerusalema.+  Endzhaku ka sweswo hosi yi tlhandlukela endlwini ya Yehovha, vavanuna hinkwavo va Yuda ni vaaki hinkwavo va Yerusalema va ri na yona, ni vaprista+ ni vaprofeta ni vanhu hinkwavo, ku suka eka lontsongo ku ya eka lonkulu;+ yi sungula ku hlaya+ marito hinkwawo ya buku+ ya ntwanano+ va yingisile, leyi yi kumiweke endlwini ya Yehovha.+  Hosi yi hambeta yi yima ekusuhi ni phuphu,+ kutani yi endla ntwanano+ emahlweni ka Yehovha leswaku yi landzela+ Yehovha nileswaku yi hlayisa swileriso+ swa yena ni switiyisekiso+ swa yena ni milawu+ ya yena hi mbilu+ ya yona hinkwayo ni hi moya-xiviri+ wa yona hinkwawo, hi ku hetisisa marito ya ntwanano lowu, lawa ma tsariweke ebukwini leyi.+ Hiloko vanhu hinkwavo va yima va tiyile eka ntwanano lowu.+  Hosi yi ya emahlweni yi lerisa Hilkiya+ lowa muprista lonkulu ni vaprista va xiyimo xa vumbirhi ni valanguteri va nyangwa,+ leswaku va humesa swingolongondzwana hinkwaswo etempeleni ya Yehovha, leswi a swi endleriwe Bali+ ni swa mhandzi yo kwetsima+ ni swa vuthu hinkwaro ra le matilweni.+ Hiloko a swi hisa ehandle ka Yerusalema, emasin’wini ya Kedroni,+ nkuma wa swona a wu tisa eBethele.+  Vaprista va swikwembu swimbe a va tshikisa ntirho, lava tihosi ta Yuda a ti va veke leswaku va mbulukisa xitlhavelo etindhawini leti tlakukeke emitini ya Yuda ni le tindhawini leti rhendzeleke Yerusalema, ni lava a va mbulukisela Bali+ xitlhavelo, edyambyini ni le n’wetini ni le nhlengeletweni wa tinyeleti to karhi ni le ka vuthu hinkwaro ra le matilweni.+  Nakambe, a humesa mhandzi yo kwetsima+ endlwini ya Yehovha a yi tisa ehandle ka Yerusalema, enkoveni wa Kedroni, a yi hisa+ enkoveni wa Kedroni, a yi sila yi va mapa, kutani a tsutsuxela mapa ya yona ehenhla ka xilahlo+ xa vana va vanhu.  Nakambe, a hirimuxa tindlu ta tinghwavava ta xinuna ta le tempeleni+ leti a ti ri endlwini ya Yehovha, laha vavasati a va luka mintsonga ya tindhumbha ta mhandzi yo kwetsima kona.  Hiloko a tisa vaprista hinkwavo ku suka emitini ya Yuda, leswaku tindhawu leti tlakukeke a ti endla ti nga byi fanelekeli vugandzeri, laha vaprista va mbulukiseke xitlhavelo kona, ku suka eGeba+ ku ya fika eBera-xeba;+ a hirimuxa tindhawu leti tlakukeke ta tinyangwa leti a ti ri evunghenweni bya nyangwa ya Yoxuwa, ndhuna ya muti, lebyi a byi ri eximatsini loko munhu a nghena enyangweni ya muti.  Ntsena vaprista+ va tindhawu leti tlakukeke a va tlhandlukelanga ealitarini ya Yehovha le Yerusalema, kambe va dye swinkwa leswo-ke-comela+ exikarhi ka vamakwavo. 10  Tofete+ leyi yi nga enkoveni wa vana va Hinomu,+ a yi endla yi nga byi fanelekeli vugandzeri, leswaku ku nga vi na munhu la endlaka leswaku n’wana wakwe wa jaha ni wa nhwanyana a nghena endzilweni+ a ya eka Moleke.+ 11  Nakambe, a endla leswaku tihanci leti tihosi ta Yuda ti tinyiketeke edyambyini ti nga ha ngheni endlwini ya Yehovha hi le kamareni+ ro dyela eka rona ra Natani-meleke mutirhi wa le hubyeni, leri a ri ri emakupakupeni; a hisa makalichi ya dyambu+ hi ndzilo. 