Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 4:1-12

4  Loko n’wana+ wa Sawulo a twa leswaku Abinere u file eHebroni,+ mavoko yakwe ma tsana+ ni Vaisrayele hinkwavo va khunguvanyeka.  A ku ri ni vavanuna vambirhi, varhangeri va vuthu ra vaphangi+ lava a va ri va n’wana wa Sawulo, vito ra un’wana a ku ri Bhana kasi vito ra un’wana a ku ri Rekabi, vana va Rimoni lowa le Beroti, wa vana va Benjamini; hikuva Beroti+ na yena a a hlayiwa a ri xiphemu xa Benjamini.  Kutani va le Beroti va balekela eGitayimi,+ va fika va luvela kwalaho ku ta fikela esikwini leri.  Yonathani+ n’wana wa Sawulo a a ri ni n’wana la lamaleke emilengeni.+ A a ri ni malembe ya ntlhanu hi vukhale loko ku ta xiviko malunghana na Sawulo na Yonathani xi huma eYizriyele;+ muhlayisi wakwe a n’wi rhwala a baleka, kambe loko a baleka a tshukile, a wa ivi a lamala. Vito rakwe a ku ri Mefiboxete.+  Vana va Rimoni lowa le Beroti, Rekabi na Bhana va famba kutani va fika endlwini ya Ixi-boxeti+ hi nkarhi wa ku hisa ka dyambu, hikuva a a dzumbile ninhlikanhi.  Hiloko va nghena exikarhi ka yindlu va ri vavanuna lava tekaka koroni, kutani va n’wi tlhava ekhwirini;+ Rekabi na Bhana+ makwavo va baleka va nga voniwi.  Loko va nghena endlwini, a a etlele esangwini ekamareni rakwe ro etlela ra le ndzeni, hiloko va n’wi tlhava kutani va n’wi dlaya,+ endzhaku ka sweswo va susa nhloko yakwe,+ va teka nhloko yakwe va famba vusiku hinkwabyo egondzweni leri yaka eArabha.  Eku heteleleni va fika eka Davhida eHebroni, va tisa nhloko ya Ixi-boxeti,+ va byela hosi va ku: “Hi leyi nhloko ya Ixi-boxeti n’wana wa Sawulo nala wa wena,+ loyi a a lava moya-xiviri wa wena;+ kambe Yehovha u rihisela+ hosi yanga leyi nga mufumi esikwini leri eka Sawulo ni vana vakwe.”  Hambiswiritano, Davhida a hlamula Rekabi na Bhana makwavo, vana va Rimoni lowa le Beroti, a ku eka vona: “Leswi Yehovha loyi a kutsuleke+ moya-xiviri+ wa mina emaxangwini+ hinkwawo, a hanyaka,+ 10  loko a ku ri ni loyi a ndzi vikelaka a ku,+ ‘Hi loyi Sawulo u file,’ yena ematihlweni yakwe a a fana ni mutisi wa mahungu lamanene, hambiswiritano, mina ndzi n’wi khomile ndzi n’wi dlaya+ eSikilaga loko swi fanerile ha mina leswaku ndzi n’wi nyika hakelo ya murhumiwa; 11  swi ta va hi ndlela yihi loko vavanuna vo homboloka+ va dlaye munhu wo lulama endlwini yakwe esangwini rakwe? Xana sweswi a ndzi fanelanga ndzi lava ngati yakwe emavokweni ya n’wina,+ xana a ndzi fanelanga ndzi mi susa emisaveni?”+ 12  Hiloko Davhida a lerisa majaha, kutani va va dlaya,+ va va hubula mavoko ni milenge, kutani va va hayeka+ ekusuhi ni xidziva eHebroni; nhloko ya Ixi-boxeti va yi teka va ya yi lahla exilahlweni xa Abinere eHebroni.+

Tinhlamuselo ta le hansi