Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tihosi 10:1-36

10  Akabu a a ri ni vana va 70+ eSamariya.+ Hikwalaho Yehu a tsala mapapila a ma rhumela eSamariya eka tihosana+ ta Yizriyele, vakulukumba+ ni vahlayisi va Akabu, a ku:  “Hi wona nkarhi lowu mapapila lawa ma fikaka ha wona eka n’wina, vana va hosi ya n’wina va na n’wina, ni makalichi ya nyimpi ni tihanci+ ni muti lowu tiyisiweke ni swihlomo swa nyimpi.  Mi fanele mi vona leswaku hi wihi lonene ni la lulameke eka vana va hosi ya n’wina, mi n’wi veka exiluvelweni xa tata wakwe.+ Kutani mi lwela yindlu ya hosi ya n’wina.”  Va chave ngopfu swinene, kutani va ku: “Maswivo! Tihosi timbirhi+ a ti yimanga emahlweni ka yena, xana hina hi ta yimisa ku yini?”+  Hiloko loyi a lawulaka yindlu ni loyi a lawulaka muti ni vakulukumba ni vahlayisi,+ va rhumela rito eka Yehu, va ku: “Hina hi malandza ya wena, hinkwaswo leswi u nga ta hi byela swona hi ta swi endla. A ku na munhu loyi hi nga ta n’wi veka a va hosi. Endla leswi swi nga swinene ematihlweni ya wena.”  Kutani a va tsalela papila ra vumbirhi, a ku: “Loko mi ri va mina, mi yingisa rito ra mina,+ tekani tinhloko ta vavanuna lava va nga vana+ va hosi ya n’wina mi ta eka mina mundzuku hi nkarhi lowu eYizriyele.”+ Vana va hosi, vavanuna va 70 a va ri ni vavanuna lava hlawulekeke va muti lava a va va kurisa.  Hi ku hatlisa loko papila ri fika eka vona, va teka vana va hosi va va dlaya, vavanuna va 70,+ endzhaku ka sweswo va hoxa tinhloko ta vona exirhundzwini, va ti rhumela eka yena eYizriyele.  Hiloko murhumiwa+ a fika a n’wi byela, a ku: “Va tise tinhloko+ ta vana va hosi.” Kutani yena a ku: “Ti vekeni ti va tinhulu timbirhi evunghenweni bya nyangwa ku fikela nimixo.”+  Nimixo a huma. Kutani a yima a nga fambi ivi a byela vanhu hinkwavo a ku: “Mi lulamile.+ Maswivo, mina ndzi endlele hosi yanga xikhiri,+ kutani ndzi yi dlaya;+ kambe i mani la dlayeke lava hinkwavo? 10  Hikwalaho, swi tiveni leswaku a ri kona rito ni rin’we ra Yehovha leri ri nga ta ka ri nga hetiseki emisaveni,+ leri Yehovha a ri vuleke ku avanyisa yindlu ya Akabu;+ Yehovha hi byakwe u endle leswi a swi vuleke hi nandza wakwe Eliya.”+ 11  Tlhandlakambirhi, Yehu a ya emahlweni a dlaya hinkwavo lava va siyiweke va yindlu ya Akabu eYizriyele, ni vavanuna+ vakwe vo hlawuleka hinkwavo ni lava va tolovelaneke na yena ni vaprista vakwe,+ kukondza a nga ha siyi munhu wakwe la poneke.+ 12  Hiloko a pfuka a nghena, kutani a khoma ndlela a ya eSamariya. Yindlu leyi ku boheriwaka tinyimpfu eka yona, ya varisi, a yi ri endleleni. 13  Yehu a hlangana ni vamakwavo+ va Ahaziya+ hosi ya Yuda. Loko a ku eka vona, “Xana hi n’wina vamani?” vona va ku: “Hi vamakwavo va Ahaziya, hi rhelela ku ya vutisa loko swa ha famba kahle hi vana va hosi ni vana va wansati la xiximiwaka.” 14  Hi ku hatlisa a ku: “Va khomeni va ha hanya!”+ Hiloko va va khoma va ha hanya va va dlaya exihlobyeni xa yindlu leyi ku boheriwaka tinyimpfu eka yona, vavanuna va 42, a nga siyanga ni un’we wa vona.+ 15  Loko a ri karhi a famba ku suka kwalaho, a hlangana na Yonadabu+ n’wana wa Rekabi+ a ta ku ta n’wi hlanganisa. Loko a n’wi katekisa,+ hiloko a ku eka yena: “Xana mbilu ya wena yi tshembekile eka mina tanihi leswi ya mina yi tshembekeke eka ya wena?”+ Yonadabu a ku: “Yi tshembekile.” “Loko yi tshembekile, ndzi nyike voko ra wena.” Hiloko a n’wi nyika voko. Kutani a khandziya na yena ekalichini.+ 16  A ku: “Famba swin’we na mina, u vona ndlela leyi ha yona ndzi nga pfumeriki leswaku ku kwetlembetaniwa+ na Yehovha.” Kutani va n’wi hlayisa a khandziye na yena ekalichini rakwe ra nyimpi. 17  Eku heteleleni a fika eSamariya. Kutani a dlaya hinkwavo lava va siyiweke va Akabu eSamariya, ku fikela loko a va lovisile,+ hi ku landza rito ra Yehovha leri a ri byeleke Eliya.