Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 12:1-31

12  Malunghana ni tinyiko+ ta moya, vamakwerhu, a ndzi lavi mi pfumala vutivi.  Ma swi tiva leswaku loko ma ha ri vanhu va matiko,+ a mi kongomisiwa eswifanisweni+ swa hava leswi nga riki na rito,+ mi ya kun’wana ni kun’wana laha mi kongomisiwaka kona.  Hikokwalaho ndzi lava mi tiva leswaku a ku na munhu loyi loko a vulavula hi moya wa Xikwembu, a vulaka a ku: “Yesu a a rhukaniwe,”+ naswona a ku na munhu loyi a nga vulaka a ku: “Yesu i Hosi,” loko ku nga ri hi moya lowo kwetsima.+  Kutani ku ni tinyiko+ to hambana-hambana, kambe ku ni moya+ wun’we;  naswona ku ni vutirheli+ byo hambana-hambana, kambe ku ni Hosi+ yin’we;  naswona ku ni mintirho+ yo hambana-hambana, kambe i Xikwembu+ xin’we lexi endlaka mintirho hinkwayo eka vanhu+ hinkwavo.  Kambe xikombiso xa moya xi nyikiwa un’wana ni un’wana hi xikongomelo+ xo pfuna.  Hi xikombiso, un’wana u nyikiwe ku vulavula swa vutlhari+ hi moya, un’wanyana u nyikiwe ku vulavula swa vutivi+ hi ku ya hi moya lowu fanaka,  un’wana u nyikiwe ripfumelo+ hi moya lowu fanaka, un’wana u nyikiwe tinyiko ta ku horisa+ hi moya wolowo wun’we, 10  kasi un’wanyana u nyikiwe ku endla mintirho+ ya matimba, un’wana u nyikiwe ku profeta,+ un’wana u nyikiwe ku twisisa+ marito+ lama huhuteriweke, un’wana u nyikiwe tindzimi+ to hambana-hambana, kasi un’wana u nyikiwe ku hlamusela+ tindzimi. 11  Kambe mintirho leyi hinkwayo yi endliwa+ hi moya wun’we, wu avela+ un’wana ni un’wana hilaha wu rhandzaka hakona.+ 12  Hikuva leswi miri wu nga wun’we kambe wu nga ni swirho swo tala, nileswi swirho hinkwaswo swa miri wolowo swi vumbaka miri+ wun’we, hambileswi swi nga tala, swi tano ni hi Kreste.+ 13  Hikuva entiyisweni hinkwerhu hi khuvuriwe+ hi moya wun’we leswaku hi va emirini wun’we, hambi hi Vayuda kumbe Magriki, hambi hi mahlonga kumbe hi ntshunxekile, naswona hinkwerhu hi nwisiwe+ moya wun’we. 14  Hikuva miri kahle-kahle a hi xirho xin’we, kambe i swirho swo tala.+ 15  Loko nenge wu tshuka wu te: “Leswi ndzi nga riki voko, a ndzi xiphemu xa miri,” leswi a swi endli leswaku wu nga vi xiphemu xa miri.+ 16  Niloko ndleve yi tshuka yi te: “Leswi ndzi nga riki tihlo, a ndzi xiphemu xa miri,” leswi a swi endli leswaku wu nga vi xiphemu xa miri.+ 17  Loko miri hinkwawo a wu ri tihlo, xana xirho xa ku twa a xi ta va kwihi? Loko a wu twa hinkwawo, xana ku nun’hwetela a ku ta va kwihi? 18  Kambe Xikwembu xi veke swirho emirini, xin’wana ni xin’wana xa swona hilaha xi swi rhandzeke+ hakona. 19  Loko hinkwaswo a swi ri xirho+ xin’we, xana miri a wu ta va kwihi? 20  Kambe i swirho+ swo tala, kasi miri i wun’we. 21  Tihlo a ri nge byeli voko ri ku: “Wena a ndzi ku lavi”; nakambe nhloko a yi nge byeli milenge yi ku: “N’wina a ndzi mi lavi.” 22  Kambe mhaka hileswaku swirho swa miri leswi vonakaka onge swi tsanile+ swa laveka, 23  ni swiphemu swa miri leswi hi ehleketaka leswaku a swi xiximeki ngopfu, hi swi xixima+ swinene, kutani swirho swa hina leswi khomisaka tingana swa languteka swinene, 24  kasi swirho swa hina leswi langutekaka a swi lavi nchumu. Nilokoswiritano, Xikwembu xi hlanganise miri, xi endla leswaku xiphemu lexi pfumalaka ku xiximeka xi xiximiwa swinene ngopfu, 25  leswaku ku nga vi na ku avana emirini, kambe swirho swa wona swi khathalelana+ hi ndlela leyi fanaka. 26  Naswona loko xirho xin’we xi xaniseka, swirho leswin’wana hinkwaswo swi xaniseka+ na xona; kumbe loko xirho xin’wana xi vangamisiwa,+ swirho leswin’wana hinkwaswo swi tsaka na xona.+ 27  Kutani n’wina mi miri wa Kreste, naswona un’wana i xirho xa un’wanyana.+ 28  Xikwembu xi veke vanhu vo hambana-hambana evandlheni,+ vo sungula i vaapostola;+ va vumbirhi i vaprofeta;+ va vunharhu i vadyondzisi;+ ku landzela mintirho+ ya matimba; ku ta tinyiko ta ku horisa;+ mintirho+ yo pfuna, vuswikoti byo kongomisa,+ tindzimi+ to hambana-hambana. 29  A hi hinkwavo va nga vaapostola, a hi swona ke? A hi hinkwavo va nga vaprofeta, a hi swona ke? A hi hinkwavo va nga vadyondzisi, a hi swona ke? A hi hinkwavo va endlaka mintirho ya matimba, a hi swona ke? 30  A hi hinkwavo va nga ni tinyiko ta ku horisa, a hi swona ke? A hi hinkwavo va vulavulaka hi tindzimi,+ a hi swona ke? A hi hinkwavo va nga vahundzuluxeri,+ a hi swona ke? 31  Kambe hambetani mi lava tinyiko+ letikulu hi ku hiseka. Kambe ndzi mi komba ndlela+ leyi tlakukeke.

Tinhlamuselo ta le hansi