Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

1 Timotiya 1:1-20

1  Mina Pawulo, muapostola+ wa Kreste Yesu ehansi ka xileriso xa Xikwembu+ Muponisi+ wa hina ni xa Kreste Yesu, ntshembo+ wa hina,  eka Timotiya,+ n’wana+ wa xiviri eripfumelweni: Onge ku nga va ni musa lowu nga faneriwiki, tintswalo, ku rhula loku humaka eka Xikwembu Tatana na Kreste Yesu Hosi+ ya hina.  Hilaha ndzi ku khutazeke hakona leswaku u tshama aEfesa loko mina ndzi ri kusuhi ni ku khoma ndlela ndzi ya eMakedoniya,+ ndzi endla tano ni sweswi, leswaku u ta lerisa+ van’wana leswaku va nga dyondzisi dyondzo+ leyi hambaneke,  hambi ku ri ku nyikela nyingiso etimhakeni ta mavunwa+ ni ta matimu ya swivongo, leti makumu ya tona ku nga vuhava,+ kambe ti vangaka swivutiso leswi lavaka ndzavisiso ku nga ri ku ava nchumu wo karhi lowu humaka eka Xikwembu mayelana ni ripfumelo.  Kunene xikongomelo xa xileriso lexi i rirhandzu+ leri humaka embilwini+ yo basa ni le ripfalweni+ lerinene ni le ripfumelweni leri nga riki na vukanganyisi.+  Van’wana va hambukiseriwe eku vulavuleni ka swa hava+ hikwalaho ka ku hambuka+ eka swilo leswi,  va lava ku va vadyondzisi+ va nawu,+ kambe a va swi twisisi swilo leswi va swi vulaka kumbe swilo leswi va tiyisaka hi matimba malunghana na swona.  Sweswi ha swi tiva leswaku Nawu i wunene+ ntsena loko munhu a wu tamela hi ku landza nawu+  hi ku tiva mhaka leyi, leswaku nawu a wu vekeriwanga munhu la lulameke kambe wu vekeriwe vanhu vo kala nawu+ ni lava nga lawulekiki,+ lava nga xiximiki Xikwembu ni vadyohi, lava pfumalaka musa+ wa rirhandzu, ni lava thyakeke, lava dlayaka vatata wa vona hi vomu ni lava dlayaka vamana wa vona hi vomu ni lava dlayaka vanhu, 10  timbhisa,+ vavanuna lava etlelaka ni vaxinuna, lava tlhakisaka vanhu, vahembi, lava hlambanyaka+ hi mavunwa, ni xilo xin’wana ni xin’wana lexi lwisanaka+ ni dyondzo+ leyi hanyisaka 11  leyi fambisanaka ni mahungu lamanene lama vangamaka ya Xikwembu lexi tsakeke,+ lawa ndzi tamerisiweke+ wona. 12  Ndzi nkhensa Kreste Yesu Hosi ya hina, loyi a ndzi nyikeke matimba, hikuva u ndzi teke ndzi tshembekile+ hi ku ndzi avela evutirhelini,+ 13  hambileswi eku sunguleni a ndzi ri musandzi ni muxanisi+ ni murhukani.+ Nilokoswiritano, ndzi kombisiwe tintswalo,+ hikuva a ndzi pfumala+ vutivi naswona a ndzi endla hi ku pfumala ripfumelo. 14  Kambe musa lowu nga faneriwiki wa Hosi ya hina wu engeteleke ku tlurisa+ swin’we ni ripfumelo ni rirhandzu mayelana na Kreste Yesu.+ 15  Rito+ ra leswaku Kreste Yesu u tile emisaveni leswaku a ta ponisa vadyohi+ ri tshembekile naswona ri fanele ku amukeriwa hi ku helela. Eka vona ndzi le mahlweni.+ 16  Nilokoswiritano, xivangelo xa ku kombisiwa ka mina tintswalo,+ hileswaku ha mina loyi ndzi nga exiyin’weni xo rhanga, Kreste Yesu a ta komba ku va ni mbilu yo leha kakwe hinkwako, sweswo swi va xikombiso eka lava va nga ta veka ripfumelo+ ra vona eka yena leswaku va kuma vutomi+ lebyi nga heriki. 17  Sweswi ku xiximiwa ni ku vangama, a swi ye eka Hosi leyi nga riki na makumu,+ leyi nga onhakiki,+ leyi nga vonakiki,+ leyi nga Xikwembu+ xi ri xoxe, hi masiku ni masiku.+ Amen. 18  N’wananga, Timotiya, ndzi ku nyika xileriso+ lexi hi ku landza ku bvumba+ loku teke eka wena hi ku kongoma, leswaku ha kona u ta ya emahlweni u lwa nyimpi+ leyinene; 19  u va ni ripfumelo ni ripfalo+ lerinene, leri van’wana va ri bakanyeleke etlhelo+ kutani ripfumelo+ ra vona ri tshoveka ku fana ni xikepe lexi tshovekeke. 20  Himenayo+ na Alekzanda+ va hlayiwa exikarhi ka vona, naswona ndzi va nyikete eka Sathana+ leswaku va ta dyondzisiwa hi ku tshinyiwa leswaku va nga sandzi.+

Tinhlamuselo ta le hansi