Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 15:1-58

15  Vamakwerhu, ndzi mi tivisa mahungu+ lamanene lawa ndzi ma vuleke eka n’wina,+ lawa na n’wina mi ma amukeleke, lawa nakambe mi yimaka+ eka wona,  lawa nakambe mi ponisiwaka+ ha wona, hi ku vulavula loku ndzi vuleke mahungu lamanene hakona eka n’wina, loko mi khoma swi tiya eka wona, handle ka loko entiyisweni mi ve vapfumeri mi nga ri na xikongomelo.+  Hikuva exikarhi ka swilo swo sungula leswi na mina ndzi swi amukeleke,+ ndzi hundzisele eka n’wina leswaku Kreste u fele swidyoho swa hina hi ku ya hi Matsalwa;+  ni leswaku u lahliwile,+ ina, leswaku u pfuxiwile+ esikwini ra vunharhu+ hi ku ya hi Matsalwa;+  ni leswaku u humelele eka Khefasi,+ ivi a humelela eka lava 12.+  Endzhaku ka sweswo u humelele eka vamakwerhu vo tlula 500 hi nkarhi wun’we, lava vo tala va vona va ha riki kona nisweswi,+ kambe van’wana va etlele eku feni.  Endzhaku ka sweswo u humelele eka Yakobo,+ kutani a humelela eka vaapostola+ hinkwavo;  kambe eku heteleleni ka hinkwaswo u humelele ni le ka mina,+ tanihi le ka munhu la velekiweke ku nga si fika nkarhi wa kona.  Hikuva hi mina lontsongo+ eka vaapostola, naswona a ndzi faneleki ku vuriwa muapostola, hikuva ndzi xanise+ vandlha ra Xikwembu. 10  Kambe ndzi leswi ndzi nga swona hi musa lowu nga faneriwiki+ wa Xikwembu. Naswona musa wa xona lowu nga faneriwiki lowu ndzi kombiweke wona a wu kumekanga wu ri wa hava,+ kambe ndzi tirhe ku va tlula hinkwavo,+ kambe a hi mina, i musa lowu nga faneriwiki wa Xikwembu lowu wu nga na mina.+ 11  Hambiswiritano, ku nga khathariseki leswaku hi mina kumbe hi vona, hi chumayela hi ndlela yoleyo, naswona n’wina mi kholwe+ hi ndlela yoleyo. 12  Kutani loko ku chumayeriwa Kreste leswaku u pfuxiwile eka lava feke,+ swi endlekisa ku yini leswaku van’wana exikarhi ka n’wina va vula leswaku ku pfuka ka vafi+ a ku kona? 13  Loko hakunene ku pfuka ka vafi ku nga ri kona, na Kreste a nga pfuxiwanga.+ 14  Kambe loko Kreste a nga pfuxiwanga, ku chumayela ka hina i ka hava hakunene, ni ripfumelo ra hina i ra hava.+ 15  Ku tlula kwalaho, hi kumiwa hi ri timbhoni ta mavunwa malunghana ni Xikwembu,+ hikuva hi nyikele vumbhoni+ lebyi solaka Xikwembu bya leswaku xi pfuxe Kreste,+ kasi a xi n’wi pfuxanga, loko lava feke va nga ta pfuxiwa+ hakunene. 16  Hikuva loko lava feke va nga ta pfuxiwa, na Kreste a nga pfuxiwanga. 17  Ku tlula kwalaho, loko Kreste a nga pfuxiwanga, ripfumelo ra n’wina a ri tirhi nchumu; ma ha ri eswidyohweni+ swa n’wina. 18  Entiyisweni, ni lava va etleleke eku feni evun’weni+ na Kreste va lovele+ makumu. 19  Loko hi ve ni ntshembo eka Kreste+ evuton’wini lebyi ntsena, hi hina hi faneleke ku tweriwa vusiwana ngopfu ku tlula vanhu hinkwavo. 