Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Samuwele 12:1-31

12  Yehovha a rhumela Natani+ eka Davhida. Kutani a fika eka yena,+ a n’wi byela a ku: “A ku ri ni vavanuna vambirhi emutini wun’we, un’wana a fuwile kasi un’wana a pfumala.  Wanuna la fuweke a a ri ni tinyimpfu to tala ngopfu ni tihomu;+  kambe wanuna la pfumalaka a a nga ri na nchumu handle ka xinyimpfana xin’we xa ntswele lexitsongo, lexi a a xi xavile.+ A a xi londzovota xi hanya, a xi kula xi ri na yena ni vana vakwe. A xi dya eka xiphemunyana xakwe, xi nwa eka xinwelo xakwe, a xi etlela exifuveni xakwe, a xi fana ni n’wana wa nhwanyana eka yena.  Endzhaku ka nkarhi ku fika muendzi eka wanuna la fuweke, kambe a tshika ku teka swin’wana eka tinyimpfu ta yena ni tihomu ta yena leswaku a swi lunghiselela muendzi la teke eka yena. Hiloko a teka xinyimpfana xa ntswele xa wanuna la pfumalaka, a xi lunghiselela wanuna la teke eka yena.”+  Kutani Davhida a n’wi hlundzukela ngopfu wanuna loyi,+ lerova a byela Natani a ku: “Leswi Yehovha a hanyaka,+ wanuna la endlaka leswi u faneriwa hi ku fa!+  Naswona hikwalaho ka xinyimpfana xa ntswele u fanele a xi riha+ hi swa mune,+ hikwalaho ka leswi a endleke nchumu lowu ni hikwalaho ka leswi a nga vangiki na ntsetselelo.”+  Kutani Natani a ku eka Davhida: “Wanuna loyi hi wena! Yehovha Xikwembu xa Israyele u te, ‘Mina ndzi ku tote+ u va hosi ya Israyele, ndzi ku kutsurile evokweni+ ra Sawulo.  A ndzi swi rhandza ku ku nyika yindlu ya hosi ya wena+ ni vasati vakwe+ exifuveni xa wena, ni ku ku nyika yindlu ya Israyele ni ya Yuda.+ Loko a swi nga ringananga, a ndzi swi rhandza ku ku engetela swilo swo fana ni leswi ni swin’wana.+  Ha yini u langutele rito ra Yehovha ehansi hi ku endla swo biha+ ematihlweni yakwe? U dlaye Uriya lowa Muheti hi banga,+ naswona u teke nsati wakwe a va nsati wa wena,+ yena u n’wi dlaye hi banga ra vana va Amone. 10  Sweswi banga+ a ri nge suki endlwini ya wena hilaha ku nga riki na makumu,+ hikwalaho ka leswi u ndzi languteleke ehansi lerova u teka nsati wa Uriya lowa Muheti a va nsati wa wena.’ 11  Yehovha u te, ‘Waswivo, ndzi ku pfuxela khombo endlwini ya wena;+ ndzi ta teka vasati wa wena ematihlweni ya wena ndzi va nyiketa munhu-kuloni,+ kunene yena u ta etlela ni vasati va wena ehansi ka mahlo ya dyambu leri.+ 12  Hikwalaho ka leswi wena u swi endleke exihundleni,+ mina ndzi ta endla nchumu lowu emahlweni ka tiko hinkwaro ra Israyele+ ni le mahlweni ka dyambu.’”+ 13  Davhida a byela+ Natani a ku: “Ndzi dyohele Yehovha.”+ Natani a ku eka Davhida: “Yehovha na yena u tshika xidyoho xa wena xi hundza.+ A wu nge fi.+ 14  Kambe ke, hikwalaho ka leswi handle ko kanakana u khomeke Yehovha hi ndlela leyi nga kombisiki xichavo,+ hi nchumu lowu, na yena n’wana loyi u nga ta velekeriwa yena, entiyisweni u ta fa.”+ 15  Kutani Natani a ya ekaya rakwe. Hiloko Yehovha a n’wi twisa ku vava+ n’wana loyi nsati wa Uriya a n’wi tswaleleke Davhida lerova a vabya. 16  Davhida a sungula ku lava Xikwembu xa ntiyiso hikwalaho ka mufana loyi, Davhida a titsona swakudya hakunene,+ a nghena a etlela vusiku byebyo, a pavalala emisaveni.