Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 2:1-32

2  Endzhaku ka sweswo Davhida a vutisa Yehovha,+ a ku: “Xana ndzi nga tlhandlukela eka wun’wana wa miti ya Yuda?” Hiloko Yehovha a ku eka yena: “Tlhandluka.” Davhida a ya emahlweni a ku: “Xana ndzi ta tlhandlukela kwihi?” Kutani yena a ku: “EHebroni.”+  Hikwalaho Davhida a tlhandlukela kona swin’we ni vasati vakwe vambirhi, Ahinowama+ lowa le Yizriyele na Abigayele+ nsati wa Nabali lowa le Karimeli.  Davhida a ta ni vavanuna+ lava a va ri na yena, un’wana ni un’wana a ri ni vandyangu wakwe; va tshama emitini leyi nga endhawini ya Hebroni.  Kutani vavanuna va Yuda+ va fika va tota+ Davhida kwalaho a va hosi ya yindlu ya Yuda.+ Hiloko va fika va byela Davhida, va ku: “Vavanuna va Yabexe-giliyadi+ hi vona lava lahleke Sawulo.”  Hikwalaho Davhida a rhumela varhumiwa eka vavanuna va Yabexe-giliyadi,+ a ku eka vona: “Onge mi nga katekisiwa hi Yehovha,+ hikuva mi kombise musa lowu wa rirhandzu+ eka hosi ya n’wina, eka Sawulo, hikwalaho ka leswi mi n’wi lahleke.+  Sweswi onge Yehovha a nga mi komba musa wa rirhandzu+ ni vutshembeki, na mina ndzi ta mi komba vunene hikuva mi endle nchumu lowu.+  Sweswi mavoko ya n’wina a ma titiyise, mi tikomba mi ri vavanuna va vurhena,+ hikuva hosi ya n’wina Sawulo yi file, yindlu ya Yuda yi ndzi totile leswaku ndzi va hosi+ ya vona.”  Loko ku ri Abinere+ n’wana wa Nere, murhangeri wa vuthu leri a ri ri ra Sawulo, u teke Ixi-boxeti+ n’wana wa Sawulo a n’wi perisela eMahanayimi,+  leswaku a n’wi endla hosi ya Giliyadi+ ni ya Vaaxuri ni ya Yizriyele+ ni ya Efrayimi+ ni ya Benjamini+ ni ya Israyele, hinkwaro. 10  Ixi-boxeti n’wana wa Sawulo a a ri ni malembe ya 40 hi vukhale loko a va hosi ya Israyele, u ve hosi malembe mambirhi. I va yindlu ya Yuda+ ntsena lava va nga tikomba va ri valandzeri va Davhida. 11  Nhlayo ya masiku lawa Davhida a nga tikomba a ri hosi ya le Hebroni ehenhla ka yindlu ya Yuda ma ve malembe ya nkombo ni tin’hweti ta tsevu.+ 12  Hi ku famba ka nkarhi Abinere n’wana wa Nere ni malandza ya Ixi-boxeti n’wana wa Sawulo va humile va suka eMahanayimi+ va ya eGibiyoni.+ 13  Loko ku ri Yowabu+ n’wana wa Seruya+ ni malandza ya Davhida, va humile, endzhaku va hlangana exidziveni xa Gibiyoni; va hambeta va tshama kona, lava etlhelo leri ra xidziva ni lavan’wana etlhelo lerin’wana ra xidziva. 14  Eku heteleleni Abinere a ku eka Yowabu: “Ndzi kombela majaha ma suka ma yima, ma lwa emahlweni ka hina.” Yowabu a ku: “A ma suke ma yima.” 15  Hiloko ma suka ma yima ma tsemakanya ma tele, ya 12 ma ri ya Benjamini na Ixi-boxeti+ n’wana wa Sawulo, ni ya 12 ma huma eka malandza ya Davhida. 16  Kutani ma sungula ku khomana hi tinhloko, banga ra un’wana ni un’wana ri ri etlhelo ka un’wana lerova ma wa swin’we. Ndhawu yoleyo yi thyiwa Helikati-hasurima, leyi nga eGibiyoni.