20  Hambiswiritano, Kreste se u pfuxiwile eka lava feke,+ a va xirhangana+ xa lava va etleleke eku feni.+ 21  Hikuva tanihi leswi rifu+ ri nga kona hikwalaho ka munhu, ni ku pfuka ka vafi+ ku va kona hikwalaho ka munhu. 22  Hikuva tanihi leswi hinkwavo va faka+ eka Adamu, kutani hinkwavo va ta hanyisiwa+ eka Kreste. 23  Kambe un’wana ni un’wana exiyin’weni xa yena: Kreste a va swirhangana,+ ku landzela lava nga va Kreste hi nkarhi wa vukona+ bya yena. 24  Endzhaku ku fika makumu, loko a nyiketa mfumo eka Xikwembu tlhelo Tata wa yena, loko a herise hulumendhe hinkwayo ni vulawuri ni vuhosi+ hinkwabyo. 25  Hikuva u fanele a va hosi ku fikela loko Xikwembu xi veke valala hinkwavo ehansi ka milenge+ ya yena. 26  Rifu i nala wo hetelela la nga ta herisiwa.+ 27  Hikuva Xikwembu “xi veke swilo hinkwaswo ehansi ka milenge+ ya yena.” Kambe loko xi vula leswaku ‘swilo hinkwaswo swi vekiwe ehansi,’+ swi le rivaleni leswaku xona lexi vekeke swilo hinkwaswo ehansi ka yena+ a xi katsiwi. 28  Kambe loko swilo hinkwaswo swi ta va swi vekiwe ehansi ka yena,+ kutani N’wana na yena u ta tiveka ehansi ka xona+ lexi vekeke swilo hinkwaswo ehansi ka yena, leswaku Xikwembu xi va swilo hinkwaswo eka vanhu hinkwavo.+ 29  Loko swi nga ri tano, va ta endla yini lava va khuvuriwaka hi xikongomelo xa ku va lava feke?+ Loko lava feke va nga ta pfuxiwa nikatsongo,+ ha yini na vona va khuvuriwa+ hi xikongomelo xa leswaku va va tano? 30  Ha yini na hina hi va ekhombyeni nkarhi+ wun’wana ni wun’wana? 31  Siku ni siku ndzi langutana ni rifu.+ Leswi ndzi swi tiyisekisa hi ku khana+ ha n’wina vamakwerhu, loku ndzi nga na kona eka Kreste Yesu Hosi ya hina. 32  Loko, ku fana ni vanhu, ndzi lwe ni swivandzana le Efesa,+ ndzi pfuneka ha yini? Loko lava feke va nga ta pfuxiwa, “a hi dyeni hi nwa, hikuva mundzuku hi ta fa.”+ 33  Mi nga xisiwi. Vunakulobye byo biha byi onha mikhuva+ leyi pfunaka. 34  Xalamukani mi va ni mianakanyo leyi hlutekeke+ hi ku landza ku lulama, naswona mi nga hanyi hi xidyoho, hikuva van’wana a va xi tivi Xikwembu.+ Leswi ndzi swi vulela ku mi khomisa tingana.+ 35  Nilokoswiritano, un’wana u ta ku: “Lava feke va ta pfuxiwa njhani? Ina, xana va ta huma+ hi miri wa muxaka muni?” 36  Wena munhu loyi a nga anakanyiki! Lexi u xi byalaka a xi hanyi loko xi nga sungulanga xi fa;+ 37  naswona loko ku ri lexi u xi byalaka, a wu byali miri lowu nga ta mila, kambe u byala ndzoho+ leyi nga riki na nchumu, yi nga va ya koroni kumbe yin’wana ni yin’wana ya leti seleke; 38  kambe Xikwembu xi yi nyika miri+ hilaha xi+ rhandzaka hakona, mbewu yin’wana ni yin’wana yi va ni miri wa yona n’wini. 39  Nyama hinkwayo a hi nyama yin’we, kambe ku ni ya vanhu, naswona ku ni nyama yin’wana ya tihomu, ni nyama yin’wana ya tinyenyana, ni yin’wana ya tinhlampfi.