Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 22:1-51

22  Davhida a vula marito ya risimu+ leri eka Yehovha, esikwini leri Yehovha a n’wi kutsuleke exandleni xa valala+ vakwe hinkwavo ni le xandleni+ xa Sawulo;  a ya emahlweni a ku: “Yehovha i ribye ra mina+ ni khokholo ra mina+ ni Muponisi wa mina.+   Xikwembu xanga i ribye ra mina.+ Ndzi ta tumbela eka xona, I xitlhangu xa mina+ ni rimhondzo+ ra mina ra ku ponisa, xisirhelelo xa mina lexi tlakukeke,+ Ni ndhawu ya mina ya ku balekela eka yona,+ Muponisi wanga;+ wa ndzi ponisa eka madzolonga.+   Ndzi ta vitana La faneleke a dzunisiwa,+ Yehovha, Ndzi ta ponisiwa eka valala va mina.+   Hikuva magandlati lama dlayaka ya matimba ma ndzi rhendzerile;+ A ku ri ni mikhukhulo ya vanhu lava nga pfuniki nchumu, leyi a yi tshamela ku ndzi chavisa.+   Mapindza ya Sheol ma ndzi rhendzerile;+ Mintlhamu ya rifu yi ndzi langutile.+   Ndzi tshamela ku vitana Yehovha+ emaxangwini ya mina, Ndzi tshamela ku vitana Xikwembu xanga.+ Kutani xi twa rito ra mina xi ri etempeleni ya xona,+ Ndzi kombela etindleveni+ ta xona leswaku ndzi pfuniwa.   Misava yi sungula ku tsekatseka ni ku ninginika,+ yi ya emahlweni ni le ndzhaku; Masungulo ya matilo ma ninginikile,+ Ma tsekatseka hikwalaho ka leswi a a hlundzukisiwile.+   Musi wu huma etinhompfini ta xona, ni ndzilo wu huma enon’wini wa xona wu hambeta wu lovisa;+ Makala ma vuvumela ma huma eka xona.+ 10  Kutani xi ova matilo xi rhelela;+ Ku dzwihala lokukulu a ku ri ehansi ka milenge+ ya xona. 11  Xi fika xi gade kerubu,+ xi haha; A xi vonaka etimpapeni ta moya.+ 12  Kutani xi veka munyama wu xi rhendzela, wu va mintsonga,+ Mati ya ntima, mapapa ya ntima.+ 13  Makala lama pfurhaka ndzilo ma vuvumela hi ku vangama+ loku nga emahlweni ka xona. 14  Yehovha a sungula ku dzindza a ri etilweni,+ Kutani La nge Henhla-henhla a sungula ku humesa rito rakwe.+ 15  A hambeta a humesa miseve yakwe, leswaku a va hangalasa;+ Rihati, leswaku a va pfilunganya.+ 16  Kutani ku vonaka swinambyana swa le lwandle,+ Masungulo ya tiko leri noneke+ ma fununguleka, Hi ku tshinya ka Yehovha loku humaka eku hefemuleni ka tinhompfu takwe.+ 17  A a rhumela a ri ehenhla, a ndzi teka,+ A ndzi humesa ematini yo tala.+ 18  A a ndzi kutsula eka nala wa mina la nga ni matimba,+ Eka lava va ndzi vengaka; hikuva a va ri ni matimba ku ndzi tlula.+ 19  A va hambeta va ndzi hlasela hi siku ra khombo ra mina,+ Kambe Yehovha u ve xiseketelo xa mina.+ 20  A ndzi humesela endhawini leyikulu;+ A ndzi ponisa, hikuva u ndzi tsakerile.+ 21  Yehovha wa ndzi hakela hi ku ya hi ku lulama ka mina;+ Wa ndzi tlherisela+ hi ku ya hi ku basa ka mavoko ya mina. 22  Hikuva ndzi hlayise tindlela ta Yehovha,+ Naswona a ndzi sukanga hi ku homboloka eka Xikwembu+ xanga. 23  Hikuva swiboho swakwe hinkwaswo+ swa vuavanyisi swi le mahlweni ka mina; Loko ku ri milawu ya yena, a ndzi nge hambuki eka yona.+ 24  Ndzi ta tikombisa ndzi pfumala xihoxo eka yena,+ Ndzi ta tihlayisa ndzi nga ri na xidyoho.+ 25  Yehovha a a ndzi tlherisele hi ku ya hi ku lulama ka mina,+ Hi ku landza ku tenga ka mina emahlweni ka mahlo yakwe.