Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vatesalonika 2:1-20

2  Hakunene, n’wina ma swi tiva, vamakwerhu, leswaku ku mi endzela+ ka hina a ku vanga ka hava,+  kambe loko hi rhange hi xaniseka+ ni ku rhukaniwa+ (hilaha mi tivaka hakona) eFilipiya,+ mi tiva ndlela leyi hi kumeke vurhena ha yona hikwalaho ka Xikwembu xa hina, bya ku mi byela+ mahungu lamanene ya Xikwembu hi ku lwa lokukulu ngopfu.  Hikuva xikhongotelo lexi hi xi nyikelaka a xi humi exihoxweni kumbe ethyakeni+ kumbe hi vuxisi,  kambe, leswi Xikwembu xi hi kambeleke ku vona loko hi fanelekela ku tamerisiwa+ mahungu lamanene, hikwalaho, a hi vulavuli hi ndlela leyi tsakisaka+ vanhu, kambe leyi tsakisaka Xikwembu, lexi kambelaka timbilu+ ta hina.  Entiyisweni, a hi si tshama hi humelela hi ri ni mavulavulelo+ ya ku titlhoma tinsiva, (hilaha mi tivaka hakona) kumbe hi vuxisi+ leswaku hi navela,+ Xikwembu i mbhoni ya swona!  Naswona a hi ku lavanga ku dzunisiwa loku humaka eka vanhu,+ e-e, hambi ku ri loku humaka eka n’wina kumbe eka van’wana, hambileswi hi nga vaka ndzhwalo+ wo tika hileswi hi nga vaapostola va Kreste.  Ku hambana ni sweswo, hi ve ni ku olova eka n’wina, hi ndlela leyi manana la wundlaka+ a khathalelaka vana vakwe ha yona.  Kutani, hikwalaho ko va ni xinakulobye xa rirhandzu eka n’wina,+ leswi hi swi tsakeleke swinene a hi ku hundzisela mahungu lamanene ya Xikwembu ntsena eka n’wina, kambe ni mimoya-xiviri+ ya hina, hikuva mi ve lava rhandzekaka+ eka hina.  Hakunene, vamakwerhu, ma ku tsundzuka ku tikarhata ka hina ni ntirho wa hina wo tika. Ku chumayela ka hina mahungu lamanene ya Xikwembu eka n’wina hi ku endle hi ri karhi hi tirha+ vusiku ni nhlikanhi, leswaku hi nga rhwexi ni un’we wa n’wina+ ndzhwalo wo tika. 10  N’wina mi timbhoni, ni Xikwembu i mbhoni, ta ndlela leyi hi tikombeke hi tshembeka ha yona ni ku lulama ni ku pfumala xisandzu+ eka n’wina vapfumeri. 11  Hi ku pfumelelana ni sweswo mi yi tiva kahle ndlela leyi kotisaka leyi tatana+ a va endlelaka ha yona vana va yena, leyi hi hambeteke hi khongotela+ ha yona un’wana ni un’wana wa n’wina, hi mi chavelela ni ku mi nyikela vumbhoni, 12  leswaku eku heteleleni mi ta hambeta mi famba+ hi mukhuva lowu fanelaka Xikwembu lexi xi mi vitanelaka+ emfun’weni+ wa xona ni le ku vangameni ka xona. 13  Hakunene, hi yona mhaka leyi na hina hi nkhensaka Xikwembu nkarhi hinkwawo,+ hikuva loko mi amukela rito+ ra Xikwembu, leri mi ri tweke eka hina, mi ri amukerile, ku nga ri kukotisa rito ra vanhu,+ kambe, mi ri amukele hilaha ri nga hakona hakunene rito ra Xikwembu, leri ri tirhaka ntsena ni le ka n’wina vapfumeri.+ 14  Hikuva vamakwerhu, mi ve vatekeleri va mavandlha ya Xikwembu lama nga eYudiya evun’weni na Kreste Yesu, hikuva na n’wina mi sungule ku xanisiwa+ hi varikwenu hi swilo leswi fanaka ni leswi na vona va xanisiweke ha swona hi Vayuda, 15  lava dlayeke hambi ku ri Hosi Yesu+ ni vaprofeta+ kutani va hi+ xanisa. Ku tlula kwalaho, a va xi tsakisi Xikwembu, kambe va lwisana ni leswi vuyerisaka vanhu hinkwavo, 16  hileswi va ringetaka ku hi sivela+ ku vulavula ni vanhu va matiko leswaku vanhu va matiko va ta ponisiwa,+ leswi vangeke leswaku minkarhi hinkwayo va tatisa hi ku helela+ swidyoho swa vona. Kambe eku heteleleni vukarhi bya xona byi te eka vona.+ 17  Loko ku ri hina, vamakwerhu, loko hi hambanisiwe na n’wina nkarhi wo koma, hi xiviri, ku nga ri embilwini, hi tiyimisele swinene ku tlula hilaha ku tolovelekeke ku vona swikandza swa n’wina hi ku navela+ lokukulu. 18  Hikwalaho a hi lava ku ta eka n’wina, ina, mina Pawulo, ro sungula ni ra vumbirhi, kambe Sathana u hingakanye ndlela ya hina. 19  Hikuva hi wihi ntshembo wa hina kumbe ntsako kumbe harhi+ ya ku khana—kasi, entiyisweni xana a hi n’wina?—emahlweni ka Hosi ya hina Yesu eka vukona+ byakwe? 20  Hakunene mi ku vangama ni ntsako wa hina.

Tinhlamuselo ta le hansi