Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Petro 3:1-18

3  Varhandziwa, leri se i papila ra vumbirhi ndzi mi tsalela rona, leri eka rona, tanihi le ka lero sungula,+ ndzi pfuxaka matimba ya n’wina ya ku ehleketisisa, hi ku mi tsundzuxa,+  leswaku mi tsundzuka marito lama vuriweke khale hi vaprofeta vo kwetsima+ ni xileriso xa Hosi tlhelo Muponisi lexi teke hi vaapostola+ va n’wina.  Hikuva xo sungula tivani leswaku, emasikwini+ ya makumu ku ta va ni vahlekuri+ lava hlekulaka, va famba hi ku ya hi ku navela+ ka vona  va ku:+ “Byi kwihi vukona byakwe+ lebyi tshembisiweke? Hikuva, ku sukela siku vatata wa hina va etleleke ha rona eku feni, swilo hinkwaswo swa ha tshame hilaha a swi ri hakona eku sunguleni+ ka ntumbuluko.”  Hikuva, hi ku navela ka vona, a va yi lemuki mhaka ya leswaku ku sukela khale a ku ri ni matilo+ ni misava leyi yimeke yi vumbana ehandle ka mati+ ni le xikarhi ka mati+ hi rito ra Xikwembu;  naswona misava ya nkarhi wolowo yi lovisiwile ha wona loko mati+ ma yi khubumeta.  Kambe ha rona rito rero, matilo+ ni misava+ leyi nga kona sweswi swi hlayiseriwe ndzilo+ naswona swa ha vekiwile ku fikela siku ra vuavanyisi+ ni ra ndzoviso wa vanhu+ lava va nga xi xiximiki Xikwembu.  Hambiswiritano, varhandziwa, mi nga kohli hi mhaka leyi ya leswaku siku rin’we eka Yehovha ri fana ni malembe ya 1 000 naswona malembe ya 1 000 ma fana ni siku+ rin’we.  Yehovha a nga nonoki malunghana ni xitshembiso+ xa yena, hilaha vanhu van’wana va ehleketaka hakona leswaku i ku nonoka, kambe u mi lehisela mbilu hikuva a nga naveli leswaku ku lova ni un’we kambe u navela leswaku hinkwenu mi hundzuka.+ 10  Kambe siku+ ra Yehovha ri ta ta ku fana ni khamba,+ leri ha rona matilo ma nga ta hundza+ hi huwa+ leyi chavisaka, kambe swiaki swa wona leswi nga ta hisa ngopfu swi ta n’oka,+ naswona misava+ ni mintirho leyi nga eka yona swi ta yimburiwa.+ 11  Leswi swilo leswi hinkwaswo swi nga ta n’oka, n’wina mi fanele mi va vanhu va muxaka muni hi tlhelo ra swiendlo swo kwetsima swa ku tikhoma ni swiendlo swa ku tinyiketela loku nga ni vukwembu, 12  mi ri karhi mi rindzela+ ni ku hamba mi tsundzuka vukona bya siku ra Yehovha,+ leri ha rona matilo ma nga ta hela+ hi ku tshwa naswona swiaki swa wona leswi hisaka ngopfu swi nga ta n’oka! 13  Kambe ku ni matilo lamantshwa+ ni misava leyintshwa+ leswi hi swi rindzeleke hi ku ya hi xitshembiso xa yena, naswona ku ta va ni ku lulama eka swona.+ 14  Hikwalaho, varhandziwa, leswi mi rindzeleke swilo leswi, endlani hinkwaswo leswi mi nga swi kotaka leswaku emakumu a mi kuma mi ri lava pfumalaka xivati,+ lava nga solekiki ni lava nga ni ku rhula.+ 15  Ku tlula kwalaho, tekani ku lehisa mbilu ka Hosi ya hina ku ri ku mi ponisa, hilaha Pawulo makwerhu la rhandzekaka a mi tsaleleke hakona,+ hi ku ya hi vutlhari+ lebyi a nyikiweke byona, 16  a vulavula hi swilo leswi tanihi laha a endlaka hakona eka mapapila yakwe hinkwawo. Hambiswiritano, eka wona ku ni swilo swo karhi leswi nonon’hwaka ku swi twisisa, leswi lava nga dyondzangiki ni lava nga yimangiki va tiya va swi soholotaka, hilaha va soholotaka hakona Matsalwa+ laman’wana hinkwawo, leswi tlhelaka swi lovisa vona. 17  Hikokwalaho, n’wina varhandziwa, leswi mi kumeke vutivi+ lebyi ka ha ri emahlweni, tivoneleni leswaku mi nga hambukisiwi na vona hi xidyoho xa vanhu lava delelaka nawu kutani mi wa eku tserhameni+ ka n’wina. 18  E-e, kambe hambetani mi kula eka musa lowu nga faneriwiki ni le ka vutivi bya Hosi tlhelo Muponisi wa hina Yesu Kreste.+ Ku vangama a ku ve eka yena sweswi ni hilaha ku nga heriki.+

Tinhlamuselo ta le hansi