Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 7:1-40

7  Malunghana ni swilo leswi mi tsaleke ha swona, i swinene leswaku wanuna a nga n’wi khumbi+ wansati;  kambe, hikwalaho ka ku andza ka vumbhisa,+ wanuna un’wana ni un’wana a a ve ni nsati+ wa yena, ni wansati un’wana ni un’wana a a ve ni nuna wa yena.  Wanuna a a nyike nsati wa yena mfanelo yakwe;+ kambe na yena wansati a a endle leswi fanaka eka nuna wa yena.+  Wansati a hi yena a lawulaka miri wa yena n’wini, kambe wu lawuriwa hi nuna wa yena;+ hi ku fanana ni wanuna a hi yena a lawulaka miri wa yena n’wini, kambe wu lawuriwa hi nsati wa yena.+  Mi nga tsonani,+ handle ka loko mi lo pfumelelana hi vumbirhi bya n’wina hi nkarhi lowu vekiweke,+ leswaku mi ta tinyika nkarhi wa xikhongelo kutani mi tlhela mi hlangana, leswaku Sathana a nga tshameli ku mi ringa+ hi ku va mi tsandzeka ku tikhoma.+  Hambiswiritano, leswi ndzi swi vula hi ndlela ya ku mi vevukisela,+ ku nga ri hi ndlela ya ku mi lerisa.+  Kambe ndzi navela leswaku vavanuna hinkwavo va fana na mina.+ Nilokoswiritano, un’wana ni un’wana u ni nyiko+ ya yena leyi humaka eka Xikwembu, un’wana hi ndlela yo karhi, un’wanyana hi ndlela yo karhi.  Kutani vanhu+ lava nga nghenelangiki vukati ni tinoni ndzi ri eka vona, i swinene leswaku va tshama va fana na mina.+  Kambe loko va nga koti ku tikhoma,+ a va nghenele vukati, hikuva swa antswa ku nghenela vukati+ ku ri ni ku hisiwa hi ku navela.+ 10  Vanhu lava tekaneke ndzi va nyika swiletelo, ku nga ri mina, kambe i Hosi,+ leswaku wansati a nga hambani ni nuna wa yena;+ 11  kambe loko a boheka ku hambana na yena, a a tshame a nga tekiwi kumbe a tlhela a vuyelelana ni nuna wa yena; naswona wanuna a nga fanelanga a tshika nsati wa yena. 12  Kambe ndzi ri eka van’wana, ku nga ri Hosi,+ ina, ku ri mina: Loko makwerhu a ri ni nsati loyi a nga pfumelangiki, kambe yena a tiyimisele ku tshama na yena, a nga n’wi tshiki; 13  ni wansati loyi a nga ni nuna loyi a nga pfumelangiki, kambe nuna loyi a tiyimisele ku tshama na yena, a nga n’wi tshiki nuna wa yena. 14  Hikuva wanuna loyi a nga pfumelangiki u kwetsimisiwa hikwalaho ka nsati wa yena, naswona wansati loyi a nga pfumelangiki u kwetsimisiwa hikwalaho ka makwerhu; loko swi nga ri tano, vana va n’wina kunene a va ta va lava nga basangiki,+ kambe sweswi va kwetsima.+ 15  Kambe loko loyi a nga pfumelangiki a ya emahlweni ni ku hambana+ na yena, a a hambane na yena; makwerhu wa xinuna kumbe wa xisati a nga le vuhlongeni ehansi ka swiyimo swo tano, kambe Xikwembu xi mi vitanele eku rhuleni.+ 16  Hikuva, wena wansati, u swi tivisa ku yini, kumbe u ta ponisa nuna+ wa wena? Kumbe, wena wanuna, u swi tivisa ku yini, kumbe u ta ponisa nsati+ wa wena? 17  Ntsena, leswi Yehovha a nyikeke un’wana ni un’wana xiavelo+ xa yena, un’wana ni un’wana a a fambe hilaha Xikwembu xi n’wi vitaneke hakona.+ Ndzi lerisa+ sweswo emavandlheni hinkwawo. 18  Xana u kona munhu loyi a vitaniweke a yimbile?+ A nga tshuki a hundzuka la nga yimbangiki. Xana u kona munhu loyi a vitaniweke a nga yimbanga?+ A nga tshuki a yimba.+ 19  Ku yimba+ a swi vuli nchumu, ni ku ka u nga yimbi+ a swi vuli nchumu, kambe ku hlayisa swileriso swa Xikwembu hi swona swi nga swa nkoka.