12  Tialitari leti a ti ri ehenhla ka lwangu+ ra kamara ra le henhla ka lwangu ra Akazi, leti hosi ya Yuda yi tiendleke, ni tialitari+ leti Manase a tiendleke eswivaveni swimbirhi swa yindlu ya Yehovha, hosi yi ti hirimuxa, endzhaku ka sweswo yi ti pfotlosela kwalaho, yi tsutsuxela mapa ya tona enkoveni wa Kedroni. 13  Kutani tindhawu leti tlakukeke leti a ti ri emahlweni+ ka Yerusalema, leti a ti ri exineneni xa Ntshava ya Ndzoviso, leti Solomoni+ hosi ya Israyele a ti akeleke Axitoreti+ ku nga nchumu lowu nyenyetsaka wa Vasidoni, na Kemoxi+ nchumu lowu nyenyetsaka wa Mowabu na Milikomo+ nchumu lowu nyenyetsaka wa vana va Amone, hosi yi swi endla swi nga byi fanelekeli vugandzeri. 14  Yi tshove+ tinsika to kwetsima, yi tsema timhandzi to kwetsima, yi tata tindhawu ta tona hi marhambu ya vanhu. 15  Naswona alitari leyi a yi ri eBethele,+ ndhawu leyi tlakukeke leyi Yerobuwamu+ n’wana wa Nebati a yi endleke, a dyohisa Israyele,+ hambi ku ri alitari yoleyo ni ndhawu leyi tlakukeke, yi swi hirimuxile. Hiloko yi hisa ndhawu leyi tlakukeke; yi yi sila yi va mapa, yi hisa mhandzi yo kwetsima. 16  Loko Yosiya a hundzuluka, a vona swilahlo leswi a swi ri entshaveni. Hiloko a rhumela rito leswaku ku ya tekiwa marhambu eswilahlweni, ma hisiwa+ ehenhla ka alitari, leswaku a yi endla yi nga byi fanelekeli vugandzeri, hi ku landza rito+ ra Yehovha leri munhu wa Xikwembu xa ntiyiso a ri huweleleke,+ a vula swilo leswi. 17  Kutani a ku: “Xana ribye ra sirha leri ndzi ri vonaka lahaya i ra yini?” Hiloko vavanuna va muti va ku eka yena: “I xilahlo+ xa munhu wa Xikwembu xa ntiyiso loyi a a huma eYuda+ leswaku a huwelela swilo leswi u swi endleke ku avanyisa alitari ya Bethele.”+ 18  Kutani a ku: “A a wise.+ Ku nga tshuki ku va ni munhu loyi a kavanyetaka marhambu yakwe.” Hiloko va tshika marhambu yakwe swin’we ni marhambu ya muprofeta+ la teke a huma eSamariya. 19  Yosiya a susa ni tindlu+ hinkwato ta tindhawu leti tlakukeke leti a ti ri emitini+ ya Samariya, leti tihosi+ ta Israyele ti ti akeke leswaku ti khunguvanyisa+ ha tona, a ya emahlweni a ti endla hi ku landza hinkwaswo leswi a swi endleke eBethele.+ 20  Hiloko a endla xitlhavelo hi vaprista+ hinkwavo va tindhawu leti tlakukeke, lava a va ri kwalaho etialitarini, a hisa marhambu ya vanhu ehenhla ka tona.+ Endzhaku ka sweswo a tlhelela eYerusalema. 21  Kutani hosi yi lerisa vanhu hinkwavo, yi ku: “Endlelani Yehovha Xikwembu xa n’wina paseka,+ hi ku landza hinkwaswo leswi tsariweke ebukwini leyi ya ntwanano.”+ 22  Hikuva a ku si tshama ku endliwa paseka yo fana ni leyi ku sukela emasikwini ya vaavanyisi lava va avanyiseke Israyele,+ kumbe masiku hinkwawo ya tihosi ta Israyele ni tihosi ta Yuda.+ 23  Kambe paseka leyi yi endleriwe Yehovha eYerusalema hi lembe ra vu-18 ra Hosi Yosiya.