Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Yohane 3:1-24

3  Vonani rirhandzu+ ronghasi leri Tatana a hi nyikeke rona, leswaku hi vuriwa vana va Xikwembu;+ kutani hi vuriwa vona. Hi yona mhaka leyi misava+ yi nga hi tiviki, hikuva a yi si n’wi tiva.+  Varhandziwa, sweswi hi vana va Xikwembu,+ kambe enkarhini lowu a swi si kombisiwa leswi hi nga ta va swona.+ Ha swi tiva leswaku loko se a humelerile+ eka hina hi ta fana na yena,+ hikuva hi ta n’wi vonisa leswi a nga xiswona.+  Naswona un’wana ni un’wana loyi a nga ni ntshembo lowu ha yena, wa titengisa+ tanihi leswi na yena a tengeke.+  Mani na mani la hanyaka+ hi ku endla xidyoho+ u tlhela a hanya hi ku kala nawu,+ xisweswo xidyoho i ku kala nawu.  N’wina ma swi tiva nakambe leswaku yena u humelerile ku ta susa swidyoho+ swa hina, naswona yena a nga na xidyoho.+  Mani na mani la tshamaka a ri ni vun’we+ na yena a nga hanyi hi ku endla xidyoho;+ ku hava loyi a hanyaka hi ku endla xidyoho loyi a nga n’wi vona kumbe ku n’wi tiva.+  Vana lavatsongo, mi nga xisiwi hi munhu; loyi a tamaka a famba hi ku lulama u lulamile, hilaha na yena a lulameke.+  Loyi a tamaka a endla xidyoho u huma eka Diyavulosi, hikuva Diyavulosi a a dyoha ku sukela eku sunguleni.+ Kutani N’wana wa Xikwembu u humelerile+ hi xikongomelo lexi, xa ku ta herisa mintirho ya Diyavulosi.+  Mani na mani la velekiweke hi Xikwembu a nga hambeti a endla xidyoho,+ hikuva mbewu ya xona ya ku tswala yi tshama eka lowo tano, kutani a nge hanyi hi ku endla xidyoho, hikuva u velekiwe hi Xikwembu.+ 10  Vana va Xikwembu ni vana va Diyavulosi va vonaka hi leswi: Mani na mani la nga hambetiki a famba hi ku lulama+ a nga humi eka Xikwembu, hambi ku ri loyi a nga rhandziki makwavo.+ 11  Hikuva leri i rungula leri mi ri tweke ku sukela eku sunguleni,+ leswaku hi fanele hi rhandzana;+ 12  hi nga fani na Kayini, loyi a humeke eka lowo homboloka ivi a dlaya+ makwavo. Kutani a a n’wi dlayela yini ke? Hikuva mintirho yakwe a yi hombolokile,+ kambe leya makwavo a yi lulamile.+ 13  Vamakwerhu, mi nga hlamali leswi misava yi mi vengaka.+ 14  Ha swi tiva leswaku hi hundzile eku feni hi ya evuton’wini,+ hikuva hi rhandza vamakwerhu.+ Loyi a nga rhandziki u tshama eku feni.+ 15  Mani na mani la vengaka+ makwavo i mudlayi,+ naswona ma swi tiva leswaku a ku na mudlayi+ loyi vutomi lebyi nga heriki byi tshamaka eka yena.+ 16  Xisweswo rirhandzu+ se ha ri tiva, hikuva yena u nyikete moya-xiviri wakwe a wu nyiketela hina;+ kutani hina hi boheka ku nyiketa mimoya-xiviri ya hina hi yi nyiketela vamakwerhu.+ 17  Kambe mani na mani la nga ni swa ku hanya+ ha swona swa misava leyi kutani a vona makwavo a pfumala+ kambe a swinya a nga n’wi kombi ntsetselelo wakwe lowukulu,+ xana rirhandzu ra Xikwembu ri tshamisisa ku yini eka yena?+ 18  Vana lavatsongo, a hi veni ni rirhandzu,+ ku nga ri hi marito kumbe ririmi,+ kambe hi swiendlo+ ni ntiyiso.+ 19  Hi ku endla leswi hi ta swi tiva leswaku hi huma entiyisweni,+ naswona hi ta tiyisekisa timbilu ta hina emahlweni ka yena 20  malunghana ni xin’wana ni xin’wana lexi timbilu ta hina ti nga hi solaka ha xona,+ hikuva Xikwembu i xikulu eka timbilu ta hina naswona xi tiva swilo hinkwaswo.+ 21  Varhandziwa, loko timbilu ta hina ti nga hi soli, hi ni ntshunxeko wo vulavula eka Xikwembu;+ 22  naswona xin’wana ni xin’wana lexi hi xi kombelaka ha xi amukela eka xona,+ hikuva hi hlayisa swileriso swa xona naswona hi endla swilo leswi tsakisaka ematihlweni ya xona.+ 23  Kunene, hi xona xileriso xa xona, leswaku hi va ni ripfumelo evitweni ra N’wana wa xona Yesu Kreste+ hi tlhela hi rhandzana,+ hilaha a hi nyikeke xileriso hakona. 24  Ku tlula kwalaho, loyi a hlayisaka swileriso swa xona u tshama a ri ni vun’we na xona, na xona xi tshama xi ri ni vun’we ni lowo tano;+ naswona eka leswi hi kuma vutivi bya leswaku xi tshama xi ri ni vun’we na hina,+ hikwalaho ka moya+ lowu xi hi nyikeke wona.

Tinhlamuselo ta le hansi