+ 20  Munhu a a tshame+ eka xiyimo xin’wana ni xin’wana lexi a vitaniweke+ a ri eka xona. 21  Xana u vitaniwe u ri hlonga? Sweswo swi nga ku karhati;+ kambe loko u ta swi kota ku ntshunxeka, swa antswa u endla tano. 22  Hikuva mani na mani loyi a vitaneriweke eHosini a ri hlonga, i munhu wa Hosi loyi a ntshunxiweke;+ hi ku fanana loyi a vitaniweke a ri munhu loyi a ntshunxekeke+ i hlonga+ ra Kreste. 23  Mi xaviwe hi nxavo;+ tshikani ku va mahlonga+ ya vanhu. 24  Xiyimo+ lexi un’wana ni un’wana a vitaniweke a ri eka xona, vamakwerhu, a a tshame eka xona, a tihlanganisa ni Xikwembu. 25  Malunghana ni lava nga vanhwana a ndzi na xona xileriso lexi humaka eka Hosi, kambe ndzi nyika mavonelo+ ya mina tanihi leswi ndzi kombisiweke tintswalo hi Hosi+ leswaku ndzi va loyi a tshembekaka.+ 26  Hikokwalaho ndzi ehleketa leswaku hikwalaho ka mfanelo leyi hi nga na yona, i swinene leswaku munhu a tshamisa sweswo.+ 27  Xana u bohekile eka wansati?+ U nga lavi ku tintshunxa.+ Xana u ntshunxekile eka wansati? U nga lavi nsati. 28  Kambe hambiloko wo nghenela vukati, u ta va u nga endli xidyoho.+ Naswona loko munhu la nga nhwana a nghenela vukati, munhu wo tano u ta va a nga endli xidyoho. Hambiswiritano, lava nghenelaka vukati va ta va ni nhlomulo enyameni+ ya vona. Kambe mina ndza mi twela. 29  Ku tlula kwalaho vamakwerhu, ndzi ri, nkarhi lowu seleke wu komile.+ Ku sukela sweswi lava va nga ni vasati a va endle onge a va na vona,+ 30  ni lava rilaka a va endle onge a hi lava rilaka, ni lava tsakeke a va endle onge a hi lava tsakeke, ni lava xavaka a va endle onge a va na nchumu, 31  ni lava tirhisaka misava+ leyi a va endle onge a va yi tirhisi hi xitalo; hikuva xiyimo xa misava leyi xa hundzuka.+ 32  Kunene, ndzi lava mi ntshunxeka eku vileleni.+ Wanuna la nga tekangiki u vilela hi swilo swa Hosi, hi ndlela leyi a nga amukelekaka ha yona eka Hosi. 33  Kambe wanuna la tekeke u vilela+ hi swilo swa misava, hi ndlela leyi a nga amukelekaka ha yona eka nsati+ wa yena, 34  naswona u avene. Ku tlula kwalaho, wansati la nga tekiwangiki loyi a nga nhwana, u vilela hi swilo swa Hosi,+ leswaku a kwetsima emirini ni le moyeni wa yena. Hambiswiritano, wansati la tekiweke u vilela hi swilo swa misava, hi ndlela leyi a nga amukelekaka ha yona eka nuna+ wa yena. 35  Kambe leswi ndzi swi vulela ku pfuna n’wina, ku nga ri ku mi rhiya hi ntlhamu, kambe ku mi susumetela eka leswi faneleke,+ ni leswi vulaka ku tirhela Hosi nkarhi hinkwawo mi nga rivatiwi+ hi nchumu. 36  Kambe loko munhu a ehleketa leswaku u tikhoma hilaha ku nga fanelangiki eka vutengi bya yena bya rimbewu,+ loko a hundzile eka vurhumbuki bya vuntshwa, naswona leyi ku ri ndlela leyi swi faneleke ku endleka ha yona, a a endle leswi a swi lavaka; a nga dyohi. A va nghenele vukati.+ 37  Kambe loko munhu a yima a tiyile embilwini ya yena, a nga ri na xilaveko, kambe a kota ku lawula ku rhandza ka yena, naswona embilwini ya yena a endle xiboho xo hlayisa vutengi byakwe bya rimbewu, u ta va a endla kahle.+ 38  Hikwalaho loyi na yena a nyikelaka vunhwana bya yena bya rimbewu evukatini u endla kahle,+ kambe loyi a nga byi nyikeliki evukatini u ta va a endla kahle ngopfu.+ 39  Wansati u bohiwile nkarhi hinkwawo loko nuna wa yena a ha hanya.+ Kambe loko nuna wa yena a etlela eku feni, u ntshunxekile ku tekana ni loyi a n’wi lavaka, eHosini+ ntsena. 40  Kambe wa tsaka swinene loko a tshamisa sweswo,+ hi ku ya hi mavonelo ya mina. Hakunene ndzi ehleketa leswaku na mina ndzi na wona moya+ wa Xikwembu.

Tinhlamuselo ta le hansi