+ 24  Nakambe, vangoma+ ni vavhumbhi lavakulu+ va swiendlakalo ni terafimi+ ni swifaniso swa hava leswi hombolokeke+ ni swilo hinkwaswo leswi nyenyetsaka+ leswi nga humelela etikweni ra Yuda ni ra Yerusalema, Yosiya u swi suse hinkwaswo, leswaku a hetisisa marito ya nawu+ lawa a ma tsariwe ebukwini+ leyi Hilkiya lowa muprista a yi kumeke endlwini ya Yehovha.+ 25  A ku na hosi leyi nga fana na yena emahlweni ka yena, leyi yi nga tlhelela+ eka Yehovha hi mbilu ya yona hinkwayo ni hi moya-xiviri+ wa yona hinkwawo ni hi matimba ya yona lamakulu hinkwawo, hi ku ya hi nawu wa Muxe hinkwawo; naswona a yi vanga kona leyi faneke na yona endzhaku ka yena. 26  Hambiswiritano, Yehovha a nga tlhelanga eku hlundzukeni kakwe lokukulu, ku hlundzuka ka yena loku pfurheleke Yuda+ hikwalaho ka swilo hinkwaswo leswi khunguvanyisaka, leswi Manase a va endleke leswaku va n’wi hlundzukisa ha swona.+ 27  Kambe Yehovha a ku: “Yuda+ na yena ndzi ta n’wi susa emahlweni ka mina,+ hilaha ndzi suseke Israyele hakona;+ kunene ndzi ta bakanya muti lowu ndzi wu hlawuleke, yena Yerusalema ni yindlu leyi ndzi vuleke ha yona, ndzi ku, ‘Vito ra mina ri ta tshama kona.’”+ 28  Loko ku ri timhaka letin’wana ta Yosiya ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Yuda? 29  Emasikwini yakwe, Faro Neko+ hosi ya Egipta a tlhandluka a ta eka hosi ya Asiriya enambyeni wa Yufrata,+ Hosi Yosiya a famba a ya n’wi hlanganisa;+ kambe hi ku hatlisa loko a n’wi vona, a n’wi dlaya+ eMegido.+ 30  Hiloko malandza yakwe ma n’wi fambisa hi kalichi a file, ku suka eMegido va n’wi tisa eYerusalema,+ va n’wi lahla esirheni rakwe. Kutani vanhu va tiko va teka Yowohazi+ n’wana wa Yosiya va n’wi tota va n’wi endla hosi ematshan’weni ya tata wakwe. 31  Yowohazi+ a a ri ni malembe ya 23 hi vukhale loko a sungula ku fuma, u fume tin’hweti tinharhu eYerusalema. Vito ra mana wakwe a ku ri Hamutala+ n’wana wa Yeremiya wa le Libna. 32  A sungula ku endla swo biha ematihlweni ya Yehovha, hi ku landza hinkwaswo leswi vatata wakwe va swi endleke.+ 33  Kutani Faro Neko+ a n’wi boha+ eRibla,+ etikweni ra Hamati, leswaku a n’wi sivela ku fuma eYerusalema, a sindzisa tiko leswaku ri riha+ titalenta ta silivhere ta 100+ ni talenta ya nsuku.+ 34  Ku tlula kwalaho, Faro Neko a endla Eliyakimi+ n’wana wa Yosiya a va hosi ematshan’weni ya Yosiya tata wakwe, a cinca vito rakwe ri va Yoyakimi; a teka Yowohazi a n’wi tisa aEgipta laha a nga hetelela a fele kona.+ 35  Yoyakimi a nyika Faro silivhere+ ni nsuku. Ntsena u hakerise tiko xibalo+ leswaku ri humesa silivhere hi xileriso xa Faro. U sindzise leswaku silivhere ni nsuku leswi humaka eka vanhu va tiko swi nyikiwa Faro Neko, hi ku ya hi mpimo wa xibalo+ xa munhu un’wana ni un’wana. 36  Yoyakimi+ a a ri ni malembe ya 25 hi vukhale loko a sungula ku fuma, u fume malembe ya 11 eYerusalema.+ Vito ra mana wakwe a ku ri Zebida n’wana wa Pedaya la humaka eRhuma. 37  A ya emahlweni a endla swo biha+ ematihlweni ya Yehovha, hi ku landza hinkwaswo leswi vatata wakwe va swi endleke.+

Tinhlamuselo ta le hansi