Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 4:1-21

4  Munhu a a hi teke hi ri malandza+ ya Kreste ni valanguteri+ va swihundla+ swo kwetsima swa Xikwembu.  Handle ka sweswo, emhakeni leyi, leswi laviwaka eka valanguteri+ hileswaku munhu a kumiwa a tshembekile.+  Kutani eka mina i mhaka leyitsongo swinene leswaku ndzi kamberiwa hi n’wina kumbe hi huvo+ ya vanhu. Hambi ku ri mina a ndzi tikambeli.  Hikuva a ndzi tivoni nandzu+ eka nchumu. Nilokoswiritano leswi a swi ndzi kombisi ndzi ri loyi a lulameke, kambe loyi a ndzi kambelaka i Yehovha.+  Hikwalaho mi nga avanyisi+ nchumu ku nga si fika nkarhi lowu faneleke, kukondza Hosi yi ta,+ ku nga yona yi nga ta tisa eku vonakaleni+ swilo swa xihundla leswi nga swa munyama, ni ku kombisa+ makungu ya timbilu erivaleni, kutani un’wana ni un’wana u ta vongiwa hi Xikwembu.+  Vamakwerhu, swilo leswi ndzi swi hundzurile leswaku swi tirha eka mina ni le ka Apolosi+ ku pfuna n’wina, leswaku mi ta dyondza eka hina nawu lowu nge: “Mi nga hundzeli halahaya ka swilo leswi tsariweke,”+ ku endlela leswaku mi nga tikukumuxi+ hi ku rhandza un’wana mi venga un’wanyana.+  Hikuva i mani la ku endlaka u hambana+ ni un’wana? Kahle-kahle i yini lexi u nga na xona lexi u nga nyikiwangiki?+ Kahle-kahle loko u lo nyikiwa,+ ha yini u tibuma+ onge a wu lo nyikiwa?  Ana se mi enerisekile, a hi swona ke? Ana se mi fuwile, a hi swona ke?+ Mi sungule ku va tihosi+ hi nga ri kona, a hi swona ke? Hakunene a ndzi navela leswaku mi va mi sungule ku va tihosi, leswaku na hina hi ta va tihosi+ swin’we na n’wina.  Hikuva ndzi vona onge Xikwembu xi kombise+ hina vaapostola eku heteleleni hi ri vanhu lava nga ta fa,+ hikuva hi ve xihlekiso endlwini ya mintlango+ emisaveni, ni le ka tintsumi+ ni le vanhwini.+ 10  Hina hi swiphukuphuku+ hikwalaho ka Kreste, kambe n’wina mi tlharihile+ eka Kreste; hina hi tsanile,+ kambe n’wina mi ni matimba;+ n’wina mi ni ndhuma+ leyinene, kambe hina hi khomisiwa tingana.+ 11  Ku ta fikela sweswi hi tshama hi ri ni ndlala+ ni torha+ ni ku pfumala swiambalo+ leswi eneleke ni ku himeteriwa+ ni ku pfumala makaya+ 12  ni ku tirha hi matimba+ hi mavoko ya hina.+ Loko hi tseketseriwa, ha katekisa;+ loko hi xanisiwa, ha tiyisela;+ 13  loko hi susiwa xindzhuti, ha khongotela;+ hi fane ni thyaka ra misava, tala ra swilo hinkwaswo, ku ta fikela sweswi.+ 14  Swilo leswi a ndzi swi tsaleli ku mi khomisa tingana, kambe ndzi swi tsalela ku mi tsundzuxa tanihi vana+ va mina lava rhandzekaka. 15  Hikuva hambiloko mo va ni vakongomisi+ va 10 000 eka Kreste, entiyisweni a mi na vatatana+ vo tala; hikuva ndzi ve tata wa n’wina eka Kreste Yesu hikwalaho ka mahungu lamanene.+ 16  Hikokwalaho ndza mi kombela, vanani vatekeleri va mina.+ 17  Hi yona mhaka leyi ndzi rhumelaka Timotiya eka n’wina,+ tanihi leswi a nga n’wana+ wa mina loyi a rhandzekaka ni loyi a tshembekaka eHosini; kutani u ta mi tsundzuxa maendlelo ya mina mayelana na Kreste Yesu,+ hilaha ndzi dyondzisaka hakona kun’wana ni kun’wana evandlheni rihi ni rihi. 18  Van’wana va tikukumuxa+ onge a ndzi nge ti hakunene eka n’wina. 19  Kambe ndzi ta ta eka n’wina ku nga ri khale, loko Yehovha a swi rhandza,+ kutani a ndzi nge ma tivi mavulavulelo ya lava va tikukumuxaka, kambe ndzi ta tiva matimba ya vona. 20  Hikuva mfumo wa Xikwembu a wu titsheganga hi mavulavulelo kambe wu titshege hi matimba.+ 21  Xana mi lava yini? Xana ndzi fanele ku ta eka n’wina hi nkhavi,+ kumbe hi rirhandzu ni moya+ wo rhula?

Tinhlamuselo ta le hansi