Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Vakorinto 11:1-34

11  Mi va vatekeleri va mina, tanihi leswi mina ndzi nga mutekeleri wa Kreste.+  Kutani ndza mi bumabumela hikuva eka swilo hinkwaswo ma ndzi anakanya naswona ma yi namarhela mindhavuko,+ hilaha ndzi yi hundziseleke hakona eka n’wina.  Kambe ndzi lava mi tiva leswaku nhloko ya wanuna un’wana ni un’wana i Kreste;+ kasi nhloko ya wansati i wanuna;+ kasi nhloko ya Kreste i Xikwembu.+  Wanuna un’wana ni un’wana loyi a khongelaka kumbe ku profeta a vehele xo karhi enhlokweni yakwe u tsongahata nhloko+ ya yena;  kambe wansati un’wana ni un’wana loyi a khongelaka kumbe ku profeta+ a nga funengelanga nchumu enhlokweni u tsongahata nhloko+ ya yena, hikuva swi fana ni loko a ri wansati loyi a byevuleke nhloko.+  Hikuva loko wansati a nga tifunengeti nchumu, a a tsemete ni misisi; kambe loko wansati a nyuma ku tsemeta misisi kumbe ku yi byevula,+ a a tifunengete.+  Hikuva wanuna a nga fanelanga a funengeta nhloko ya yena, tanihi leswi a nga xifaniso+ ni ku vangama+ ka Xikwembu; kambe wansati i ku vangama+ ka wanuna.  Hikuva wanuna a nga humi eka wansati, kambe i wansati la humaka eka wanuna;+  naswona, ku tlula kwalaho, wanuna a nga tumbuluxeriwanga wansati, kambe i wansati la tumbuluxeriweke wanuna.+ 10  Hi yona mhaka leyi wansati a faneleke a va ni xikombiso xa vulawuri enhlokweni+ ya yena hikwalaho ka tintsumi.+ 11  Handle ka sweswo, mayelana ni Hosi wansati a nga vi kona handle ka wanuna, ni wanuna a nga vi kona handle ka wansati.+ 12  Hikuva tanihi leswi wansati a humaka eka wanuna,+ ni wanuna u kona hikwalaho ka wansati;+ kambe swilo hinkwaswo swi huma eka Xikwembu.+ 13  Avanyisani hi n’wexe: Xana swa fanela leswaku wansati a khongela Xikwembu a nga funengelanga nchumu? 14  Xana ntumbuluko a wu mi dyondzisi leswaku loko wanuna a ri ni misisi yo leha swa n’wi tsongahata; 15  kambe loko wansati a ri ni misisi yo leha, swa n’wi vangamisa+ ke? Hikuva u nyikiwe misisi ematshan’weni ya xifunengeto+ xa nhloko. 16  Hambiswiritano, loko munhu a vonaka a lwisana+ ni ntolovelo+ wo karhi, a ha ha ri na wun’wana, kasi ni mavandlha ya Xikwembu a ma ha ri na wun’wana. 17  Kambe, hambiloko ndzi mi nyika swiletelo leswi, a ndzi mi bumabumeli, hikuva a mi hlangani hi leswinene kambe mi hlangana+ hi leswo biha ngopfu. 18  Hikuva xo sungula eka hinkwaswo, ndzi twa leswaku ku ni ku avana exikarhi ka n’wina,+ loko mi hlengeletana evandlheni; naswona ndza swi kholwa hi mpimo wo karhi. 19  Hikuva swi fanerile leswaku ku va ni mimpambukwa+ ni le xikarhi ka n’wina, leswaku ni vanhu lava amukelekaka va vonaka exikarhi ka n’wina.+ 20  Hikokwalaho, loko mi hlengeletana ndhawu yin’we, a swi koteki ku dya xilalelo+ xa Hosi. 21  Hikuva loko mi xi dya, un’wana ni un’wana u dya xilalelo xa yena ka ha ri emahlweni, lerova un’wana u va ni ndlala kambe un’wanyana u va a pyopyiwile. 22  Hakunene, mi na tona tindlu to dyela ni ku nwela eka tona, a hi swona ke?+ Kumbe, xana mi ri langutela ehansi vandlha ra Xikwembu ivi mi endla leswaku lava va nga riki na nchumu+ va khomiwa hi tingana? Xana ndzi ta ku yini eka n’wina? Xana ndzi fanele ku mi bumabumela? Eka leswi a ndzi mi bumabumeli. 23  Hikuva leswi ndzi swi hundziseleke ni le ka n’wina ndzi swi amukele eka Hosi, leswaku Hosi Yesu, evusikwini+ lebyi a a ta nyiketiwa ha byona u teke xinkwa, 24  kuteloko a nkhensile, a xi phema,+ a ku: “Leswi swi vula miri+ wa mina hikwalaho ka n’wina. Tshamani mi ri karhi mi endla leswi leswaku mi ndzi tsundzuka.”+ 25  A endla hilaha ku fanaka ni hi xinwelo,+ endzhaku ka loko a dye xilalelo, a ku: “Xinwelo lexi xi vula ntwanano+ lowuntshwa hikwalaho ka ngati+ ya mina. Tshamani mi ri karhi mi endla leswi minkarhi hinkwayo loko mi xi nwa leswaku mi ndzi tsundzuka.”+ 26  Hikuva minkarhi hinkwayo+ loko mi dya xinkwa lexi ni ku nwa xinwelo lexi, mi hambeta mi huwelela rifu+ ra Hosi, yi kondza yi fika.+ 27  Hikwalaho mani na mani loyi a dyaka xinkwa kumbe ku nwa xinwelo xa Hosi swi nga fanelanga u ta va ni nandzu+ eka miri ni ngati+ ya Hosi. 28  Munhu a a sungule a tiyiseka leswaku wa fanelaka endzhaku ka ku tikambisisa,+ kutani hi kona a nga dyaka xinkwa ni ku nwa xinwelo. 29  Hikuva loyi a dyaka ni ku nwa, u dya a tlhela a nwa vuavanyisi+ ehenhla ka yena, loko miri a nga wu twisisi. 30  Hi yona mhaka leyi vo tala exikarhi ka n’wina va tsaneke ni ku vabya, kasi vo hlayanyana va etlele+ eku feni. 31  Kambe loko a hi twisisa leswi hina hi nga swona, a hi nga ta avanyisiwa.+ 32  Hambiswiritano, loko hi avanyisiwa,+ hi tshinyiwa hi Yehovha,+ leswaku hi nga gweviwi+ ni misava.+ 33  Hikwalaho, vamakwerhu, loko mi hlengeletana leswaku mi dya,+ rindzanani. 34  Loko un’wana a ri ni ndlala, a a dye ekaya,+ leswaku mi nga hlengeletani kutani mi avanyisiwa.+ Kambe timhaka leti seleke ndzi ta ti lulamisa loko ndzi fika kwalaho.

Tinhlamuselo ta le hansi