Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 16:1-23

16  Loko Davhida a hundzilenyana enhlohlorhini,+ kwalaho a ku ri na Ziba+ mutirhi wa Mefiboxete+ a n’wi hlanganisa a ri ni timbhongolo+ to hlayanyana ti paniwile, ehenhla ka tona a ku ri ni swinkwa+ swa 200 ni swimbundzwa swa mukhusu wa madiriva+ swa 100 ni mindzhwalo ya 100 ya mihandzu ya ximumu+ ni khuwana lerikulu ra vhinyo.+  Hiloko hosi yi ku eka Ziba: “Xana swilo leswi swi vula yini eka wena?”+ Ziba a hlamula a ku: “Timbhongolo i ta vandyangu wa hosi leswaku va ti gada, kutani swinkwa ni ndzhwalo wa mihandzu ya ximumu i swa majaha+ leswaku ma dya, vhinyo i ya loyi a karhaleke+ emananga+ leswaku a nwa.”  Kutani hosi yi ku: “Xana n’wana wa n’wini wa wena u kwihi?”+ Hiloko Ziba a ku eka hosi: “U tshama eYerusalema; hikuva u te, ‘Namuntlha yindlu ya Israyele yi ta ndzi tlherisela vuhosi bya tatana.’”+  Hosi yi ku eka Ziba: “Waswivo! Hinkwaswo leswi nga swa Mefiboxete i swa wena.”+ Kutani Ziba a ku: “Ndza nkhinsama.+ Onge ndzi nga kuma tintswalo ematihlweni ya wena, hosi yanga leyi nga mufumi.”  Hosi Davhida a fika eBahurimi,+ kutani waswivo, kwalaho a ku huma munhu wa ndyangu wa Sawulo, vito rakwe a ku ri Ximeyi+ n’wana wa Gera, a huma a ri karhi a rhuketela niloko a humile.+  A sungula ku hoxetela Davhida hi maribye ni malandza hinkwawo ya Hosi Davhida; vanhu hinkwavo ni vavanuna hinkwavo va matimba a va ri exineneni xakwe ni le ximatsini xakwe.  Loko Ximeyi a ri karhi a rhuketela, a a vula a ku: “Huma, huma wena munhu la nga ni nandzu wa ngati,+ munhu la nga pfuniki nchumu!+  Yehovha u wu tlherisele ehenhla ka wena nandzu hinkwawo wa ngati wa yindlu ya Sawulo, loyi u fumeke ematshan’weni ya yena; Yehovha u veka vuhosi evokweni ra Absalomu n’wana wa wena. Waswivo, u le khombyeni, hikuva u munhu la nga ni nandzu wa ngati!”+  Eku heteleleni Abixayi n’wana wa Seruya+ a ku eka hosi: “Ha yini mbyana leyi yi feke+ yi fanele yi rhuketela hosi yanga leyi nga mufumi?+ Ndzi kombela ku famba ndzi ya tsema nhloko ya yona.”+ 10  Kambe hosi yi ku: “Ndzi na yini na n’wina vavanuna,+ n’wina vana va Seruya?+ Hikwalaho n’wi tshikeni a rhuketela,+ hikuva Yehovha u n’wi byerile, a ku,+ ‘Tisa ndzhukano eka Davhida!’ Kutani, i mani la nga ta vula a ku, ‘Ha yini u endle hi ndlela yoleyo?’”+ 11  Davhida a ya emahlweni a byela Abixayi ni malandza ya yena hinkwawo a ku: “Maswivo, n’wananga, loyi a humeke eka swirho swa mina swa le ndzeni, u lava moya-xiviri wa mina;+ swi ta tlurisa ngopfu eka lowa ka Benjamini!+ N’wi tshikeni a rhuketela, hikuva Yehovha u n’wi byele tano! 12  Kumbexana Yehovha u ta vona+ hi tihlo rakwe, kunene Yehovha u ta ndzi vuyisela vunene ematshan’weni ya ndzhukano esikwini leri.”+ 13  Hiloko Davhida ni vavanuna vakwe va hambeta va famba egondzweni, kasi Ximeyi a a famba etlhelo ka ntshava, a famba a longoloke na yena leswaku a ta n’wi rhuketela;+ a hambeta a hoxa maribye loko a ri karhi a longoloka na yena, a pfuxa ritshuri lerikulu.+ 14  Hi ku famba ka nkarhi hosi ni vanhu hinkwavo lava a va ri na yona va fika va karhele. Hiloko va tiphyuphyisa kwalaho.+ 15  Loko ku ri Absalomu ni vanhu vakwe hinkwavo, vavanuna va Israyele, va nghene eYerusalema,+ Ahitofele+ a a ri na yena. 16  Hi ku hatlisa loko Huxayi+ lowa Muaraki,+ nakulobye wa Davhida+ a fika eka Absalomu, Huxayi a byela Absalomu a ku: “Hosi a yi hanye!+ Hosi a yi hanye!” 17  Hiloko Absalomu a ku eka Huxayi: “Lowu i musa wa wena wa rirhandzu eka nakuloni, a hi swona ke? Ha yini u nga fambanga ni nakuloni?”+ 18  Kutani Huxayi a ku eka Absalomu: “E-e; kambe loyi Yehovha a n’wi hlawuleke ni vanhu lava ni vavanuna hinkwavo va Israyele, ndzi ta va wa yena, naswona ndzi ta tshama na yena. 19  Kutani ndzi fanele ndzi vula ra vumbirhi, ndzi ku, Xana mina ndzi fanele ndzi tirhela mani? Xana a ku nge vi emahlweni ka n’wana wakwe? Hilaha ndzi tirheleke tata wa wena hakona, swi ta va tano emahlweni ka wena.”+ 20  Endzhaku Absalomu a ku eka Ahitofele: “N’wina, endlani xiboho.+ Xana hi fanele hi endla yini?” 21  Hiloko Ahitofele a ku eka Absalomu: “Tivana ni vasati lavatsongo va tata wa wena,+ lava a va siyeke leswaku va khathalela yindlu.+ Kunene tiko hinkwaro ra Israyele ri ta swi twa leswaku u tiendle risema ro biha+ eka tata wa wena,+ kutani mavoko+ ya hinkwavo lava va nga na wena, kunene ma ta tiya.” 22  Hiloko va dzimela Absalomu ntsonga ehenhla ka lwangu,+ kutani Absalomu a sungula ku tivana ni vasati lavatsongo va tata wakwe+ emahlweni ka mahlo ya tiko hinkwaro ra Israyele.+ 23  Kungu ra Ahitofele leri a ri kungahateke esikwini rero, a ri fana niloko munhu a vutisa hi rito ra Xikwembu xa ntiyiso. Hi yona ndlela leyi kungu+ hinkwaro ra Ahitofele+ a ri ri ha yona eka Davhida na Absalomu.

Tinhlamuselo ta le hansi