Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Yohane 5:1-21

5  Mani na mani la kholwaka leswaku Yesu i Kreste, u tswariwe hi Xikwembu,+ naswona mani na mani la rhandzaka loyi a vangeke leswaku ku tswariwa u rhandza ni loyi a tswariweke hi yena.+  Ha swi tiva leswaku hi rhandza+ vana va Xikwembu,+ loko hi rhandza Xikwembu, hi endla swileriso+ swa xona.  Hikuva ku rhandza+ Xikwembu, hi kona ku hlayisa swileriso+ swa xona; kasi loko swi ri swileriso swa xona a swi tiki,+  hikuva xin’wana ni xin’wana lexi velekiweke+ hi Xikwembu xa yi hlula misava.+ Naswona vuhluri+ lebyi hluleke+ misava, hi rona ripfumelo leri ra hina.  I mani loyi a hlulaka+ misava+ handle ka loyi a nga ni ripfumelo+ ra leswaku Ye-su i N’wana wa Xikwembu?+  Loyi hi yena la teke hi mati ni ngati, Yesu Kreste; ku nga ri hi mati+ ntsena, kambe hi mati ni hi ngati.+ Naswona moya+ hi wona lowu nyikelaka vumbhoni, hikuva moya i ntiyiso.  Hikuva ku ni vanyikeri vanharhu va vumbhoni,  moya+ ni mati+ ni ngati,+ naswona leswinharhu swi ni ntwanano.+  Loko hi amukela vumbhoni lebyi vanhu va byi nyikaka,+ vumbhoni lebyi nyikeriwaka hi Xikwembu i byikulu, hikuva lebyi i vumbhoni lebyi nyikeriwaka hi Xikwembu, bya mhaka ya leswaku xi nyikele vumbhoni+ malunghana ni N’wana wa xona. 10  Munhu la vekaka ripfumelo rakwe eka N’wana wa Xikwembu u ni vumbhoni+ lebyi a nyikiweke byona. Munhu la nga riki na ripfumelo eka Xikwembu u xi endla muhembi,+ hikuva a nga ri vekanga ripfumelo rakwe eka vumbhoni lebyi nyikiweke,+ lebyi Xikwembu tanihi mbhoni+ xi byi nyikeke malunghana ni N’wana wa xona. 11  Naswona lebyi i vumbhoni lebyi nyikiweke, bya leswaku Xikwembu xi hi nyike vutomi lebyi nga heriki,+ naswona vutomi lebyi byi le ka N’wana+ wa xona. 12  Loyi a nga ni N’wana u na byona vutomi lebyi; loyi a nga riki na yena N’wana wa Xikwembu a nga na byona vutomi lebyi.+ 13  Ndzi mi tsalela swilo leswi mi ta tiva leswaku mi ni vutomi lebyi nga heriki,+ n’wina mi vekaka ripfumelo ra n’wina evitweni ra N’wana wa Xikwembu.+ 14  Naswona ku tiyiseka loku hi nga na kona ha xona,+ i ka leswaku, ku nga khathariseki leswaku i yini lexi hi xi kombelaka hi ku ya hi ku rhandza ka xona, xa hi twa.+ 15  Ku tlula kwalaho, loko hi tiva leswaku xa hi twa malunghana ni xin’wana ni xin’wana lexi hi xi kombelaka,+ ha swi tiva leswaku hi ta swi kuma swilo leswi hi swi kombelaka tanihi leswi hi swi kombelaka eka xona.+ 16  Loko mani na mani a vona makwavo a endla xidyoho lexi nga vangiki rifu,+ u ta n’wi kombelela, naswona xi ta n’wi nyika vutomi,+ ina, xi ta nyika lava nga dyohiki hi ku dyoha loku vangaka rifu.+ Xi kona xidyoho lexi vangaka rifu. A ndzi n’wi byeli swona leswaku a endla xikombelo+ malunghana ni xidyoho xexo. 17  Vubihi hinkwabyo i xidyoho;+ kambe xi kona xidyoho lexi nga vangiki rifu. 18  Ha swi tiva leswaku munhu wihi ni wihi la tswariweke hi Xikwembu+ a nga hanyi hi ku endla xidyoho, kambe Loyi+ a tswariweke hi Xikwembu wa n’wi rindza, naswona lowo homboloka a nga n’wi khumbi.+ 19  Ha swi tiva leswaku hi huma eka Xikwembu,+ kambe misava hinkwayo yi le hansi ka matimba ya lowo homboloka.+ 20  Kambe ha swi tiva leswaku N’wana wa Xikwembu u tile, u hi nyike vuswikoti byo twisisa+ leswaku hi ta tiva loyi a nga wa ntiyiso.+ Naswona hi ni vun’we+ ni lowa ntiyiso, hi N’wana wa yena Yesu Kreste. Loyi i Xikwembu xa ntiyiso+ ni vutomi lebyi nga heriki.+ 21  Vana lavatsongo, tivoneleni swifaniso.+

Tinhlamuselo ta le hansi