Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 9:1-27

9  Xana a ndzi ntshunxekanga?+ Xana a ndzi muapostola?+ Xana a ndzi n’wi vonanga Yesu Hosi+ ya hina? Xana n’wina a mi ntirho wa mina eHosini?  Loko ndzi nga ri muapostola eka van’wana, ndzi yena hakunene-nene eka n’wina, hikuva n’wina mi mfungho lowu tiyisekisaka+ vuapostola bya mina eHosini.  Ku tihlamulela ka mina eka lava va ndzi konanisaka ku yimise xileswi:+  Hi ni mfanelo yo dya+ ni ku nwa, a hi swona ke?  Hi ni mfanelo yo famba-famba ni makwerhu wa xisati, tanihi nsati,+ hilaha vaapostola lavan’wana hinkwavo, ni vamakwavo+ va Hosi na Khefasi+ va endlaka hakona, a hi swona ke?  Kumbe, xana hi mina na Barnaba+ ntsena lava hi nga riki na mfanelo yo tshika ntirho wo tihanyisa?+  I mani loyi a vaka socha hi xuma xakwe? I mani loyi a rimaka nsimu ya vhinya kambe a nga dyi mihandzu+ ya yona? Kumbe, i mani loyi a risaka ntlhambi kambe a nga dyi ntswamba wa ntlhambi+ wa kona?  Xana ndzi vulavula swilo leswi hi ku landza mimpimanyeto+ ya vanhu? Kumbe, xana ni Nawu+ a wu swi vuli swilo leswi?  Hikuva enawini wa Muxe ku tsariwile va ku: “U nga tshuki u siva nomu wa nkunzi loko yi hula ntshovelo.”+ Xana Xikwembu xa ti khathalela tinkunzi? 10  Kumbe, xana xi vula sweswo hikwalaho ka hina ntsena? Kunene swi tsariwe+ hikwalaho ka hina, hikuva munhu loyi a rimaka u fanele ku rima a ri ni ntshembo, ni munhu loyi a hulaka u fanele ku endla tano a ri ni ntshembo wo averiwa.+ 11  Loko hi byale swilo+ swa moya eka n’wina, xana i nchumu lowukulu loko hi tshovela swilo swa nyama eka n’wina?+ 12  Loko vanhu van’wana va hlanganyela mfanelo leyi eka n’wina,+ xana hina a hi fanelanga ngopfu-ngopfu ku yi kuma? Nilokoswiritano, a hi yi tirhisanga mfanelo+ leyi, kambe hi tiyisela swilo hinkwaswo, leswaku hi nga veki xihinga xihi kumbe xihi eka mahungu lamanene+ hi ta Kreste. 13  Xana a mi swi tivi leswaku vanhu lava endlaka mintirho yo kwetsima va dya+ swilo swa le tempeleni, ni leswaku lava va tshamelaka ku tirha+ ealitarini va kuma xiavelo xa vona swin’we ni alitari? 14  Hi ndlela leyi, ni Hosi yi lerise+ lava huwelelaka mahungu lamanene leswaku va hanya hi mahungu lamanene.+ 15  Kambe a ndzi tirhisanga ni rin’we ra malunghiselelo lawa.+ Kahle-kahle, swilo leswi a ndzi swi tsalelanga leswaku swi va tano eka mina, hikuva swi nga va swinene ngopfu leswaku ndzi fa—a ku na munhu loyi a nga ta endla xivangelo xa mina xa ku tibuma+ xi va xa hava! 16  Kutani loko ndzi vula mahungu lamanene,+ a ndzi na xivangelo xo tibuma, hikuva ndzi boheka+ ku swi endla. Kunene ndzi le khombyeni+ loko ndzi nga ma vuli mahungu lamanene! 17  Loko leswi ndzi swi endla hi ku tirhandzela,+ ndzi ta kuma hakelo;+ kambe loko ndzi swi endla ndzi nga swi rhandzi, swa ha fana, ndzi tamerisiwe vulanguteri.+ 18  Kutani hakelo ya mina i yini? Hileswaku loko ndzi vula mahungu lamanene, ndzi avela mahungu lamanene handle ka nxavo,+ leswaku ndzi nga yi tirhisi hi ndlela yo biha mfanelo ya mina ya mahungu lamanene. 19  Hambileswi ndzi ntshunxekeke eka vanhu hinkwavo, ndzi tiendle hlonga+ ra hinkwavo, leswaku ndzi ta kuma+ vanhu vo tala. 20  Kutani eka Vayuda ndzi tiendle Muyuda,+ leswaku ndzi ta koka Vayuda; eka lava va nga ehansi ka nawu ndzi tiendle loyi a nga ehansi ka nawu,+ hambileswi mina ndzi nga riki ehansi ka nawu,+ leswaku ndzi ta koka lava va nga ehansi ka nawu. 21  Eka lava va nga riki na nawu+ ndzi tiendle la nga riki na nawu,+ hambileswi mina ndzi nga riki ehandle ka nawu wa Xikwembu, kambe ndzi nga ehansi ka nawu+ wa Kreste,+ leswaku ndzi ta koka lava va nga riki na nawu. 22  Eka lava tsaneke ndzi ve loyi a tsaneke, leswaku ndzi ta koka lava tsaneke.+ Ndzi ve swilo hinkwaswo eka vanhu va mixaka hinkwayo,+ leswaku ndzi ponisa van’wana hi tindlela hinkwato. 23  Kambe ndzi endla swilo hinkwaswo hikwalaho ka mahungu lamanene, leswaku ndzi ma avela+ van’wana. 24  Xana a mi swi tivi leswaku lava tsutsumaka+ emphikizanweni va tsutsuma hinkwavo, kambe i un’we ntsena loyi a amukelaka hakelo?+ Tsutsumani+ hi ndlela leyi nga ta endla leswaku mi yi kuma.+ 25  Ku tlula kwalaho, mani na mani loyi a hlanganyelaka emphikizanweni wa tikhoma+ eka swilo hinkwaswo. Ina, va swi endlela ku kuma harhi leyi onhakaka,+ kambe hina hi swi endlela ku kuma leyi nga onhakiki.+ 26  Hikokwalaho, ndlela leyi ndzi tsutsumaka+ ha yona a yi kanakanisi; swibakela swa mina ndzi swi kongomisa hi ndlela leyi nga ta endla leswaku ndzi nga bi moya;+ 27  kambe ndzi ba miri+ wa mina, ndzi wu kongomisa tanihi hlonga, leswaku loko ndzi chumayele eka van’wana, mina ndzi nga vi loyi a nga amukelekiki+ hi ndlela yo karhi.

Tinhlamuselo ta le hansi