Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 24:1-25

24  Ku hlundzuka ka Yehovha ku tlhela+ ku va kukulu eka Israyele, loko un’wana a hlohlotele Davhida ku lwa na vona, a ku: “Famba u ya hlaya+ Israyele hinkwaro na Yuda.”  Kutani hosi yi byela Yowabu+ murhangeri wa mavandla ya nyimpi, loyi a a ri na yona, yi ku: “Ndzi kombela u famba-famba etinyimbeni hinkwato ta Israyele, ku sukela eDani ku ya eBera-xeba,+ n’wina mi tsarisa vanhu,+ kunene ndzi ta tiva nhlayo ya vanhu.”+  Kambe Yowabu a ku eka hosi: “Onge Yehovha Xikwembu xa wena a nga engetela vanhu ka dzana ku ringana leswi va nga swona, mahlo ya hosi yanga leyi nga mufumi ma swi vona. Kambe loko ku ri hosi yanga leyi nga mufumi, ha yini yi tsakele nchumu lowu?”+  Eku heteleleni rito ra hosi ri hlula+ ra Yowabu ni ra varhangeri va mavandla ya nyimpi. Hiloko Yowabu ni varhangeri va mavandla ya nyimpi va huma emahlweni ka hosi va ya tsarisa+ vanhu va Israyele.  Kutani va pela Yordani va dzima mixaxa le Arowere+ exineneni xa muti lowu nga exikarhi ka nkova, etlhelweni ra va ka Gadi,+ ni ra Yazere.+  Endzhaku ka sweswo, va fika eGiliyadi+ ni le tikweni ra Tahatimi-hodaxi va ya emahlweni eDani-yani va rhendzelekela eSidoni.+  Hiloko va fika exisirhelelweni xa Tiri+ ni le mitini hinkwayo ya Vahivhi+ ni ya Vakanana, va fika emakumu ka Yuda eNegebu+ le Bera-xeba.+  Hikwalaho va rhendzeleka etikweni hinkwaro va ya fika eYerusalema, eku heleni ka tin’hweti ta kaye ni masiku ya 20.  Kutani Yowabu a humesa nhlayo ya ku tsarisiwa+ ka vanhu eka hosi; tiko ra Israyele ri ringana vavanuna va vurhena va 800 000 lava va khomaka banga, vavanuna va Yuda a ku ri vavanuna va 500 000.+ 10  Kutani mbilu ya Davhida yi sungula ku n’wi dya+ endzhaku ka loko a hlaye vanhu hi ndlela yoleyo. Hikwalaho Davhida a byela Yehovha a ku: “Ndzi dyohe+ ngopfu swinene hi leswi ndzi swi endleke. Sweswi, Yehovha ndzi kombela u tshika xihoxo xa nandza wa wena xi hundza;+ hikuva ndzi endle vuphukuphuku lebyikulu.”+ 11  Loko Davhida a pfuka nimixo, rito ra Yehovha ri fika eka Gadi+ lowa muprofeta, loyi a vonaka swivono swa Davhida,+ ri ku: 12  “Famba u ya byela Davhida u ku, ‘Yehovha u te: “Ndzi veka swilo swinharhu eka wena.+ Tihlawulele xin’we xa swona leswaku ndzi ku endla xona.”’”+ 13  Hikwalaho Gadi a fika eka Davhida a n’wi byela, a ku eka yena:+ “Xana ku fanele ku ta malembe ya nkombo ya ndlala etikweni ra wena,+ kumbe tin’hweti tinharhu u baleka emahlweni ka swirha swa wena,+ swona swi ku hlongorisa, kumbe ku humelela masiku manharhu ya ntungu etikweni ra wena?+ Sweswi swi tive, u ndzi byela leswi ndzi nga ta swi angula Loyi a ndzi rhumeke.” 14  Kutani Davhida a ku eka Gadi: “Swa ndzi karhata swinene. Ndzi kombela hi wela evokweni ra Yehovha,+ hikuva tintswalo ta yena ti tele;+ kambe u nga ndzi wiseli evokweni ra munhu.”+ 15  Hiloko Yehovha a vanga ntungu+ eIsrayele ku sukela nimixo ku ya fika enkarhini lowu vekiweke, lerova eka vanhu, ku sukela eDani ku ya eBera-xeba,+ ku fa vanhu vo ringana 70 000.+ 16  Ntsumi+ yi tshika voko ra yona ri tshambuluteriwe eYerusalema leswaku yi wu lovisa; kutani Yehovha a tisola+ hikwalaho ka khombo leri, hiloko a byela ntsumi leyi a yi lovisa vanhu, a ku: “Swi ringene! Sweswi yisa voko ra wena ehansi.” Ntsumi ya Yehovha a yi ri ekusuhi ni xivuya xa Arawuna+ lowa Muyebusi.+ 17  Davhida a ya emahlweni a byela Yehovha, loko a vona ntsumi leyi a yi dlaya vanhu, ina, u ye emahlweni a ku: “Waswivo, hi mina la dyoheke naswona hi mina la endleke xihoxo; kambe tinyimpfu+ leti—ti endle yini? Ndzi kombela leswaku voko ra wena ri ta ehenhla ka mina+ ni le henhla ka yindlu ya tatana.” 18  Endzhaku Gadi a fika eka Davhida esikwini rero, a ku eka yena: “Tlhandluka u ya yimisela Yehovha alitari exivuyeni xa Arawuna lowa Muyebusi.”+ 19  Davhida a tlhandluka hi ku landza rito ra Gadi, hi ku landza leswi Yehovha a swi leriseke.+ 20  Loko Arawuna a languta ehansi kutani a vona hosi ni malandza ya yona va hundza va ta eka yena, xikan’we-kan’we Arawuna a huma a nkhinsama+ eka hosi, xikandza xakwe xi langute emisaveni.+ 21  Kutani Arawuna a ku: “Ha yini hosi yanga leyi nga mufumi yi ta eka nandza wa yona?” Hiloko Davhida a ku: “Leswaku ndzi xava+ xivuya xa wena ndzi akela Yehovha alitari, leswaku ntungu+ wu hela eka vanhu.” 22  Kambe Arawuna a ku eka Davhida: “Hosi yanga leyi nga mufumi a yi xi teke+ yi endla leswi nga swinene ematihlweni ya yona. Languta tihomu ta gandzelo ro hisiwa ni xileyi xo hula ni switirho swa tihomu, leswaku swi va tihunyi.+ 23  Hinkwaswo Wena hosi, Arawuna u swi nyika hosi.” Arawuna a ya emahlweni a byela hosi a ku: “Onge Yehovha Xikwembu xa wena a nga ku tsakela.”+ 24  Hambiswiritano, hosi yi ku eka Arawuna: “E-e, kunene ndzi ta xi xava eka wena hi nxavo;+ a ndzi humesi switlhavelo swo hisiwa eka Yehovha Xikwembu xa mina handle ka nxavo.”+ Hikwalaho Davhida a xava+ xivuya ni tihomu hi tixikele ta silivhere ta 50. 25  Kutani Davhida a akela Yehovha alitari+ kwalaho, a humesa switlhavelo swo hisiwa ni switlhavelo swa xinakulobye, Yehovha a pfumela leswaku a komberiwa+ hikwalaho ka tiko, lerova ntungu wu suka ehenhla ka Israyele.

Tinhlamuselo ta le hansi