Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Petro 2:1-22

2  Hambiswiritano, ni vaprofeta va mavunwa va ve kona exikarhi ka vanhu, hilaha ni vadyondzisi va mavunwa va nga ta va kona exikarhi ka n’wina.+ Vona lava va ta nyandlamela va nghenisa mimpambukwa leyi lovisaka, naswona va ta ala ni n’wini loyi a va xaveke,+ va titisela ndzoviso wa xihatla.  Ku tlula kwalaho, vo tala va ta landzela+ swiendlo swa vona swa ku tikhoma ko biha,+ naswona hikwalaho ka vona, ndlela ya ntiyiso yi ta vulavuriwa ku biha.+  Nakambe, hikwalaho ka ku navela, va ta mi dyelela hi marito+ ya vuxisi. Kambe volavo, ku avanyisiwa ka vona loku nga ka khale+ a ku nonoki, naswona ndzoviso wa vona a wu khudzeheli.+  Kunene, loko Xikwembu xi nga tshikanga ku xupula tintsumi+ leti dyoheke, kambe, hi ku ti hoxa eThatharasi,+ xi ti nyiketa emigodini ya munyama lowukulu leswaku ti hlayiseriwa vuavanyisi;+  naswona xi nga tshikanga ku xupula misava+ ya khale, kambe xi hlayisa Nowa, muchumayeri wa leswo lulama,+ ni van’wana+ va nkombo loko xi tisa ndhambhi+ ehenhla ka misava ya vanhu lava nga xiximiki Xikwembu;  xi gweveke miti ya Sodoma na Gomora hi ku yi hundzula+ yi va nkuma, xi vekela vanhu lava nga xiximiki Xikwembu xikombiso xa swilo leswi taka;+  xi kutsuleke Lota+ wo lulama, loyi a a karhateka swinene hi vanhu lava delelaka nawu, va tipeta eku tikhomeni ko biha+  hikuva munhu loyi wo lulama a a xaniseka eka moya-xiviri wakwe wo lulama hikwalaho ka swiendlo swa vona swo kala nawu leswi a a swi vona ni ku swi twa siku ni siku loko a ha tshama na vona—  Yehovha wa yi tiva ndlela yo va kutsula endzingweni+ vanhu lava nga ni ku tinyiketela loku nga ni vukwembu, kambe u vekela vanhu lava nga lulamangiki siku ra vuavanyisi leswaku va ta lovisiwa,+ 10  kambe, ngopfu-ngopfu eka lava mukisanaka ni nyama va navela ku yi nyamisa+ va tlhela va byi langutela ehansi vuhosi.+ Lava kanyaka timbilu, vo sihalala, a va rhurhumeli eka lava dzunekaka kambe va vulavula ha vona hi ku va tseketsela,+ 11  kasi tintsumi, hambileswi ti va tlulaka hi ntamu ni matimba, a ti va hehli hi marito ya ku tseketsela,+ naswona leswi a ti swi endli hikwalaho ka leswi ti nga ni xichavo eka Yehovha.+ 12  Kambe vanhu lava, ku fana ni swiharhi leswi nga anakanyiki leswi nga lo velekeriwa ku khomiwa swi lovisiwa, eka swilo leswi va nga swi tiviki naswona va vulavulaka ha swona hi ku tseketsela,+ va ta lova endleleni ya vona ya ku lova, 13  va tivavisa,+ va kuma hakelo ya swiendlo leswi hoxeke.+ Va teka ku hanya hi vulovolovo ninhlikanhi swi ri ntsako.+ Vona i swivati ni swithyakisi, va tipeta etidyondzweni ta vona ta vuxisi hi ntsako lowu nga hikiwangiki, va ri karhi va dya swin’we na n’wina.+ 14  Va ni mahlo lama teleke vuoswi+ naswona va hluleka ku tshika xidyoho,+ va wonga mimoya-xiviri leyi nga yimangiki yi tiya. Va ni mbilu leyi leteriweke ku navela.+ Vona i vana+ lava rhukaniweke. 15  Hi ku tshika ndlela yo lulama, va hambukisiwile. Va landzele ndlela ya Balama,+ n’wana wa Beyori, loyi a a rhandza hakelo leyi tisiwaka hi ku endla leswi hoxeke,+ 16  kambe u tshinyiwile hi ku tlula kakwe leswi lulameke.+ Xifuwo lexi rhwalaka ndzhwalo lexi nga vulavuriki, xi vulavula hi rito ra munhu,+ xi siva ndlela+ ya ku penga ka muprofeta. 17  Lava i minseledyana leyi pfumalaka mati,+ ni tihunguva leti fambisiwaka hi xidzedze xa vukarhi, naswona va vekeriwe+ ntima wa munyama. 18  Hikuva va vula marito yo tikukumuxa ya hava, hi ku navela ka nyama+ ni hi mikhuva yo biha va wonga+ lava ha balekaka+ evanhwini lava tikhomaka hi ndlela leyi hoxeke. 19  Va va tshembisa ntshunxeko,+ kasi vona i mahlonga ya ku onhaka.+ Hikuva mani na mani la hluriwaka hi un’wana u va hlonga ra munhu+ yoloye. 20  Kunene, endzhaku ko balekela swilo leswi nyamisaka swa misava+ hi vutivi lebyi kongomeke bya Hosi tlhelo Muponisi Yesu Kreste, loko va tlhela va kumeka eka swilo leswi kutani swi va hlula,+ swiyimo swa vona swo hetelela swi bihe ngopfu ku tlula leswo sungula.+ 21  Hikuva a swi ta antswa eka vona loko a va nga tivanga hi ku kongoma ndlela ya ku lulama,+ ku tlula leswaku loko va yi tive hi ku kongoma va fularhela xileriso xo kwetsima lexi va nyikiweke xona.+ 22  Marito ya xivuriso xa ntiyiso ma hetisekile eka vona: “Mbyana+ yi vuyele emahlanteni ya yona, ni nguluve ya nkati leyi a yi hlambisiwile yi vuyele ku ya vumbuluka endzhopeni.”+

Tinhlamuselo ta le hansi