Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 11:1-21

11  Loko ku ri Ataliya+ mana wa Ahaziya,+ a vona leswaku n’wana wakwe u file. Hiloko a suka a yima a lovisa vana hinkwavo va mfumo.+  Kambe, Yehoxeba+ n’wana wa Hosi Yehorama, makwavo wa xisati wa Ahaziya, a teka Yehowaxi+ n’wana wa Ahaziya, a n’wi yiva exikarhi ka vana va hosi lava a va ta dlayiwa, yena ni wansati la n’wi wundlaka a va veka ekamareni ra le ndzeni ra xilawu, va n’wi hlayisa a tumbelele+ xikandza xa Ataliya, a nga dlayiwanga.  A tshama na yena a tumberile endlwini ya Yehovha ku ringana malembe ya tsevu, loko Ataliya a ri karhi a fuma etikweni.+  Hi lembe ra vunkombo, Yoyada+ a rhumela rito leswaku ku ya tekiwa tindhuna ta madzana ta varindzi va Vakariya+ ni lava va tsutsumaka,+ va va tisa eka yena endlwini ya Yehovha, kutani a endla ntwanano na vona,+ a va hlambanyisa+ endlwini ya Yehovha, endzhaku ka sweswo a va komba n’wana wa hosi.  A ya emahlweni a va lerisa a ku: “Mi ta endla leswi: Xiphemu xa n’wina xa n’we-xa-nharhu xi fika hi savata, xi tshama xi yi rindza hi vukheta yindlu ya hosi;+  xiphemu xin’wana xa n’we-xa-nharhu xi ta va eNyangweni+ ya Masungulo, kutani xiphemu xin’wana xa n’we-xa-nharhu xi ta va enyangweni endzhaku ka lava va tsutsumaka; mi fanele mi tshama mi yi rindza hi vukheta yindlu leyi,+ mi cincana.  Ku ni mintlawa yimbirhi exikarhi ka n’wina leyi yi humaka hinkwayo hi savata, yi fanele yi yi rindza hi vukheta yindlu ya Yehovha hikwalaho ka hosi.  Mi fanele mi rhendzela hosi ematlhelo hinkwawo, un’wana ni un’wana a tamele tlhari rakwe; mani na mani la nghenaka endzeni ka tilayini u ta dlayiwa. Hambetani mi va ni hosi loko yi huma niloko yi nghena.”   Kutani tindhuna ta madzana+ ti endla hi ku landza hinkwaswo leswi Yoyada lowa muprista a ti leriseke swona. Hiloko un’wana ni un’wana a teka vavanuna vakwe lava a va nghena hi savata swin’we ni lava a va huma hi savata,+ va fika eka Yoyada lowa muprista. 10  Muprista a nyika tindhuna ta madzana mafumu ni switlhangu swa xirhendzevutana, leswi a swi ri swa Hosi Davhida, leswi a swi ri endlwini ya Yehovha.+ 11  Kutani lava va tsutsumaka+ va tshama va yimile, un’wana ni un’wana a khome matlhari yakwe, ku sukela etlhelweni ra xinene ra yindlu ku ya fika etlhelweni ra ximatsi ra yindlu, ekusuhi ni alitari+ ni le kusuhi ni yindlu, matlhelo hinkwawo ekusuhi ni hosi. 12  Hiloko a humesa n’wana+ wa hosi a n’wi tlhandleka xidlodlo+ ni Vumbhoni;+ kutani va n’wi endla hosi+ naswona va n’wi tota.+ Va sungula ku phokotela mavoko,+ va ku: “Hosi a yi hanye!”+ 13  Loko Ataliya a twa swigingi swa vanhu lava tsutsumaka, xikan’we-kan’we a ya eka vanhu endlwini ya Yehovha.+ 14  Kutani a languta, hosi a yi yime ekusuhi ni phuphu+ hi ku ya hi ntolovelo wa kona, tihosana ni timhalamhala+ ti ri ekusuhi ni hosi, vanhu hinkwavo va tiko a va tsakile+ naswona va yimba timhalamhala. Xikan’we-kan’we Ataliya+ a handzula tinguvu takwe hi le xikarhi, a sungula ku rila, a ku: “I Xikhiri! I Xikhiri!”+ 15  Kambe Yoyada lowa muprista a lerisa tindhuna ta madzana, leti ti vekiweke ta vandla ra nyimpi,+ a ku eka tona: “N’wi humeseni endzeni ka tilayini, loko ku ri un’wana ni un’wana la n’wi salaka endzhaku, a a dlayiwe hi banga!”+ Hikuva muprista u te: “Yena mi nga n’wi dlayeli endlwini ya Yehovha.” 16  Hiloko va n’wi khoma, a huma hi ndlela ya vungheno+ bya tihanci bya yindlu ya hosi,+ va n’wi dlayela kwalaho.+ 17  Kutani Yoyada a endla ntwanano+ exikarhi ka Yehovha+ ni hosi+ ni vanhu, leswaku va fanele va tikombisa va ri vanhu va Yehovha; ni le xikarhi ka hosi ni vanhu.+ 18  Endzhaku ka sweswo, vanhu hinkwavo va tiko va fika endlwini ya Bali va hirimuxa tialitari takwe;+ va hahlula swifaniso swakwe hi ku helela,+ kutani va dlaya Matani+ muprista wa Bali emahlweni ka tialitari.+ Hiloko muprista a veka valanguteri va lawula yindlu ya Yehovha.+ 19  Ku tlula kwalaho, a teka tindhuna ta madzana ni varindzi va Vakariya+ ni lava va tsutsumaka+ ni vanhu hinkwavo va tiko, leswaku va tisa hosi ku suka endlwini ya Yehovha; hakatsongo-tsongo va te hi ndlela ya nyangwa+ ya lava va tsutsumaka va ta fika endlwini ya hosi; kutani a tshama exiluvelweni+ xa tihosi. 20  Vanhu hinkwavo va tiko va ya emahlweni va tsaka;+ loko ku ri muti, a wu kavanyetiwanga, Ataliya va n’wi dlaye hi banga endlwini ya hosi.+ 21  Yehowaxi+ a a ri ni malembe ya nkombo hi vukhale loko a sungula ku fuma.+

Tinhlamuselo ta le hansi