Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vatesalonika 4:1-18

4  Xo hetelela, vamakwerhu, ha mi kombela ni ku mi khongotela hi Hosi Yesu, tanihi leswi mi amukeleke xiletelo lexi humaka eka hina malunghana ni ndlela leyi mi faneleke mi famba+ ha yona mi tsakisa Xikwembu, hilaha entiyisweni n’wina mi fambaka hakona, leswaku mi hambeta mi swi endla hi xitalo+ swinene.  Hikuva ma swi tiva swileriso+ leswi hi mi nyikeke swona hi Hosi Yesu.  Hikuva Xikwembu xi rhandza leswaku mi kwetsimisiwa,+ mi papalata vumbhisa;+  leswaku un’wana ni un’wana wa n’wina a tiva ndlela yo lawula xibya+ xakwe hi ku kwetsima+ ni ku xiximeka,  ku nga ri hi ku navela ka ku lava vuxaka bya rimbewu+ loku fanaka ni loku matiko+ lama nga tiviki Xikwembu ma nga na kona;+  leswaku ku nga vi na loyi swi fikaka laha a onhaka ni ku nghenelela etimfanelweni ta makwavo emhakeni leyi,+ hikuva Yehovha hi yena la xupulaka eka swilo leswi hinkwaswo,+ hilaha hi mi byeleke hakona ka ha ri emahlweni hi tlhela hi mi nyika vumbhoni bya rixaladza.+  Hikuva Xikwembu a xi hi vitanelanga ethyakeni, kambe xi hi vitanile mayelana ni vukwetsimi.+  Hikwalaho, munhu la honisaka,+ a nga honisi munhu, kambe u honisa Xikwembu,+ lexi vekaka moya wa xona lowo kwetsima+ eka n’wina.  Hambiswiritano, malunghana ni rirhandzu+ ra vumakwerhu, a swi lavi leswaku hi mi tsalela nchumu, hikuva n’wina mi dyondzisiwa hi Xikwembu+ leswaku mi rhandzana;+ 10  naswona, entiyisweni, mi swi endlela vamakwerhu hinkwavo eMakedoniya hinkwaro. Kambe ha mi khongotela, vamakwerhu, leswaku mi hambeta mi swi endla hi mpimo lowu teleke swinene, 11  naswona swi endleni xikongomelo xa n’wina ku hanya hi ku rhula+ ni ku karhatekela timhaka+ ta n’wina ni ku tirha hi mavoko+ ya n’wina, hilaha hi mi leriseke hakona; 12  leswaku mi ta famba hi ku tenga+ eka vanhu va le handle+ naswona mi nga pfumali nchumu.+ 13  Ku tlula kwalaho, vamakwerhu, a hi lavi leswaku mi pfumala vutivi malunghana ni lava etleleke+ eku feni; leswaku mi nga vi na mbitsi hilaha hinkwavo lava nga riki na ntshembo va endlaka hakona.+ 14  Hikuva loko hi pfumela leswaku Yesu u file a tlhela a pfuka,+ kutani, na vona, lava etleleke eku feni ha Yesu, Xikwembu xi ta va vuyisa na yena.+ 15  Hikuva hi mi byela hi rito+ ra Yehovha, leswaku hina lava hanyaka lava poneke ku fikela eka vukona bya Hosi+ a hi nge va rhangeli nikatsongo lava etleleke eku feni; 16  hikuva Hosi hi yoxe yi ta xika hi le tilweni+ hi rito ro lerisa, hi rito ra ntsumi leyikulu+ ni hi mhalamhala+ ya Xikwembu, kutani lava feke evun’weni na Kreste va ta sungula va pfuka.+ 17  Endzhaku hina lava hanyaka lava poneke, hi ta tekiwa+ swin’we na vona+ hi ri emapapeni+ hi ya hlangana+ ni Hosi emoyeni; xisweswo hi ta va ni Hosi+ minkarhi hinkwayo. 18  Hikwalaho hambetani mi chavelelana hi marito lawa.

Tinhlamuselo ta le hansi