Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 20:1-21

20  Emasikwini wolawo Hezekiya a a vabyela ku fa.+ Hikwalaho Esaya+ n’wana wa Amotsi lowa muprofeta a ta eka yena a ku: “Yehovha u te, ‘Nyika vandyangu wa wena swileriso,+ hikuva wena u ta fa hakunene, a wu nge hanyi.’”+  Hiloko Hezekiya a hundzuluxela xikandza xakwe ekhumbini+ a sungula ku khongela Yehovha,+ a ku:  “Oho Yehovha, ndzi kombela u tsundzuka+ ndlela leyi ndzi fambeke+ ha yona emahlweni ka wena hi ntiyiso+ ni hi mbilu leyi heleleke,+ naswona ndzi endle leswi a swi lulamile ematihlweni ya wena.”+ Kutani Hezekiya a rila swinene.+  Esaya a a nga si huma a ya exivaveni xa le xikarhi loko rito ra Yehovha ri fika eka yena+ ri ku:  “Tlhela u ya byela Hezekiya murhangeri+ wa vanhu va mina, u ku, ‘Yehovha Xikwembu+ xa Davhida kokwa wa wena u te: “Xikhongelo+ xa wena ndzi xi twile.+ Mihloti ya wena ndzi yi vonile.+ Waswivo, ndza ku+ tshungula.+ Hi siku ra vunharhu u ta tlhandlukela endlwini ya Yehovha.+  Kunene ndzi ta engetela masiku ya wena hi malembe ya 15, naswona exandleni xa hosi ya Asiriya ndzi ta ku kutsula wena ni muti lowu, ndzi ta lwela+ muti lowu hikwalaho ka mina ni hikwalaho ka Davhida nandza wa mina.”’”+  Esaya a ya emahlweni a ku: “Tekani xipambana xa makuwa lama omisiweke.”+ Hiloko va xi teka va xi veka ehenhla ka rhumba,+ endzhaku ka sweswo a hola hakatsongo-tsongo.+  Hi nkarhi wolowo, Hezekiya a ku eka Esaya: “Hi xihi xikombiso+ xa leswaku Yehovha u ta ndzi tshungula nileswaku kunene ndzi ta tlhandlukela endlwini ya Yehovha hi siku ra vunharhu?”  Hiloko Esaya a ku: “Hi lexi xikombiso+ xa wena lexi humaka eka Yehovha, xa leswaku Yehovha u ta ri hetisisa rito leri a ri vuleke: Xana ndzhuti wu nga fambela emahlweni hi magoza ya khume eswikhandziyweni kumbe wu fanele wu tlhelela endzhaku hi magoza ya khume?” 10  Kutani Hezekiya a ku: “I nchumu wo olova leswaku ndzhuti wu fambela emahlweni hi magoza ya khume, kambe ku nga ri leswaku ndzhuti wu fanele wu tlhelela endzhaku hi magoza ya khume.”+ 11  Hiloko Esaya lowa muprofeta a huwelela Yehovha; yena a endla leswaku ndzhuti lowu a wu rhelerile hakatsongo-tsongo, wu tlhelela eswikhandziyweni, hileswaku, eswitepisini swa swikhandziyo swa Akazi, wu tlhelela endzhaku hi magoza ya khume.+ 12  Enkarhini wolowo Merodaka-baladani+ n’wana wa Baladani hosi ya Babilona+ a rhumela mapapila+ ni nyiko eka Hezekiya; hikuva u swi twile leswaku Hezekiya a vabya. 13  Hezekiya a va yingisa kutani a va komba yindlu yakwe hinkwayo ya xuma,+ silivhere ni nsuku ni mafurha ya balsama+ ni mafurha lamanene ni laha a hlayisaka kona swihlomo swakwe ni hinkwaswo leswi a swi kumeka exumeni xakwe. A ku vanga na nchumu lowu Hezekiya a nga va kombangiki wona endlwini yakwe ni le vulawurini byakwe hinkwabyo.+ 14  Endzhaku ka sweswo muprofeta Esaya a ya eka Hosi Hezekiya a ku eka yena:+ “Xana vavanuna lava va te yini, naswona a va huma kwihi loko va fika eka wena?”+ Hiloko Hezekiya a ku: “Va fike eka mina va huma etikweni ra le kule, eBabilona.” 15  Kutani a ya emahlweni a ku: “Va vone yini endlwini ya wena?” Hiloko Hezekiya a ku: “Xin’wana ni xin’wana lexi nga endlwini ya mina va xi vonile. A ku na nchumu lowu ndzi nga va kombangiki wona exumeni xa mina.”+ 16  Hiloko Esaya a ku eka Hezekiya: “Yingisa rito ra Yehovha,+ 17  ‘“Waswivo! Masiku ma ta, kutani hinkwaswo leswi nga endlwini+ ya wena ni leswi vatata wa wena va swi hlayiseke ku fika esikwini leri swi ta rhwariwa swi yisiwa eBabilona.+ A ku nge siyiwi nchumu,”+ Yehovha u vurile. 18  “Kutani vana va wena van’wana lava nga ta huma eka wena, lava u nga ta va tata wa vona, kunene va ta tekiwa+ va ya va vatirhi va le hubyeni+ exigodlweni xa hosi ya Babilona.”’”+ 19  Hiloko Hezekiya a byela Esaya a ku: “Rito ra Yehovha leri u ri vuleke i rinene.”+ A ya emahlweni a ku: “Xana a swi nge vi tano, loko ku rhula ni ntiyiso+ swi ta tshama swi ri kona emasikwini ya mina?”+ 20  Loko ku ri timhaka letin’wana ta Hezekiya ni matimba yakwe hinkwawo ni ndlela leyi a endleke xidziva+ ni mugerho+ ha yona, a tisa mati emutini, xana a swi tsariwanga ebukwini+ ya timhaka ta masiku ya tihosi ta Yuda? 21  Eku heteleleni Hezekiya a etlela ni vatata wakwe;+ Manase+ n’wana wakwe a sungula ku fuma ematshan’weni ya yena.

Tinhlamuselo ta le hansi