Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 19:1-37

19  Hi ku hatlisa loko Hosi Hezekiya+ a swi twa, xikan’we-kan’we a handzula tinguvu takwe hi le xikarhi+ a tifunengeta hi nguvu yo khwaxa,+ a nghena endlwini ya Yehovha.+  Ku tlula kwalaho, a rhuma Eliyakimi,+ loyi a a lawula vandyangu, na Xebhina+ lowa matsalana ni vakulukumba va vaprista va funengele nguvu yo khwaxa va ya eka Esaya+ lowa muprofeta, n’wana wa Amotsi.+  Kutani va ku eka yena: “Hezekiya u te, ‘Siku leri i siku ra maxangu+ ni ra ku tshinya+ ni ra ku tikurisa ka xisandzu;+ hikuva vana va fike enon’wini wa mbeleko,+ kambe matimba ya ku veleka a ma kona.+  Kumbexana Yehovha Xikwembu xa wena u ta twa+ marito hinkwawo ya Rabuxake, loyi hosi ya Asiriya mufumi wakwe a n’wi rhumeke ku ya tlhontlha+ Xikwembu lexi hanyaka ha wona, kunene u ta n’wi tengisa hikwalaho ka marito lawa Yehovha Xikwembu xa wena a ma tweke.+ Kutani u fanele u khongelela+ masalela+ lama nga ta kumeka.’”  Hiloko malandza ya Hosi Hezekiya ma fika eka Esaya.+  Kutani Esaya a ku eka wona: “Mi ta byela hosi ya n’wina mi ku, ‘Yehovha u te:+ “U nga chavi+ hikwalaho ka marito lawa u ma tweke, lawa vatirhi va hosi ya Asiriya va ndzi rhukaneke ha wona.+  Waswivo, ndzi nghenisa moya+ eka yena, kutani u ta twa xiviko,+ a tlhelela etikweni ra yena; kunene ndzi ta n’wi wisa hi banga etikweni ra yena.”’”+  Endzhaku ka sweswo Rabuxake+ a tlhelela kutani a kuma hosi ya Asiriya yi lwa na Libna;+ hikuva a yi swi twile leswaku u sukile eLakixi.+  Hiloko a twa ku vuriwa leswi malunghana na Tiraka hosi ya Etiyopiya: “Waswivo, u humile ku ta lwa na wena.” Hikwalaho a tlhela a rhuma varhumiwa+ eka Hezekiya, a ku: 10  “N’wina mi fanele mi byela Hezekiya hosi ya Yuda mi ku, ‘U nga pfumeli ku xisiwa hi Xikwembu xa wena lexi u xi tshembaka,+ xi ku: “Yerusalema+ a wu nge nyiketiwi evokweni ra hosi ya Asiriya.”+ 11  Waswivo! Wena u swi twile leswi tihosi ta Asiriya ti swi endleke eka matiko hinkwawo hi ku ma lovisa;+ xana wena u ta kutsuriwa?+ 12  Xana swikwembu+ swa matiko leswi vatatana va swi loviseke swi ma kutsurile, ku nga Gozana+ na Harani+ na Resefi ni vana va Edeni+ lava a va ri eTela-asara?+ 13  Yi kwihi—hosi ya Hamati+ ni hosi ya Aripadi+ ni hosi ya miti ya Sefaravhayimi, Hena ni ya Ivha?’”+ 14  Hiloko Hezekiya a teka mapapila emavokweni ya varhumiwa, a ma hlaya,+ endzhaku ka sweswo Hezekiya a tlhandlukela endlwini ya Yehovha, a ma phurumula emahlweni ka Yehovha.+ 15  Kutani Hezekiya a sungula ku khongela+ emahlweni ka Yehovha, a ku: “Oho Yehovha, Xikwembu xa Israyele,+ la tshameke ehenhla ka makerubu,+ hi wena ntsena Xikwembu xa ntiyiso xa mimfumo+ hinkwayo ya misava.+ Hi wena la endleke matilo+ ni misava.+ 16  Oho Yehovha, rhiya ndleve ya wena u yingisa.+ Oho Yehovha, pfula mahlo ya wena+ u vona, u twa marito hinkwawo ya Senakeribi lawa a ma rhumeleke leswaku a ta tlhontlha+ Xikwembu lexi hanyaka. 17  Oho Yehovha, i ntiyiso leswaku tihosi ta Asiriya ti onhe vanhu va matiko ni tiko ra vona.+ 18  Kutani ti hoxe swikwembu swa wona endzilweni, hikuva a swi nga ri swikwembu,+ kambe a swi endliwe hi mavoko ya munhu,+ ntsandza ni ribye; lerova va swi lovisa. 19  Oho Yehovha Xikwembu xa hina,+ hi kombela u hi ponisa+ evokweni ra yena, leswaku mimfumo hinkwayo ya misava yi ta tiva leswaku wena, Wena Yehovha, u Xikwembu u ri wexe.”+ 20  Kutani Esaya n’wana wa Amotsi a rhumela rito eka Hezekiya, a ku: “Yehovha Xikwembu xa Israyele u te,+ ‘Ndzi xi twile xikhongelo+ lexi u xi endleke eka mina malunghana na Senakeribi hosi ya Asiriya, ndzi xi twile.