Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 5:1-25

5  Hi ku famba ka nkarhi tinyimba hinkwato ta Israyele ti ta eka Davhida+ eHebroni,+ ti ku: “Waswivo! Hina hi rhambu ra wena ni nyama ya wena.+  Tolo ni le nkarhini lowu hundzeke,+ loko Sawulo a ha ri hosi ya hina, hi wena loyi a a rhangela Israyele, u n’wi humesa ni ku n’wi nghenisa.+ Yehovha a ku eka wena, ‘Wena u ta risa vanhu va mina,+ ku nga Israyele, naswona wena u ta va murhangeri+ wa Israyele.’”  Hiloko vakulukumba+ hinkwavo va Israyele va ta eka hosi eHebroni, Hosi Davhida a endla ntwanano+ na vona eHebroni emahlweni ka Yehovha; endzhaku ka sweswo va tota+ Davhida a va hosi ya Israyele.+  Davhida a a ri ni malembe ya 30 loko a va hosi. U ve hosi ku ringana malembe ya 40.+  U ve hosi ya Yuda eHebroni ku ringana malembe ya nkombo ni tin’hweti ta tsevu;+ kasi eYerusalema+ u ve hosi ya tiko hinkwaro ra Israyele ni ra Yuda malembe ya 33.  Kutani hosi ni vavanuna va yona va ya eYerusalema va ya lwa ni Vayebusi+ lava tshamaka etikweni rero, vona va sungula ku byela Davhida va ku: “Wena a wu nge ngheni laha, kambe vanhu lava feke mahlo ni lava lamaleke va ta ku tlherisa,”+ vona a va ehleketa va ku: “Davhida a nge ngheni laha.”  Hambiswiritano, Davhida a teka khokholo ra Siyoni,+ ku nga Muti wa Davhida.+  Hiloko Davhida a ku esikwini rero: “Un’wana ni un’wana la nga ta hlasela Vayebusi,+ hi mugerho lowu wa mati,+ a a hlangane ni vanhu lava feke mahlo ni lava lamaleke, lava vengiwaka hi moya-xiviri wa Davhida!” Hi yona mhaka leyi va vulaka va ku: “Vanhu lava feke mahlo ni lava lamaleke a va nge ngheni endlwini leyi.”  Davhida a tshama ekhokholweni, kutani ri thyiwa Muti wa Davhida; Davhida a sungula ku aka a rhendzela hinkwako ku sukela eXitsungeni+ ni ku ya endzeni. 10  Hikwalaho Davhida a ya emahlweni a kula,+ Yehovha Xikwembu xa mavuthu+ a a ri na yena.+ 11  Hiramu+ hosi ya Tiri a rhuma varhumiwa+ eka Davhida, swin’we ni mirhi ya mikedari+ ni vanhu lava va tirhaka hi ntsandza ni vanhu lava tirhaka hi maribye va endla makhumbi, va sungula ku akela Davhida yindlu.+ 12  Davhida a swi lemuka leswaku Yehovha u n’wi veke a tiya leswaku a va hosi ya Israyele+ nileswaku u tlakuse+ mfumo wakwe hikwalaho ka vanhu vakwe, ku nga Israyele.+ 13  Hi nkarhi wolowo Davhida a teka vavasati lavatsongo+ ni vavasati lavakulu+ lava engetelekeke va le Yerusalema, loko a fika a huma eHebroni; kutani Davhida a ya emahlweni a velekeriwa vana va majaha ni va vanhwanyana lava engetelekeke. 14  Lawa i mavito ya lava a velekeriweke vona eYerusalema: Xamuwa,+ Xobabu,+ Natani+ na Solomoni,+ 15  Ibehari, Elixuwa,+ Nefege+ na Yafiya,+ 16  Elixama,+ Eliyadha na Elifalete.+ 17  Kutani Vafilisita va twa leswaku ku totiwe Davhida a va hosi ya Israyele.+ Hiloko Vafilisita hinkwavo va tlhandluka va ta lava Davhida. Loko Davhida a swi twile, a rhelela a ya endhawini leyi swi nonon’hwaka ku yi tshinelela.+ 18  Loko ku ri Vafilisita, va fike va famba-famba erivaleni ra le hansi ra Refayimi.+ 19  Davhida a vutisa+ Yehovha, a ku: “Xana ndzi tlhandluka ndzi lwa ni Vafilisita? Xana u ta va nyiketa evokweni ra mina?” Hiloko Yehovha a ku eka Davhida: “Tlhandluka, hakunene ndzi ta nyiketa Vafilisita emavokweni ya wena.”+ 20  Kutani Davhida a fika eBali-perazimi,+ Davhida a va dlayela kwalaho. Hiloko a ku: “Yehovha u fohle exikarhi ka valala va mina,+ emahlweni ka mina, ku fana ni vangwa leri endliweke hi mati.” Hi yona mhaka leyi a thyeke ndhawu yoleyo vito ra Bali-perazimi.+ 21  Hiloko va siya swifaniso+ swa vona swa hava kwalaho kutani Davhida ni vavanuna vakwe va swi susa.+ 22  Endzhaku Vafilisita va fika nakambe+ va famba-famba erivaleni ra le hansi ra Refayimi.+ 23  Hiloko Davhida a vutisa+ Yehovha, kambe yena a ku: “U nga tshuki u tlhandluka. Rhendzeleka u ya endzhaku ka vona, u fanele u fika u lwa na vona emahlweni ka swihlahla swa bakha.+ 24  Kutaku loko u twa mpfumawulo wa swigingi ehenhla ka swihlahla swa bakha, hi nkarhi wolowo u endla hi ku tiyimisela,+ hikuva hi nkarhi wolowo Yehovha u ta va a humile a ri emahlweni ka wena leswaku a ya dlaya lava nga enxaxeni wa Vafilisita.”+ 25  Hikwalaho Davhida a endla hi ndlela yoleyo, hilaha Yehovha a a n’wi lerise hakona,+ a dlaya+ Vafilisita ku sukela eGeba+ ku ya fika eGezere.+

Tinhlamuselo ta le hansi