Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vatesalonika 1:1-10

1  Mina Pawulo na Silvhano+ na Timotiya,+ eka vandlha ra Vatesalonika leri nga ni vun’we+ ni Xikwembu Tatana ni Hosi Yesu Kreste: Onge mi nga va ni musa lowu nga faneriwiki ni ku rhula.+  Minkarhi hinkwayo hi nkhensa Xikwembu loko hi vulavula malunghana na n’wina hinkwenu eswikhongelweni+ swa hina,  hikuva minkarhi hinkwayo hi tsundzuka ntirho+ wa n’wina wo tshembeka ni ku tikarhata ka n’wina ka rirhandzu ni ku tiyisela ka n’wina hikwalaho ka ntshembo+ lowu mi nga na wona eHosini ya hina Yesu Kreste emahlweni ka Xikwembu tlhelo Tata wa hina.  Hikuva ha swi tiva leswaku xi mi hlawurile,+ n’wina vamakwerhu lava rhandziwaka hi Xikwembu,  hikuva mahungu lamanene lawa hi ma chumayelaka a ma humelelanga exikarhi ka n’wina hi ku vulavula ntsena kambe ni hi matimba+ ni moya lowo kwetsima ni ku khorwiseka+ lokukulu, tanihi leswi mi swi tivaka leswaku hi ve vanhu va muxaka muni eka n’wina hi swi endlela n’wina;+  naswona mi ve vatekeleri+ va hina ni va Hosi,+ hileswi mi amukeleke rito ehansi ka nhlomulo+ lowukulu hi ntsako wa moya lowo kwetsima,+  lerova mi ve xikombiso eka vapfumeri hinkwavo eMakedoniya ni le Akaya.  Mhaka hileswaku, rito ra Yehovha+ a mi ri twarisanga eMakedoniya ni le Akaya ntsena, kambe ripfumelo+ ra n’wina eka Xikwembu ri hangalake hinkwako-nkwako etindhawini+ ta le kule, lerova a swi lavi leswaku hi vula nchumu.  Hikuva vona hi voxe va hambeta va vika ndlela leyi hi ngheneke ha yona ro sungula exikarhi ka n’wina ni ndlela leyi mi hundzukeleke eka Xikwembu ha yona mi suka eswifanisweni+ swa n’wina swa hava leswaku mi va mahlonga ya Xikwembu lexi hanyaka+ ni xa ntiyiso,+ 10  ni ku rindzela+ N’wana wa xona la humaka ematilweni,+ loyi xi n’wi pfuxeke eka lava feke,+ ku nga Yesu, la hi kutsulaka evukarhini lebyi taka.+

Tinhlamuselo ta le hansi