+ 21  Hi leri rito leri Yehovha a n’wi avanyiseke ha rona: “Nhwana wa Siyoni la nga tiviki nuna u ku langutele ehansi,+ u ku hlekurile.+ Nhwanyana wa Yerusalema+ u hlakahle nhloko+ endzhaku ka wena. 22  I mani loyi u n’wi tlhontlheke+ naswona u n’wi rhukaneke?+ Xana i mani loyi u n’wi tlakuseleke rito ra wena+ Naswona, xana u tlakusela mahlo ya wena ehenhla?+ U swi endle hi xikongomelo xo lwa ni Mukwetsimi wa Israyele!+ 23  U tlhontlhe Yehovha hi varhumiwa+ va wena, u ku,+ ‘Hi makalichi ya mina yo tala ya nyimpi, mina+ Kunene ndzi tlhandlukela etindhawini ta tintshava leti tlakukeke,+ Eswiphen’wini swa le kule swinene swa Lebanoni;+ Ndzi ta tsema mikedari ya wona leyi tlakukeke,+ mirhi ya wona ya yunipa yo hlawuleka.+ Naswona ndzi ta nghena endlwini ya yona ya makumu ya vaendzi, khwati ra ntanga wa yona wa mihandzu.+ 24  Kunene ndzi ta cela ndzi nwa mati lama nga tolovelekangiki, Naswona hi mikondzo ya milenge ya mina ndzi ta omisa misele hinkwayo ya Nayili ya le Egipta.’+ 25  Xana a wu swi twanga?+ Ku sukela enkarhini wa khale hi swona leswi ndzi nga ta swi endla.+ Ku sukela emasikwini lama hundzeke ndzi swi vumbile.+ Sweswi ndzi ta swi tisa.+ Kutani wena u ta endla leswaku miti leyi tiyisiweke yi va tinhulu ta marhumbi.+ 26  Vaaki va yona va ta hela matimba;+ Va ta tshuka, va khomiwa hi tingana.+ Va ta fana ni ximila xa nhova ni byanyi bya rihlaza,+ Ku fana ni byanyi bya malwangu+ loko dyambu leri vavulaka ri rhangele mheho ya le vuxeni.+ 27  Ku tshama ka wena u miyerile ni ku huma+ ka wena ni ku nghena ka wena ndzi swi tiva kahle,+ Ni ku ndzi pfukela ka wena,+ 28  Hikuva ku ndzi pfukela ka wena+ ni ku vomba ka wena ku fikile etindleveni ta mina.+ Kunene ndzi ta veka xiove xa mina enhompfini ya wena ni tomu ra mina exikarhi ka milomu ya wena,+ Hakunene ndzi ta ku tlherisela endzhaku hi ndlela leyi u teke ha yona.”+ 29  “‘Xikombiso xa wena xi ta va lexi:+ Elembeni leri ku ta dyiwa ntshovelo wa mbewu leyi siyiweke,+ kutani hi lembe ra vumbirhi koroni leyi milaka hi yoxe; kambe hi lembe ra vunharhu byalani mbewu,+ mi tshovela kutani mi rima masimu ya vhinya, mi dya mihandzu ya kona.+ 30  Kutani lava balekaka va yindlu ya Yuda, lava seleke,+ kunene va ta dzima timitsu ehansi kutani va humesa mihandzu ehenhla.+ 31  Hikuva eYerusalema ku ta huma+ masalela ni le Ntshaveni ya Siyoni+ ku ta huma lava va balekaka. Ku hiseka+ ka Yehovha wa mavuthu ku ta swi endla. 32  “‘Hi yona mhaka leyi Yehovha a vuleke leswi malunghana ni hosi ya Asiriya:+ “A yi nge ngheni emutini lowu,+ hambi nseve+ a yi nge wu copi kwalaho, kumbe yi wu hlasela hi xitlhangu, kumbe yi aka rirhangu ro anama+ leswaku yi wu sivelela. 33  Ndlela leyi yi teke ha yona yi ta tlhela ha yona, naswona a yi nge ngheni emutini lowu, ku vula Yehovha.+ 34  Kunene ndzi ta lwela+ muti lowu ndzi wu ponisa hikwalaho ka mina+ ni hikwalaho ka Davhida nandza wa mina.”’”+ 35  Kutani evusikwini byebyo ntsumi ya Yehovha yi huma yi ya dlaya vanhu va 185 000 enxaxeni+ wa Vaasiriya.+ Loko vanhu va pfuka nimpundzu, waswivo, hinkwavo a va ri mitsumbu.+ 36  Hikwalaho Senakeribi+ hosi ya Asiriya a suka a famba,+ kutani a tlhela a ya tshama eNinivha.+ 37  Kuteloko a ha nkhinsame endlwini ya Nisiroko+ xikwembu xakwe,+ Adrameleke na Xarezere, vana vakwe, va n’wi dlaya hi banga,+ kutani va balekela etikweni ra Ararati.+ Hiloko Esari-hadoni+ n’wana wakwe a sungula ku fuma ematshan’weni ya yena.

Tinhlamuselo ta le hansi