+ 40  Naswona ku ni mimiri ya le tilweni+ ni mimiri+ ya le misaveni; kambe ku vangama+ ka mimiri ya le tilweni i ka muxaka wun’wana, ni ka mimiri ya le misaveni i ka muxaka wun’wanyana. 41  Ku vangama ka dyambu+ i ka muxaka wun’wana, ni ku vangama ka n’weti+ i ka muxaka wun’wana, ni ku vangama ka tinyeleti+ i ka muxaka wun’wanyana; entiyisweni tinyeleti ta hambana hi ku vangama ka tona. 42  Ni ku pfuka ka vafi+ ku tano. Wu byariwa wu ri lowu onhakaka, wu pfuxiwa wu ri lowu nga onhakiki.+ 43  Wu byariwa wu ri lowu tsongahatekaka,+ wu pfuxiwa wu ri lowu vangamaka.+ Wu byariwa wu ri lowu tsaneke,+ wu pfuxiwa wu ri ni matimba.+ 44  Wu byariwa wu ri miri wa nyama,+ wu pfuxiwa wu ri miri wa moya.+ Loko ku ri ni miri wa nyama, ni wa moya wu kona. 45  Nakambe swi tsariwe hi ndlela leyi: “Munhu wo sungula Adamu u ve moya-xiviri+ lowu hanyaka.” Adamu lowo hetelela u ve moya+ lowu nyikaka+ vutomi. 46  Nilokoswiritano, wo sungula a hi wa moya, kambe i wa nyama, kutani ku landzela lowu nga wa moya.+ 47  Munhu wo sungula u huma emisaveni naswona u endliwe hi ntshuri;+ munhu wa vumbirhi u huma etilweni.+ 48  Leswi loyi a endliweke hi ntshuri+ a nga swona, hi leswi lava va endliweke hi ntshuri va nga swona na vona; leswi loyi a nga wa le tilweni+ a nga swona, hi leswi lava va nga va le tilweni va nga swona.+ 49  Naswona leswi hi ambaleke xifaniso+ xa loyi a endliweke hi ntshuri, hi ta ambala ni xifaniso+ xa lowa le tilweni. 50  Hambiswiritano, ndza mi byela vamakwerhu, nyama ni ngati a swi nge yi dyi ndzhaka ya mfumo+ wa Xikwembu, ni ku onhaka a ku nge yi dyi ndzhaka ya ku nga onhaki.+ 51  Maswivo! Ndzi mi byela xihundla xo kwetsima: A hi hinkwerhu hi nga ta etlela eku feni, kambe hinkwerhu hi ta hundzuriwa,+ 52  hi nkarhinyana, hi ku tsopeta ka tihlo, hi nkarhi wa nanga yo hetelela. Hikuva mhalamhala+ yi ta rila, ivi vafi va pfuxiwa va ri lava nga onhakiki, kutani hi ta hundzuriwa. 53  Hikuva nchumu lowu wu onhakaka wu fanele ku ambala ku ka wu nga onhaki,+ ni nchumu lowu wu faka,+ wu fanele wu ambala ni ku ka wu nga fi. 54  Kambe loko nchumu lowu wu onhakaka wu ambala ku ka wu nga onhaki, ni nchumu lowu wu faka wu ambala ku ka wu nga fi, kutani ku ta endleka rito leri tsariweke, leri nge: “Rifu+ ri miteriwa makumu.”+ 55  “Rifu, ku hlula ka wena ku kwihi ke? Rifu, ndzhombo+ wa wena wu kwihi ke?” 56  Ndzhombo+ lowu tswalaka rifu i xidyoho, kambe matimba ya xidyoho i Nawu.+ 57  Kambe a ku nkhensiwe Xikwembu, hikuva xi hi nyika ku hlula hi Hosi ya hina Yesu Kreste!+ 58  Hikwalaho, vamakwerhu lava rhandzekaka, tserhamani,+ mi nga tsekatsekisiwi, nkarhi hinkwawo mi va ni swo tala swo swi endla entirhweni wa Hosi,+ mi ri karhi mi tiva leswaku ntirho wa n’wina a hi wa hava+ eHosini.

Tinhlamuselo ta le hansi