Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 21:1-22

21  Kutani ku va ni ndlala+ emasikwini ya Davhida ku ringana malembe manharhu, lembe ni lembe; Davhida a tihlanganisa ni xikandza xa Yehovha. Hiloko Yehovha a ku: “Ku ni nandzu wa ngati ehenhla ka Sawulo ni le henhla ka yindlu yakwe, hikuva u dlaye va ka Gibiyoni.”+  Hikwalaho hosi yi vitana va ka Gibiyoni+ yi vulavula na vona. (Phela va ka Gibiyoni a va nga ri vana va Israyele, kambe a va ri va lava va seleke va Vaamori;+ vana va Israyele a va va hlambanyerile,+ kambe Sawulo a a lava ku va dlaya+ hikwalaho ka leswi a a hisekela+ vana va Israyele na Yuda.)  Davhida a ya emahlweni a ku eka va ka Gibiyoni: “Xana ndzi ta mi endlela yini, naswona ndzi ta mi kombelela ku rivaleriwa+ ha yini leswaku mi katekisa ndzhaka+ ya Yehovha?”  Hiloko va ka Gibiyoni va ku eka yena: “Eka hina a hi mhaka ya silivhere ni nsuku+ malunghana na Sawulo ni vandyangu wakwe, naswona a swi le ka hina leswaku hi dlaya munhu eIsrayele.” Kutani a ku: “Xin’wana ni xin’wana lexi mi xi vulaka ndzi ta mi endlela xona.”  Hiloko va byela hosi va ku: “Munhu loyi a hi loviseke+ ni loyi a boheke kungu+ ra ku hi lovisa leswaku hi nga hanyi endhawini yin’wana ni yin’wana ya Israyele,  a va hi nyike vana vakwe va nkombo;+ hi fanele hi va veka erivaleni+ eka Yehovha le Gibiya+ wa Sawulo muhlawuriwa wa Yehovha.”+ Hikwalaho hosi yi ku: “Mina ndzi ta va nyiketa.”  Kambe hosi yi va ni ntsetselelo eka Mefiboxete+ n’wana wa Yonathani, n’wana wa Sawulo, hikwalaho ka xihlambanyo+ xa Yehovha lexi a xi ri exikarhi ka vona, exikarhi ka Davhida na Yonathani n’wana wa Sawulo.  Hikwalaho hosi yi teka vana vambirhi va Risipa,+ n’wana wa Aya wa nhwanyana, lava a va tswaleleke Sawulo, Arimoni na Mefiboxete, ni vana vantlhanu va Mikala+ n’wana Sawulo, lava a nga va tswalela Adriyele+ n’wana wa Barizilayi lowa le Mehola.  Kutani a va nyiketa evokweni ra va ka Gibiyoni, vona va va veka erivaleni entshaveni, emahlweni ka Yehovha,+ lerova lava va nkombo va wa swin’we; vona va dlayiwe emasikwini yo sungula ya ntshovelo, eku sunguleni ka ntshovelo+ wa maxalana. 10  Hambiswiritano, Risipa n’wana wa Aya+ wa nhwanyana a teka nguvu yo khwaxa+ a tiandlalela yona ehenhla ka ribye, ku sukela loko ku sunguriwa ntshovelo ku ya fikela loko mati ma halakela ehenhla ka wona ma huma ematilweni;+ a nga ti pfumelelanga tinyenyana+ ta matilo leswaku ti tshama ehenhla ka wona ninhlikanhi kumbe swivandzana+ swa nhova nivusiku. 11  Hi ku famba ka nkarhi Davhida a vikeriwa+ leswi endliweke hi Risipa n’wana wa Aya wa nhwanyana, ku nga nsati lontsongo wa Sawulo. 12  Hiloko Davhida a famba a ya teka marhambu ya Sawulo+ ni marhambu ya Yonathani n’wana wakwe, eka vini va ndhawu ya Yabexe-giliyadi,+ lava a va ma yive entsendzeleni wa Beta-xani,+ laha Vafilisita a va va hayeke kona esikwini leri Vafilisita va dlayeke+ Sawulo ha rona eGilbowa.+ 13  A ma tlhandlukisa ku suka kwalaho marhambu ya Sawulo ni marhambu ya Yonathani n’wana wakwe; ku tlula kwalaho, va hlengelete marhambu ya vavanuna lava, lawa a ma vekiwe erivaleni.+ 14  Kutani va lahla marhambu ya Sawulo ni ya Yonathani n’wana wakwe etikweni ra Benjamini eZela,+ exilahlweni xa Kixi+ tata wakwe, leswaku va endla hinkwaswo leswi hosi yi swi leriseke. Hikwalaho endzhaku ka leswi, Xikwembu xi pfumela leswaku tiko ri kombeleriwa eka xona.+ 15  Kutani Vafilisita+ va fika va lwa nakambe na Israyele. Hiloko Davhida ni malandza yakwe va rhelela va ya lwa ni Vafilisita; Davhida a karhala. 16  Ixibi-benobo loyi a a ri exikarhi ka lava va velekiweke hi Varefayimi,+ ntiko wa fumu+ rakwe a wu ri tixikele ta koporo ta 300, loyi a a khame banga lerintshwa, a ehleketa ku dlaya Davhida. 17  Xikan’we-kan’we Abixayi+ n’wana wa Seruya a n’wi pfuna+ kutani a tlhava Mufilisita a n’wi dlaya. Hi nkarhi wolowo vavanuna va Davhida va n’wi hlambanyela, va ku: “U nga ha tlheli u ya enyimpini na hina,+ leswaku u nga timi+ rivoni+ ra Israyele!” 18  Endzhaku ka leswi, ku tlhekeka nyimpi nakambe ni Vafilisita eGobo. Hiloko Sibekayi+ lowa le Huxa+ a dlaya Safu loyi a a ri exikarhi ka lava va velekiweke hi Varefayimi.+ 19  Nyimpi yi tlhekeka nakambe ni Vafilisita eGobo, kutani Elihanani+ n’wana wa Yare-oregimi lowa le Betlehema a dlaya Goliyadi lowa ka Gati, mphiselo wa fumu ra yena a wu fana ni mhandzi ya valuki va mapesa.+ 20  Nyimpi yi tlhekeka nakambe eGati,+ laha a ku ri ni wanuna loyi a kuleke hi ndlela leyi nga tolovelekangiki, a ri ni tintiho ta tsevu evokweni ha rin’we ni swikun’wana swa tsevu enengeni ha wun’we, swi ri 24 hi nhlayo; na yena a a velekeriwe Varefayimi.+ 21  A a tshamela ku tlhontlha+ Israyele. Eku heteleleni Yonathani+ n’wana wa Ximeyi,+ makwavo wa Davhida, a n’wi dlaya. 22  Lava va mune a va velekeriwe Varefayimi eGati;+ va we hi voko ra Davhida ni hi voko ra malandza yakwe.+

Tinhlamuselo ta le hansi