+ 17  Ku lwa ku va kukulu ngopfu esikwini rero, eku heteleleni Abinere+ ni vavanuna va Israyele va hluriwa emahlweni ka malandza ya Davhida. 18  Vana vanharhu va Seruya+ a va ri kwalaho, Yowabu+ na Abixayi+ na Asahele;+ Asahele a ri ni rivilo swinene ku fana ni mhala+ leyi nga enhoveni. 19  Asahele a hlongorisa Abinere, a nga yanga exineneni kumbe eximatsini loko a hlongorisa Abinere. 20  Eku heteleleni Abinere a languta endzhaku a ku: “Xana hi wena Asahele?” yena a ku: “Hi mina.” 21  Kutani Abinere a ku eka yena: “Hambukela exineneni kumbe eximatsini u khoma un’wana wa majaha a va wa wena, u teka leswi u nga swi tekaka+ eka yena swi va swa wena.” Asahele a nga swi lavanga ku hambuka a tshika ku n’wi hlongorisa. 22  Hiloko Abinere a tlhela a ku eka Asahele: “Hambuka u tshika ku ndzi hlongorisa. Ha yini ndzi fanele ndzi ku dlaya u wela emisaveni?+ Kutani ndzi ta xi tlakurisa ku yini xikandza xa mina eka Yowabu makwenu?” 23  Kambe a hambeta a ala ku hambuka; hiloko Abinere a n’wi tlhava ekhwirini+ hi tshaku ra mphiselo wa fumu lerova fumu ri huma hi le nhlaneni wakwe; a wela kwalaho naswona a fela kwalaho a a ri kona. Hinkwavo lava va fikeke endhawini leyi Asahele a weleke eka yona a fa, va yima va nga fambi.+ 24  Kutani Yowabu na Abixayi va hlongorisa Abinere. Loko dyambu ri pela a va fika exitsungeni xa Ama, lexi nga emahlweni ka Giya endleleni leyi yaka emananga ya Gibiyoni.+ 25  Vana va Benjamini va hlengeletana endzhaku ka Abinere, va va ntlawa wun’we, va hambeta va yima ehenhla ka xitsunga xin’we. 26  Kutani Abinere a sungula ku vitana Yowabu, a ku: “Xana banga ri ta dya+ hilaha ku nga heriki? Xana a wu swi tivi hakunene leswaku ku ta va ni mbitsi eku heteleleni?+ Hikwalaho, xana u ta va byela rini vanhu leswaku va tlhela va tshika ku hlongorisa vamakwavo?”+ 27  Hiloko Yowabu a ku: “Leswi Xikwembu xa ntiyiso xi hanyaka,+ loko a wu nga vulavulanga,+ vanhu a va ta tlhela nimixo ntsena, un’wana ni un’wana a tshika ku hlongorisa makwavo.” 28  Kutani Yowabu a yimba nanga,+ vanhu hinkwavo va yima, a va ha tlhelanga va hlongorisa Israyele, naswona a va ha tlhelanga va pfuxeta ku lwa. 29  Loko ku ri Abinere ni vavanuna vakwe, va fambe va tsemakanya tiko ra Arabha+ vusiku byebyo hinkwabyo, va pela Yordani+ va tsemakanya xinkobyana xexo hinkwaxo, eku heteleleni va fika eMahanayimi.+ 30  Loko ku ri Yowabu, u tlherile a tshika ku hlongorisa Abinere a sungula ku hlengeleta vanhu hinkwavo. Eka malandza ya Davhida a ku kayivela vavanuna va 19 na Asahele. 31  Loko ku ri malandza ya Davhida, ma dlaye vanhu va Benjamini ni vavanuna va Abinere—ku fe vavanuna va 360. 32  Kutani va rhwala Asahele+ va n’wi lahla exilahlweni xa tata wakwe,+ lexi nga eBetlehema.+ Hiloko Yowabu ni vavanuna vakwe va famba vusiku hinkwabyo, ri va xele eHebroni.+

Tinhlamuselo ta le hansi