+ 17  Kutani vakulukumba va yindlu yakwe va yima eka yena va n’wi pfuxa emisaveni, kambe a nga pfumelanga ku dya xinkwa+ na vona. 18  Hiloko hi siku ra vunkombo n’wana a fa. Malandza ya Davhida a ma chava ku n’wi byela leswaku n’wana u file; hikuva ma te: “Maswivo! Loko n’wana a ha hanya hi vulavule na yena, a nga ri yingisanga rito ra hina; kutani, xana hi ta n’wi byerisa ku yini, hi ku, ‘N’wana u file’? Kunene u ta endla nchumu wo biha.” 19  Loko Davhida a vona leswaku malandza yakwe a ma hleva-hleva, Davhida a sungula ku swi xiya leswaku n’wana u file. Kutani Davhida a ku eka malandza yakwe: “Xana n’wana u file?” Hiloko va ku: “U file.” 20  Kutani Davhida a suka a yima emisaveni, a hlamba naswona a tola mafurha,+ a cinca ni minkhancu, a nghena endlwini+ ya Yehovha a tiwisela ehansi;+ endzhaku ka sweswo a nghena endlwini yakwe a kombela, kutani hi ku hatlisa va veka xinkwa emahlweni ka yena, a sungula ku dya. 21  Hikwalaho malandza ya yena ma ku eka yena: “Xana nchumu lowu u wu endleke wu vula yini? U titsone swakudya hikwalaho ka n’wana loko a ha hanya, u tshamela ku rila; hi ku hatlisa loko n’wana a fa u suke u yima u sungula ku dya xinkwa.” 22  Hiloko a ku: “Loko n’wana a ha hanya ndzi titsone swakudya,+ ndzi tshamela ku rila,+ hikuva ndzi tibyele ndzi ku, ‘I mani la swi tivaka, kumbexana Yehovha a nga ndzi komba tintswalo, kunene n’wana a hanya?’+ 23  Sweswi, leswi a feke, ha yini ndza ha titsona swakudya? Xana ndzi nga swi kota ku tlhela ndzi n’wi vuyisa?+ Mina ndzi nga ya eka yena,+ kambe yena a nge vuyeli eka mina.”+ 24  Davhida a sungula ku chavelela Bati-xeba nsati wakwe.+ Nakambe a nghena eka yena a etlela na yena. Hi ku famba ka nkarhi a tswala n’wana,+ vito rakwe a thyiwa Solomoni.+ Yehovha hi yexe a a n’wi rhandza.+ 25  Kutani a rhumela Natani+ lowa muprofeta, a n’wi thya vito ra Yedidaya, hikwalaho ka Yehovha. 26  Yowabu+ a ya emahlweni a lwa na Rhaba+ wa vana va Amone kutani a teka muti wa mfumo wolowo. 27  Hiloko Yowabu a rhumela varhumiwa eka Davhida, a ku: “Ndzi lwe na Rhaba.+ Ndzi tlhele ndzi teka muti wa mati. 28  Kutani hlengeleta vanhu hinkwavo va dzima mixaxa ku lwa ni muti lowu, u wu teka; leswaku ku nga vi mina la nga ta teka muti lowu, naswona vito ra mina ri nga vitaniwi ehenhla ka wona.” 29  Hikwalaho Davhida a hlengeleta vanhu hinkwavo a ya eRhaba, a wu hlasela, a wu teka. 30  Kutani a teka harhi ya Malikomo enhlokweni yakwe,+ leyi ntiko wa yona a yi ri talenta ya nsuku swin’we ni maribye ya risima; yi va enhlokweni ya Davhida. Swilo leswi va swi phangeke+ swa muti wolowo, leswi va swi humeseke a swi tele ngopfu. 31  Kutani vanhu lava a va ri eka wona, u va humesile leswaku a va veka va saha maribye ni ku tirha hi switirho leswi karihaka swa nsimbi+ ni le ka swihloka swa nsimbi, u va tirhise ku endla switina. Hi yona ndlela leyi a endleke ha yona emitini  hinkwayo ya vana va Amone. Eku heteleleni Davhida ni vanhu hinkwavo va vuyela eYerusalema.

Tinhlamuselo ta le hansi