Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 13:1-25

13  Hi lembe ra vu-23 ra Yehowaxi+ n’wana wa Ahaziya+ hosi ya Yuda, Yowohazi+ n’wana wa Yehu+ a va hosi ya Israyele eSamariya malembe ya 17.  A hambeta a endla swo biha ematihlweni+ ya Yehovha, a famba hi ku landza swidyoho swa Yerobuwamu+ n’wana wa Nebati, leswi a dyohiseke+ Israyele ha swona. A nga hambukanga eka swona.  Ku hlundzuka+ ka Yehovha ku va kukulu eka Israyele, lerova a va nyiketa evokweni ra Hazayele+ hosi ya Siriya ni le vokweni ra Beni-hadadi+ n’wana wa Hazayele masiku ya vona hinkwawo.  Hi ku famba ka nkarhi, Yowohazi a tsakisa+ Yehovha kutani Yehovha a n’wi yingisa;+ hikuva a a vone ku tshikileriwa ka Israyele,+ hikuva hosi ya Siriya a yi va tshikilerile.+  Hiloko Yehovha a nyika Israyele muponisi,+ kutani va huma ehansi ka vulawuri bya Siriya, vana va Israyele va ya emahlweni va tshama emakaya ya vona ku fana ni le ku sunguleni.+  (Ntsena a va sukanga exidyohweni xa yindlu ya Yerobuwamu, lexi a dyohiseke+ Israyele ha xona. Yena u fambe eka xona;+ hambi ku ri mhandzi yo kwetsima+ a yi yimile eSamariya.)  Hikuva a yi nga n’wi siyelanga vanhu Yowohazi, kambe a yi n’wi siyele vagadi va tihanci va 50 ni makalichi ya khume ni vavanuna va 10 000 lava fambaka hi milenge,+ hikuva hosi ya Siriya a yi va lovisile,+ leswaku yi va fanisa ni ntshuri wa loko ku huriwa ntshovelo.+  Loko ku ri timhaka letin’wana ta Yowohazi ni hinkwaswo leswi a swi endleke ni matimba yakwe, xana a swi tsa-riwanga ebukwini+ ya timhaka ta masiku ya tihosi ta Israyele?  Eku heteleleni Yowohazi a etlela ni vatata wakwe, kutani va n’wi lahla eSamariya;+ Yehowaxi+ n’wana wakwe a sungula ku fuma ematshan’weni ya yena. 10  Hi lembe ra vu-37 ra Yehowaxi+ hosi ya Yuda, Yehowaxi n’wana wa Yowohazi a va hosi ya Israyele eSamariya malembe ya 16. 11  A hambeta a endla swo biha ematihlweni ya Yehovha.+ A nga sukanga eswidyohweni hinkwaswo swa Yerobuwamu n’wana wa Nebati, leswi a dyohiseke+ Israyele ha swona. U fambe eka swona. 12  Loko ku ri timhaka letin’wana ta Yehowaxi ni hinkwaswo leswi a swi endleke ni matimba yakwe, ni ndlela leyi a lweke+ ha yona na Amaziya hosi ya Yuda, xana a swi tsariwanga ebukwini+ ya timhaka ta masiku ya tihosi ta Israyele? 13  Eku heteleleni Yehowaxi a etlela ni vatata wakwe, Yerobuwamu+ a tshama exiluvelweni xakwe. Hiloko Yehowaxi a lahliwa eSamariya ni tihosi ta Israyele.+ 14  Loko ku ri Elixa,+ u khomiwe hi vuvabyi lebyi a byi ta n’wi dlaya.+ Hiloko Yehowaxi hosi ya Israyele a rhelela a ta eka yena, a sungula ku rila exikandzeni xakwe, a ku: “Tatana,+ tatana, kalichi ya nyimpi ya Israyele ni vagadi va tihanci ta yona!”+ 15  Elixa a ku eka yena: “Teka vurha ni miseve.” Hiloko a teka vurha ni miseve. 16  A ya emahlweni a ku eka hosi ya Israyele: “Khoma vurha hi voko.” Hiloko a byi khoma. Endzhaku ka sweswo Elixa a veka mavoko+ yakwe ehenhla ka mavoko ya hosi. 17  Kutani a ku: “Pfula fasitere etlhelo ra le vuxeni.” Hiloko a ri pfula. Eku heteleleni Elixa a ku: “Copa!” Kutani a copa. Hiloko a ku: “Nseve wa Yehovha lowu ponisaka ni nseve lowu ponisaka+ ehenhla ka Siriya! Kunene u ta hlasela Siriya eAfeke+ ku ya emakumu.” 18  A ya emahlweni a ku: “Teka miseve.” Hiloko a yi teka. Kutani a byela hosi ya Israyele a ku: “Tlhava misava.” Kutani a tlhava kanharhu a tshika.+ 19  Munhu wa Xikwembu+ xa ntiyiso a n’wi hlundzukela; hikwalaho a ku: “A wu fanele u tlhave kantlhanu kumbe katsevu! Emhakeni yoleyo a wu ta hlasela Siriya ku ya emakumu, kambe sweswi u ta hlasela Siriya kanharhu.”+ 20  Endzhaku ka sweswo Elixa a fa, kutani va n’wi lahla.+ A ku ri ni mavuthu ya vaphangi+ ya Vamowabu+ lawa a ma hamba ma fika etikweni eku sunguleni ka lembe. 21  Loko va ri karhi va lahla munhu, waswivo, va vona vuthu ra vaphangi. Hi ku hatlisa va lahlela munhu exilahlweni xa Elixa, kutani va famba. Loko munhu loyi a khumba marhambu ya Elixa, xikan’we-kan’we a hanya,+ a yima hi milenge.+ 22  Loko ku ri Hazayele+ hosi ya Siriya, u tshikilele+ Israyele masiku hinkwawo ya Yowohazi. 23  Hambiswiritano, Yehovha u va kombise musa+ ni tintswalo,+ a hundzulukela eka vona hikwalaho ka ntwanano+ wakwe na Abrahama,+ Isaka+ na Yakobe;+ a nga swi lavanga ku va lovisa,+ a nga va cukumetanga emahlweni ka xikandza xakwe ku ta fikela sweswi. 24  Eku heteleleni Hazayele hosi ya Siriya a fa, Beni-hadadi n’wana wakwe a sungula ku fuma ematshan’weni ya yena. 25  Yehowaxi n’wana wa Yowohazi a tlhela a yi teka eka Beni-hadadi n’wana wa Hazayele miti leyi a yi tekiwile enyimpini evokweni ra Yowohazi tata wakwe. Yehowaxi u n’wi hlasele kanharhu, kutani a tlhela a kuma miti ya Israyele.+

Tinhlamuselo ta le hansi