Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 9:1-13

9  Davhida a ya emahlweni a ku: “Xana wa ha ri kona la siyiweke wa yindlu ya Sawulo leswaku ndzi ta n’wi komba musa wa rirhandzu+ hikwalaho ka Yonathani?”+  Yindlu ya Sawulo a yi ri ni nandza loyi vito rakwe a ku ri Ziba.+ Hiloko va n’wi vitanela eka Davhida, kutani hosi yi ku eka yena: “Xana hi wena Ziba?” yena a ku: “Hi mina nandza wa wena.”  Hosi yi ya emahlweni yi ku: “Xana a ka ha ri na munhu wa yindlu ya Sawulo leswaku ndzi n’wi komba musa wa rirhandzu wa Xikwembu?”+ Ziba a hlamula hosi a ku: “Ka ha ri ni n’wana wa Yonathani, la lamaleke milenge.”+  Kutani hosi yi ku eka yena: “U kwihi?” Hiloko Ziba a byela hosi a ku: “Waswivo! U le ndlwini ya Makiri+ n’wana wa Amiyele eLo-debara.”+  Hi ku hatlisa Hosi Davhida a rhumela rito leswaku va ya n’wi landza endlwini ya Makiri n’wana wa Amiyele eLo-debara.  Loko Mefiboxete n’wana wa Yonathani, n’wana wa Sawulo a fika eka Davhida, xikan’we-kan’we a wa hi xikandza,+ a tiwisela ehansi. Kutani Davhida a ku: “Mefiboxete,” yena a ku: “Hi loyi nandza wa wena.”  Davhida a ya emahlweni a ku eka yena: “U nga chavi, hakunene ndzi ta ku komba musa wa rirhandzu+ hikwalaho ka Yonathani tata wa wena;+ ndzi fanele ndzi ku tlherisela nsimu+ hinkwayo ya Sawulo kokwa wa wena, wena u ta dya xinkwa etafuleni ra mina nkarhi hinkwawo.”+  Hiloko a tiwisela ehansi, a ku: “Xana nandza wa wena wo va yini lerova u hundzuluxela xikandza xa wena eka mbyana leyi feke+ kukota mina?”  Kutani hosi yi vitana Ziba, mutirhi wa Sawulo, yi ku eka yena: “Hinkwaswo leswi a swi ri swa Sawulo ni yindlu yakwe hinkwayo ndzi swi nyika+ ntukulu wa n’wini wa wena. 10  U fanele u n’wi rimela misava, wena ni vana va wena ni malandza ya wena, u fanele u n’wi hlengeletela ntshovelo, swi fanele swi va swakudya swa lava va nga va ntukulu wa n’wini wa wena, va fanele va swi dya; kambe Mefiboxete ntukulu wa n’wini wa wena u ta dya xinkwa etafuleni ra mina nkarhi hinkwawo.”+ Ziba a a ri ni vana va 15 ni malandza ya 20.+ 11  Kutani Ziba a byela hosi a ku: “Nandza wa wena u ta endla hi ku landza hinkwaswo leswi hosi ya mina leyi nga mufumi yi swi lerisaka nandza wa yona; kambe Mefiboxete+ u dya etafuleni ra mina ku fana ni un’wana wa vana va hosi.” 12  Mefiboxete a a ri ni n’wana loyi vito rakwe a ku ri Mika,+ hinkwavo lava a va tshama endlwini ya Ziba a va ri malandza ya Mefiboxete. 13  Mefiboxete a a tshama eYerusalema, hikuva nkarhi hinkwawo a a dya+ etafuleni ra hosi; a a lamale milenge yakwe hayimbirhi.+

Tinhlamuselo ta le hansi