Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vatesalonika 5:1-28

5  Kutani loko ku ri ta minkarhi ni ta tinguva,+ vamakwerhu, a mi lavi ku tsaleriwa nchumu.  Hikuva n’wina mi swi tiva kahle swinene leswaku siku+ ra Yehovha ri ta kukotisa khamba nivusiku.+  Loko va+ ku: “Ku rhula+ ni nsirhelelo,” kutani ndzoviso+ wa xitshuketa wu ta va wela hi xihatla kukotisa xitlhavi xa maxangu eka wansati+ la tikeke; naswona a va nge baleki+ nikatsongo.  Kambe n’wina, vamakwerhu, a mi le munyameni,+ lerova siku rero a ri nge mi jumi hilaha ri jumaka makhamba+ hakona,  hikuva hinkwenu mi vana va ku vonakala+ ni vana va nhlikanhi.+ A hi va vusiku kumbe munyama.+  Hikwalaho, hi nga etleli+ ku fana ni lavan’wana hinkwavo lava etlelaka,+ kambe a hi hitekeni+ hi hlayisa mianakanyo+ ya hina leyi hlutekeke.  Hikuva lava etlelaka+ va tolovele ku etlela nivusiku,+ ni lava dakwaka va tala ku dakwa nivusiku.  Kambe loko ku ri hina va nhlikanhi, a hi hlayiseni mianakanyo ya hina leyi hlutekeke naswona hi vehela xisirhelelo+ xa xifuva xa ripfumelo+ ni rirhandzu, ntshembo wa ku ponisiwa+ wu va xihuku+ xa hina;  hikuva Xikwembu a xi hi avelanga vukarhi,+ kambe xi hi avele ku kuma ku ponisiwa+ hi Hosi ya hina Yesu Kreste.+ 10  U hi ferile,+ leswaku hi ta hanya swin’we na yena,+ ku nga khathariseki leswaku ha hiteka kumbe hi etlele. 11  Hikokwalaho hambetani mi chavelelana, mi akana,+ hilaha entiyisweni mi endlaka+ hakona. 12  Kutani ha mi kombela, vamakwerhu, leswaku mi xixima lava tirhaka hi matimba exikarhi ka n’wina, lava va mi ungamelaka+ eHosini, lava va mi tsundzuxaka; 13  ni ku va nyika xichavo lexi tlulaka ngopfu lexi tolovelekeke hi rirhandzu hikwalaho ka ntirho+ wa vona. Vanani ni ku rhula un’wana eka un’wana.+ 14  Hi hala tlhelo, ha mi khongotela, vamakwerhu, tsundzuxani lava nga hlelekangiki,+ vulavulani hi ku chavelela eka mimoya-xiviri leyi karhatekeke,+ seketelani lava tsaneke, vanani ni mbilu yo leha+ eka hinkwavo. 15  Tiyisekani leswaku ku nga vi na munhu la tlheriselaka swo biha hi swo biha eka van’wana,+ kambe minkarhi hinkwayo mi lavisisa leswi nga swinene exikarhi ka n’wina ni le ka vanhu van’wana hinkwavo.+ 16  Tsakani+ minkarhi hinkwayo. 17  Khongelani minkarhi+ hinkwayo. 18  Nkhensani+ mayelana ni hinkwaswo. Hikuva leswi i ku rhandza ka Xikwembu evun’weni na Kreste Yesu malunghana na n’wina. 19  Mi nga wu timi ndzilo wa moya.+ 20  Mi nga ku hlekuli+ ku profeta. 21  Tiyisekani hi swilo+ hinkwaswo; khomelelani swi tiya eka leswinene.+ 22  Papalatani mixaka hinkwayo ya vuhomboloki.+ 23  Onge xona Xikwembu xa ku rhula+ xi nga mi kwetsimisa hi ku helela.+ Onge moya ni moya-xiviri ni miri wa n’wina vamakwerhu swi nga hlayisiwa swi hanyile etimhakeni hinkwato hi mukhuva lowu pfumalaka xisandzu eka vukona bya Hosi ya hina Yesu Kreste.+ 24  Loyi a mi vitanaka wa tshembeka, naswona u ta tlhela a swi endla. 25  Vamakwerhu, hambetani mi hi khongelela.+ 26  Xewetani vamakwerhu hinkwavo hi ku ntswontswa+ ko kwetsima. 27  Ndzi mi lerisa swinene hi Hosi leswaku papila leri ri hlayeriwa vamakwerhu+ hinkwavo. 28  Musa lowu nga faneriwiki+ wa Hosi ya hina Yesu Kreste a wu ve na n’wina.

Tinhlamuselo ta le hansi