Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 14:1-40

14  Lavisisani rirhandzu, ntsena mi hambeta mi lava tinyiko+ ta moya hi ku hiseka, kambe ngopfu-ngopfu leswaku mi ta profeta.+  Hikuva loyi a vulavulaka hi tindzimi a nga vulavuli na vanhu, kambe u vulavula ni Xikwembu, hikuva a ku na loyi a yingiselaka,+ kambe u vulavula swihundla swo kwetsima+ hi moya.  Hambiswiritano, loyi a profetaka wa aka+ ni ku khutaza ni ku chavelela vanhu hi leswi a swi vulaka.  Loyi a vulavulaka hi ririmi rimbe wa tiaka yena, kambe loyi a profetaka u aka vandlha.  Kutani ndzi rhandza leswaku hinkwenu ka n’wina mi vulavula hi tindzimi,+ kambe ndzi tsakela ngopfu leswaku mi profeta.+ Kahle-kahle loyi a profetaka u nkulu eka loyi a vulavulaka hi tindzimi,+ handle ka loko entiyisweni a hundzuluxela, leswaku vandlha ri ta akiwa.  Kambe hi nkarhi lowu vamakwerhu, loko ndzo fika ndzi vulavula na n’wina hi tindzimi, xana hi swihi leswinene leswi ndzi nga ta va ndzi mi endlela swona, handle ka loko ndzi vulavula na n’wina hi nhlavutelo+ kumbe hi vutivi+ kumbe hi vuprofeta kumbe hi dyondzo?  Hilaha swi nga hakona, swilo leswi nga hanyiki swi humesa mpfumawulo,+ hambi xitiringo, kumbe haripa; loko swi nga humesi mimpfumawulo hi ku hambana ka yona, swi ta tivisiwa ku yini leswi chayiwaka hi xitiringo kumbe hi haripa?  Hikuva entiyisweni, loko mhalamhala yi humesa mpfumawulo lowu nga tivekiki, i mani loyi a nga ta lunghekela nyimpi?+  Hi ndlela leyi fanaka, handle ka loko n’wina hi ririmi mi humesa mhaka leyi twisisiwaka+ hi ku olova, xana leswi vuriwaka swi ta tivisiwa ku yini? Entiyisweni leswi mi swi vulaka swi ta va swi famba ni moya.+ 10  Swi nga ha endleka ku ri ni mixaka yo tala swinene ya mimpfumawulo ya mavulavulelo emisaveni, kambe a wu kona muxaka lowu nga riki na nhlamuselo. 11  Kutani loko ndzi nga ma twisisi matimba ya mpfumawulo wa mavulavulelo, ndzi ta va ndzi ri munhu wumbe+ eka loyi a vulavulaka, na yena loyi a vulavulaka u ta va a ri munhu wumbe eka mina. 12  Kutani na n’wina, tanihi leswi mi ti navelaka hi ku hiseka tinyiko ta moya,+ lavani ku andzeriwa eka tona leswaku vandlha+ ri ta akeka. 13  Hikokwalaho loyi a vulavulaka hi ririmi rimbe a a khongele leswaku a tiva ku hundzuluxela.+ 14  Hikuva loko ndzi khongela hi ririmi rimbe, i nyiko ya mina ya moya leyi khongelaka,+ kambe mianakanyo ya mina a yi veki mihandzu. 15  Kutani ku fanele ku endliwa yini? Ndzi ta khongela hi nyiko ya moya, kambe ndzi ta khongela ni hi mianakanyo ya mina. Ndzi ta yimbelela swidzuniso+ hi nyiko ya moya, kambe ndzi ta yimbelela swidzuniso ni hi mianakanyo+ ya mina. 16  Loko swi nga ri tano, loko u nyikela swidzuniso hi nyiko ya moya, xana munhu loyi a tshameke exitshan’weni xa munhu la tolovelekeke u ta vurisa ku yini a ku “Amen”+ loko u nkhensa, tanihi leswi a nga swi tiviki leswi u swi vulaka? 17  I ntiyiso, u nkhensa hi ndlela leyinene, kambe munhu loyi un’wana a nga akiwi.+ 18  Ndzi nkhensa Xikwembu, leswi ndzi vulavulaka tindzimi to tala ku tlula hinkwenu ka n’wina.