Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 12:1-21

12  Hi lembe ra vunkombo ra Yehu,+ Yehowaxi+ a va hosi, u fume eYerusalema malembe ya 40. Vito ra mana wakwe a ku ri Sibhiya la humaka eBera-xeba.  Yehowaxi a hambeta a endla leswi lulameke ematihlweni ya Yehovha emasikwini hinkwawo yakwe lawa Yoyada lowa muprista a n’wi leteleke ha wona.+  Ntsena i tindhawu leti tlakukeke leti ti nga nyamalalangiki.+ Vanhu a va ha endla xitlhavelo ni ku mbulukisa xitlhavelo etindhawini leti tlakukeke.  Yehowaxi a byela vaprista a ku:+ “Mali hinkwayo ya magandzelo yo kwetsima+ leyi tisiwaka endlwini ya Yehovha,+ mali leyi un’wana ni un’wana a pimeriwaka yona,+ mali ya mimoya-xiviri hi ku ya hi nxavo wa munhu un’wana ni un’wana,+ mali hinkwayo leyi humaka embilwini ya un’wana ni un’wana leswaku a yi tisa endlwini ya Yehovha,+  vaprista a va titekele yona, un’wana ni un’wana eka loyi a tolovelaneke na yena;+ a va lunghise timfa ta yindlu, kun’wana ni kun’wana laha rifa ri kumekaka kona.”+  Hi lembe ra vu-23 ra Hosi Yehowaxi, vaprista a va nga si lunghisa timfa ta yindlu.+  Hiloko Hosi Yehowaxi a vitana Yoyada+ lowa muprista ni vaprista, a ku eka vona: “Ha yini mi nga lunghisi timfa ta yindlu? Sweswi mi nga ha teki mali leyi engetelekeke eka lava mi tolovelaneke na vona, kambe mi fanele mi yi nyikela eka timfa ta yindlu.”+  Kutani vaprista va pfumela leswaku va nga ha tlheli va teka mali eka vanhu, nileswaku va nga ti lunghisi timfa ta yindlu.  Yoyada lowa muprista a teka bokisi+ a boxa mbhovo exipfalweni xa rona, a ri veka etlhelo ka alitari, exineneni leswaku loko munhu a nghena endlwini ya Yehovha, vaprista, valanguteri va tinyangwa+ va chela mali+ hinkwayo leyi yi tisiwaka endlwini ya Yehovha. 10  Hi ku hatlisa loko va vona leswaku a ku ri ni mali yo tala ngopfu ebokisini, matsalana+ wa hosi ni muprista lonkulu a va fika kutani va yi bohelela naswona va hlaya mali leyi a yi kumiwa endlwini ya Yehovha.+ 11  Mali leyi a yi hlayiwile, a va yi nyiketa emavokweni ya lava va endlaka+ ntirho lava a va hlawuriwile endlwini ya Yehovha. Na vona a va hakela lava va tirhaka hi ntsandza ni vaaki lava a va tirha endlwini ya Yehovha, 12  ni lava va akaka hi maribye ni lava va vatlaka maribye,+ ni ku xava timhandzi ni maribye lama vatliweke leswaku va lunghisa timfa ta yindlu ya Yehovha ni hinkwaswo leswi a swi tirhisiwa endlwini leswaku yi lunghisiwa. 13  Ntsena yindlu ya Yehovha a yi nga endleriwanga swihlambelo swa silivhere, swo tima timboni,+ minkambana,+ timhalamhala,+ ni muxaka wun’wana ni wun’wana wa swilo swa nsuku ni swilo swa silivhere, eka mali leyi a yi ri karhi yi tisiwa endlwini ya Yehovha;+ 14  hikuva a va yi nyika lava va endlaka ntirho, va lunghise yindlu ya Yehovha ha yona.+ 15  A va nga lavi nhlamuselo ya ndlela leyi mali+ a yi tirhisiwa ha yona eka vavanuna lava va khomaka mali, leyi a va yi nyika lava va endlaka ntirho,+ hikuva a va tirha hi ku tshembeka.+ 16  Loko ku ri mali ya magandzelo ya nandzu ni mali ya magandzelo ya xidyoho,+ a yi nga tisiwi endlwini ya Yehovha. Hiloko yi va ya vaprista.+ 17  Kutani Hazayele+ hosi ya Siriya a tlhandluka a ya lwa na Gati,+ a wu teka, endzhaku ka sweswo Hazayele a veka xikandza+ xakwe leswaku a tlhandluka ku ya lwa na Yerusalema.+ 18  Hiloko Yehowaxi hosi ya Yuda a teka magandzelo hinkwawo yo kwetsima+ lawa Yehoxafati na Yehorama na Ahaziya vatata wakwe, tihosi ta Yuda, a va ma hlawulekisile ni magandzelo yakwe yo kwetsima, ni nsuku hinkwawo lowu a wu kumiwa exumeni xa yindlu ya Yehovha ni le ndlwini ya hosi, a swi rhumela+ eka Hazayele hosi ya Siriya. Hiloko a tshika ku lwa na Yerusalema. 19  Loko ku ri timhaka letin’wana ta Yehowaxi ni hinkwaswo leswi a swi endleke, xana a swi tsariwanga ebukwini+ ya timhaka ta masiku ya tihosi ta Yuda? 20  Hambiswiritano, malandza+ yakwe ma suka ma yima, ma hlangana ma endla xikhiri,+ ma dlaya Yehowaxi endlwini+ ya Xitsunga,+ endleleni leyi rhelelaka yi ya eSila. 21  Yozakara n’wana wa Ximeyata na Yohozabadi+ n’wana wa Xomeri, malandza yakwe, hi vona va nga n’wi hlasela kutani a fa. Hiloko va n’wi lahla ni vatata wakwe eMutini wa Davhida; Amaziya+ n’wana wakwe a sungula ku fuma ematshan’weni ya yena.

Tinhlamuselo ta le hansi