Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Timotiya 6:1-21

6  Hinkwavo lava nga mahlonga ehansi ka joko a va hambete va teka vini va vona va faneriwa hi ku xiximiwa+ loku heleleke, leswaku vito ra Xikwembu ni dyondzo ku nga tshuki ku vulavuriwa ku biha+ ha swona.  Ku tlula kwalaho, lava va nga ni vini+ lava pfumelaka va nga tshuki va va langutela ehansi,+ hikuva i vamakwavo.+ Ku hambana ni sweswo, a va tiyimisele swinene ku va mahlonga, hikuva lava va amukelaka mpfuno wa ntirho wa vona lowunene i vapfumeri naswona va rhandzeka. Yana emahlweni u dyondzisa swilo+ leswi ni ku nyikela swikhongotelo leswi.  Loko munhu hambi a ri wihi a dyondzisa dyondzo+ yin’wana naswona a nga ma amukeli marito lama nga ni rihanyo+ ya Hosi ya hina Yesu Kreste, hambi ku ri dyondzo leyi fambisanaka ni ku tinyiketela+ loku nga ni vukwembu,  wa tikukumuxa hi ku tinyungubyisa,+ a nga twisisi nchumu,+ kambe wa vabya emiehleketweni+ hi swivutiso ni minjhekanjhekisano mayelana ni marito.+ Eka swilo leswi ku huma mona,+ madzolonga, ku vulavula nhlambha,+ ku ehleketelela loku hombolokeke,  ku kanetana ka vukarhi hi swilo leswi nga nyawuriki ka vanhu lava onhakeke emianakanyweni+ ni lava tekeriweke ntiyiso,+ va ehleketa leswaku ku tinyiketela loku nga ni vukwembu i ndlela yo pindzula.+  Hakunene, ku tinyiketela+ loku ku nga ni vukwembu swin’we ni ku eneriseka+ i ndlela leyi pindzurisaka+ swinene.  Hikuva a hi tanga na nchumu emisaveni, naswona a hi nge fambi na nchumu.+  Kutani, loko hi ri ni swakudya ni swifunengeto, hi ta eneriseka hi swilo+ leswi.  Hambiswiritano, lava tiyimiseleke ku fuwa va wela endzingweni+ ni le ntlhan’wini ni le ku naveleni+ ko tala ka vuhunguki ni loku vavisaka, loku nghenisaka vanhu endzovisweni ni le ku onhakeni.+ 10  Hikuva ku rhandza+ mali i rimitsu+ ra mixaka hinkwayo ya swilo swo biha,+ naswona hi ku lwela ku fikelela rirhandzu leri, van’wana va lahlekisiwile eripfumelweni naswona va titlhave hinkwako-nkwako hi switlhavi+ swo tala. 11  Hambiswiritano, Wena munhu wa Xikwembu, baleka eka swilo+ leswi. Kambe lavisisa ku lulama, ku tinyiketela loku nga ni vukwembu, ripfumelo, rirhandzu, ku tiyisela, moya wo rhula.+ 12  Lwana nyimpi leyinene ya ripfumelo,+ khomelela swinene evuton’wini lebyi nga heriki lebyi u vitaneriweke byona naswona u nyikeleke xitiviso+ lexinene xa le rivaleni emahlweni ka timbhoni to tala ha byona. 13  Emahlweni ka Xikwembu, lexi londzovotaka swilo hinkwaswo swi hanya, ni le mahlweni ka Kreste Yesu, loyi tanihi mbhoni+ a endleke xitiviso+ lexinene xa le rivaleni emahlweni ka Pontiyo Pilato,+ ndzi ku lerisa+ 14  leswaku u hlayisa xileriso hi ndlela yo pfumala xivati ni leyi pfumalaka xisandzu ku fikela loko ku humelela+ Hosi ya hina Yesu Kreste. 15  Mulawuri-nkulu+ la tsakeke ni loyi a nga yexe u ta kombisa ku humelela loku eminkarhini+ ya kona leyi vekiweke, yena Hosi+ ya lava nga tihosi ni Mufumi+ wa lava nga vafumi, 16  loyi ku nga yena ntsena la nga fiki,+ la tshamaka eku vonakaleni+ loku nga tshinelelekiki, loyi ku nga riki na munhu ni un’we la n’wi voneke kumbe la nga n’wi vonaka.+ Ku xiximiwa+ ni matimba a swi ve swa yena hilaha ku nga heriki. Amen. 17  Lerisa lava fuweke+ emafambiselweni ya sweswi ya swilo leswaku va nga titekeli ehenhla,+ naswona va nga veki ntshembo wa vona erifuweni+ leri nga tiyangiki, kambe va wu veka eka Xikwembu, lexi hi nyikaka swilo hinkwaswo hilaha ku fuweke leswaku hi tiphina;+ 18  va endla leswinene,+ va fuwa hi mintirho+ leyinene, va hanana, va tiyimisela ku avelana+ ni van’wana, 19  va tivekela hi ku hlayiseka+ masungulo+ lamanene ya nkarhi lowu taka, leswaku va ta khomelela swinene evuton’wini+ bya xiviri. 20  Wena Timotiya, hlayisa leswi u tamerisiweke swona,+ u fularhela ku vulavula ka hava loku lwisanaka ni leswo kwetsima ni ku kanetana hi leswi vuriwaka “vutivi”+ hi mavunwa. 21  Hi ku bombisa vutivi byo tano van’wana va hambukile eripfumelweni.+ Onge musa lowu nga faneriwiki wu nga va na n’wina.

Tinhlamuselo ta le hansi