+ 19  Nilokoswiritano, evandlheni swi nga antswa ndzi vulavula marito ya ntlhanu hi mianakanyo ya mina, leswaku ndzi letela ni van’wana hi nomu, ku ri ni ku vulavula marito ya 10 000 hi ririmi+ rimbe. 20  Vamakwerhu, mi nga vi vana lavatsongo ematimbeni ya ku twisisa,+ kambe mi va swihlangi evubihini;+ ntsena mi va lava kuleke hi ku helela ematimbeni ya ku twisisa.+ 21  ENawini ku tsariwe va ku: “‘Ndzi ta vulavula ni vanhu+ lava hi marimi ya vanhu vambe ni hi milomu ya vanhu vambe,+ kambe ni le nkarhini wolowo a va nge ndzi yingisi,’ ku vula Yehovha.”+ 22  Hikwalaho tindzimi a hi xikombiso+ eka vapfumeri,+ kambe eka lava nga riki vapfumeri, kasi ku profeta a hi ka lava nga riki vapfumeri, kambe i ka vapfumeri.+ 23  Hikokwalaho, loko vandlha hinkwaro ri hlengeletana ndhawu yin’we kutani hinkwaro ri vulavula hi tindzimi,+ kambe ku nghena vanhu lava tolovelekeke kumbe lava nga riki vapfumeri, xana a va nge vuli leswaku ma penga? 24  Kambe loko mi profeta hinkwenu, kutani ku nghena loyi a nga riki mupfumeri kumbe munhu loyi a tolovelekeke, hinkwavo+ va n’wi tshinya, hinkwavo va n’wi kambela khwatsi; 25  swihundla swa mbilu ya yena swa vonaka,+ lerova u ta wa hi xikandza a gandzela Xikwembu, a ku: “Xikwembu xi le xikarhi ka n’wina+ hakunene.” 26  Kutani ku fanele ku endliwa yini vamakwerhu? Loko mi hlengeletana, un’wana u ni pisalema, un’wana u ni dyondzo, un’wana u ni nhlavutelo, un’wana u ni ririmi rimbe, un’wana u ni vuhlamuseri.+ Swilo hinkwaswo a swi endleriwe ku aka.+ 27  Naswona loko ku ri ni loyi a vulavulaka hi ririmi rimbe, va nga tluli vambirhi kumbe vanharhu, nakambe a va siyerisane; kutani un’wana a a hundzuluxele.+ 28  Kambe loko muhundzuluxeri a nga ri kona, a a miyele evandlheni a vulavulela embilwini+ ni ku vulavula ni Xikwembu. 29  Ku tlula kwalaho, a ku vulavule vaprofeta+ vambirhi kumbe vanharhu, naswona lavan’wana a va twisise nhlamuselo+ ya kona. 30  Kambe loko un’wana+ a ri ni nhlavutelo loko a ha tshame kwalaho, lowo sungula a a miyele. 31  Hikuva hinkwenu mi nga profeta+ ha un’we-un’we leswaku hinkwavo va ta dyondza, hinkwavo va khutaziwa.+ 32  Naswona tinyiko ta moya ta vaprofeta ti fanele ku lawuriwa hi vaprofeta. 33  Hikuva Xikwembu a hi Xikwembu xa mpfilumpfilu,+ kambe i xa ku rhula.+ Tanihi le mavandlheni hinkwawo ya vakwetsimi, 34  vavasati a va tshame va miyerile+ emavandlheni, hikuva a swi pfumeleriwi leswaku va vulavula, kambe a va titsongahate,+ hilaha ni Nawu+ wu vulaka hakona. 35  Kutani loko va lava ku dyondza swo karhi, a va vutise vanuna va vona ekaya, hikuva swa nyumisa+ leswaku wansati a vulavula evandlheni. 36  Yini? Xana rito ra Xikwembu ri hume+ eka n’wina, kumbe ri fikelele n’wina ntsena ke? 37  Loko munhu a ehleketa leswaku i muprofeta kumbe u ni nyiko ya moya, a a pfumele swilo leswi ndzi mi tsalelaka swona, hikuva i swileriso+ swa Hosi. 38  Kambe loko munhu a pfumala vutivi, u hambeta a pfumala vutivi. 39  Hikwalaho vamakwerhu, hambetani mi hisekela ku lava ku profeta,+ kambe mi nga swi aleli ku vulavula hi tindzimi.+ 40  Kambe swilo hinkwaswo a swi endliwe hi ku tenga ni hi ku hleleka.+

Tinhlamuselo ta le hansi