+ 26  U ta n’wi endla hi vutshembeki loyi a tshembekeke;+ Loyi a pfumalaka xihoxo, la nga ni matimba, u ta n’wi endla hi ku pfumala xihoxo;+ 27  U ta tikombisa u basile eka loyi a tshamaka a basile,+ U ta tikombisa u ri xihunguki eka loyi a hombolokeke.+ 28  U ta ponisa vanhu lava va titsongahataka;+ Kambe mahlo ya wena ma lwa ni lava va titlakusaka leswaku u va yisa ehansi.+ 29  Hikuva u rivoni ra mina, Wena Yehovha,+ I Yehovha la voningaka munyama wa mina.+ 30  Hikuva ha wena, ndzi nga hlongorisa vuthu ra vaphangi;+ Naswona hi Xikwembu xanga ndzi nga khandziya rirhangu.+ 31  Loko ku ri Xikwembu xa ntiyiso, ndlela ya xona yi hetisekile;+ Rito ra Yehovha ri tengile.+ I xitlhangu xa hinkwavo lava tumbelaka eka xona.+ 32  Hikuva i mani la nga Xikwembu loko ku nga ri Yehovha,+ Naswona i mani la nga ribye loko ku nga ri Xikwembu+ xa hina? 33  Xikwembu xa ntiyiso i xisirhelelo xa mina xo tiya,+ Xi ta endla leswaku ndlela ya mina yi hetiseka,+ 34  Xi endla milenge ya mina yi fana ni ya timhunti;+ Naswona xi ndzi yimisa etindhawini leti nga ehenhla.+ 35  Mavoko ya mina xi ma dyondzisa nyimpi;+ Ni swandla swa mina swi kunga vurha bya koporo.+ 36  U ta ndzi nyika xitlhangu xa wena xa ku ponisa,+ Ku titsongahata ka wena ku ndzi endla ndzi va lonkulu.+ 37  U ta endla leswaku vunavelo bya milenge ya mina byi va lebyikulu hilaha ku ringaneke;+ Ni mahlakala ya mina a ma nge tsekatseki.+ 38  Ndzi ta tsutsumisa valala va mina leswaku ndzi va lovisa, A ndzi nge tlheli va nga si herisiwa.+ 39  Ndzi ta va lovisa ndzi va tshovelela,+ leswaku va nga pfuki;+ Va ta wela ehansi ka milenge ya mina.+ 40  U ta ndzi khama hi ntamu lowukulu wa nyimpi;+ U ta endla leswaku lava va ndzi pfukelaka va wa ehansi ka mina.+ 41  Loko ku ri valala va mina, kunene u ta ndzi nyika xikosi xa nhamu ya vona;+ Lava va ndzi vengaka swinene—ndzi ta va miyeta.+ 42  Va kombela ku pfuniwa, kambe a ku na muponisi;+ Va kombela eka Yehovha, kambe a nga va hlamuli.+ 43  Ndzi ta va sila swinene kukota ntshuri wa misava; Ndzi ta va pyanya+ kukota ndzhope wa switarata; Ndzi ta va kandziyela ndzi va pyanya. 44  U ta ndzi ponisa eka vanhu va ka hina lava xopaxopaka swihoxo.+ U ta ndzi hlayisa leswaku ndzi va murhangeri wa matiko;+ Vanhu lava ndzi nga va tivangiki va ta ndzi tirhela.+ 45  Vanhu vambe va ta fika va titsongahata swinene eka mina;+ Tindleve ti ta titsongahatela ku ndzi yingisa.+ 46  Vanhu vambe va ta vuna, Va ta huma emakhokholweni ya vona va rhurhumela.+ 47  Yehovha wa hanya,+ Ribye ra mina a ri dzunisiwe;+ Xikwembu xa ribye ra ku ponisiwa ka mina a xi tlakusiwe.+ 48  Xikwembu xa ntiyiso hi xona Munyiki wa swiendlo swa ku tirihisela ka mina+ Lexi xi tisaka vanhu ehansi ka mina,+ 49  Lexi xi ndzi humesaka eka valala va mina.+ Kutani u ta ndzi tlakusa ndzi va ehenhla+ ka lava va ndzi pfukelaka; U ta ndzi kutsula eka munhu wa swiendlo swa madzolonga.+ 50  Hi yona mhaka leyi ndzi nga ta ku nkhensa ha yona, Wena Yehovha, exikarhi ka matiko;+ Ndzi ta ri yimbelelela miloti vito ra wena:+ 51  Wena la endlelaka hosi ya yena swiendlo leswikulu swa ku ponisa+ Naswona u kombisa musa wa rirhandzu eka mutotiwa wa yena,+ Eka Davhida ni mbewu yakwe hilaha ku nga riki na makumu.”+

Tinhlamuselo ta le hansi