Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 5:1-13

5  Kahle-kahle ku vikiwa leswaku ku ni vumbhisa+ exikarhi ka n’wina, naswona vumbhisa byo tano a byi kona ni le xikarhi ka matiko, bya leswaku munhu un’wana u teke nsati wa tata wakwe.+  Naswona ma tikukumuxa,+ xana a swi nga ta antswa loko a mo kolola,+ leswaku munhu loyi a nga endla xiendlo lexi a susiwa exikarhi ka n’wina?+  Loko ku ri mina, hambileswi ndzi nga riki na n’wina hi miri kambe ndzi nga kona hi moya, ndzi n’wi avanyisile hakunene+ munhu loyi a endleke hi ndlela yo fana ni leyi, onge hiloko ndzi ri na n’wina,  leswaku loko mi hlengeletane hi vito ra Hosi ya hina Yesu, ni moya wa mina wu ri na n’wina hi matimba ya Hosi ya hina Yesu,+  mi nyiketa munhu wo tano eka Sathana+ leswaku ku lovisiwa nyama, ku endlela leswaku ku ponisiwa moya+ hi siku ra Hosi.+  Xivangelo xa n’wina xa ku tibuma+ a hi xinene. Xana a mi swi tivi leswaku comela xitsongo xi kukumuxa+ mbila hinkwayo?+  Susani comela xa khale, leswaku mi va mbila+ leyintshwa, tanihi leswi mi nga riki na comela. Hikuva kahle-kahle Kreste+ la nga paseka+ ya hina u endliwe xitlhavelo.+  Hikwalaho a hi hambeteni hi endla nkhuvo+ hi swinkwa leswo-ke-comela swa vutshembeki ni swa ntiyiso,+ ku nga ri hi comela+ xa khale, kumbe comela+ xa vubihi ni vuhomboloki.+  Epapileni ra mina ndzi mi tsalele leswaku mi tshika ku tihlanganisa ni timbhisa, 10  hayi leswaku mi tshika hi ku helela ku tihlanganisa ni timbhisa+ ta misava+ leyi, kumbe vanhu va makwanga ni vadyeleri kumbe vagandzeri va swifaniso swa hava. Loko a swi ri tano, kahle-kahle a mi ta fanela ku rhurha emisaveni.+ 11  Kambe sweswi ndzi mi tsalela leswaku mi tshika ku tihlanganisa+ na mani na mani loyi a vuriwaka makwerhu, kasi i mbhisa kumbe munhu wa makwanga+ kumbe mugandzeri wa swifaniso swa hava kumbe murhuketeri kumbe xidakwa+ kumbe mudyeleri, hambi ku ri ku dya mi nga dyi na yena munhu wo tano. 12  Hikuva swi ndzi khumba njhani ku avanyisa lava va nga ehandle?+ Xana n’wina a mi va avanyisi lava va nga endzeni,+ 13  kasi Xikwembu xa va avanyisa lava va nga ehandle ke?+ “Susani munhu wo homboloka exikarhi ka n’wina.”+

Tinhlamuselo ta le hansi