+ 18  Ku tlula kwalaho, Yehu a hlengeleta vanhu hinkwavo, a ku eka vona: “Akabu hi hala tlhelo u gandzele Bali katsongo.+ Yehu hi tlhelo lerin’wana u ta n’wi gandzela ngopfu. 19  Sweswi vitanani vaprofeta+ hinkwavo va Bali, vagandzeri+ vakwe hinkwavo ni vaprista vakwe hinkwavo,+ va ta eka mina. Ku nga sali ni un’we wa vona, hikuva ndzi ni xitlhavelo lexikulu lexi ndzi nga ta xi endlela Bali. Un’wana ni un’wana la nga ta sala, a nge hambeti a hanya.” Loko ku ri Yehu u endle hi mano,+ hi xikongomelo xo lovisa vagandzeri va Bali. 20  Yehu a ya emahlweni a ku: “Endlelani Bali nhlengeletano yo xiximeka.” Hiloko va tivisa vanhu. 21  Endzhaku ka sweswo Yehu a rhumela rito etikweni hinkwaro ra Israyele,+ kutani vagandzeri hinkwavo va Bali va fika. A nga kona ni un’we la siyiweke loyi a nga nghenangiki. Va hambeta va nghena endlwini ya Bali,+ kutani yindlu ya Bali yi tala ku suka emakumu lawa ku ya emakumu laman’wana. 22  Hiloko a ku eka loyi a a lawula kamara ra swiambalo: “Humesela vagandzeri hinkwavo va Bali tinguvu.” Kutani a va humesela tinguvu. 23  Hiloko Yehu a nghena na Yonadabu+ n’wana wa Rekabi endlwini ya Bali. Kutani a ku eka vagandzeri va Bali: “Lavisisani hi vukheta mi vona leswaku a ku na vagandzeri va Yehovha laha eka n’wina, kambe ku ni vagandzeri va Bali ntsena.”+ 24  Eku heteleleni va fika va endla switlhavelo ni magandzelo yo hisiwa, Yehu a yimisa vavanuna va 80 ehandle va lawuriwa hi yena, a ya emahlweni a ku: “Loko ku ri munhu la balekaka eka vavanuna lava ndzi va tisaka emavokweni ya n’wina, moya-xiviri wa munhu yoloye wu ta rihiwa hi moya-xiviri wa un’wana.”+ 25  Hi ku hatlisa loko a hete ku endla gandzelo ro hisiwa, xikan’we-kan’we Yehu a ku eka lava va tsutsumaka, ni vapfuni va mufambisi wa nyimpi: “Nghenani, va dlayeni! Mi nga pfumeleli ni un’we leswaku a huma.”+ Hiloko lava va tsutsumaka, ni vapfuni va mufambisi+ wa nyimpi va sungula ku va dlaya hi banga naswona va va cukumetela ehandle, va hambeta va famba va ya fika emutini wa yindlu ya Bali. 26  Kutani va humesa tinsika to kwetsima+ ta yindlu ya Bali, va hisa+ yin’wana ni yin’wana. 27  Ku tlula kwalaho, va tshova nsika yo kwetsima ya Bali+ ni ku hirimuxa yindlu ya Bali,+ va yi vekela etlhelo leswaku yi va swihambukelo+ ku fikela esikwini leri. 28  Hikwalaho Yehu a lovisa Bali eIsrayele. 29  Ntsena swidyoho swa Yerobuwamu+ n’wana wa Nebati, leswi a dyohiseke Israyele ha swona,+ hi swona leswi Yehu a nga hambukangiki eku swi landzeleni, ku nga marhole ya nsuku,+ rin’wana a ri ri eBethele kasi rin’wana a ri ri eDani.+ 30  Hiloko Yehovha a ku eka Yehu: “Hikwalaho ka leswi u endleke kahle hi ku endla leswi lulameke ematihlweni ya mina,+ ni hi ku landza hinkwaswo leswi a swi ri embilwini ya mina leswi u swi endleke endlwini ya Akabu,+ vana va wena va ta tshama exiluvelweni xa Israyele hikwalaho ka wena, ku fikela eka xitukulwana xa vumune.”+ 31  Yehu a nga fambanga hi mbilu+ yakwe hinkwayo enawini wa Yehovha Xikwembu xa Israyele. A nga hambukanga eswidyohweni swa Yerobuwamu, leswi a dyohiseke Israyele ha swona.+ 32  Emasikwini wolawo, Yehovha a sungula ku dlaya Israyele hakatsongo-tsongo; Hazayele+ a tshamela ku va dlaya endhawini hinkwayo ya Israyele, 33  ku sukela eYordani etlhelo ra vuhuma-dyambu, tiko hinkwaro ra Giliyadi,+ va ka Gadi+ ni va ka Ruveni+ ni va ka Manase,+ ku suka etikweni ra Arowere,+ leri nga ekusuhi ni nkova wa Arinoni, hambi ku ri Giliyadi na Baxani.+ 34  Kutani timhaka letin’wana ta Yehu ni hinkwaswo leswi a swi endleke ni matimba yakwe, xana a swi tsariwanga ebukwini+ ya timhaka ta masiku ya tihosi ta Israyele? 35  Eku heteleleni Yehu a etlela ni vatata wakwe,+ kutani va n’wi lahla eSamariya; Yowohazi+ n’wana wakwe a sungula ku fuma ematshan’weni ya yena. 36  Masiku lawa Yehu a fumeke eIsrayele ha wona a ku ri malembe ya 28 eSamariya.

Tinhlamuselo ta le hansi